ကေဒီအေ ဒုတိယခြောက်လပတ်အစည်းအဝေးအတွက် ကျောင်းသန့်ရှင်းရေး



၃၁.၁၂.၂၀၀၉
၂၀၁၀-ခုနှစ်၊ ဇန္နဝါရီ (၃)ရက်နေ့ ဇွဲကပင်ပညာဒါနအသင်း ဒုတိယအကြိမ် ခြောက်လပတ်အစည်းအဝေးကို ထိုင်းနိုင်ငံ၊ နွန်ထဘူရီ ၊၀တ်နခွန်းအင်ကျောင်းတိုက်တွင် ကျင်းပပြုလုပ်မည်ဖြစ်ပါသည်။ အစည်းအဝေးပွဲကျင်ပမည့်နေရာ နွန်ထဘူရီ၊ ၀တ်နခွန်အင်ကျောင်းတိုက်တွင် ဒီဇင်ဘာ (၂၇)ရက် တနင်္ဂနွေနေ့ သန့်ရှင်းသပ်ရပ်မှုရှိစေရန်နှင့် နောင်တစ်ချိန် (ကေဒီအေ) အဖွဲ့သားများအလှူဒါန အစည်းအဝေးစသည် ကျင်းပပြုလုပ်ရာဝယ် အဆင်ပြေစေရန် ရည်သန်ကာ ကျောင်းသန့်ရှင်းရေး ပြုလုပ်ခဲ့ကြပါသည်။






[Read More...]


စုပေါင်းလုပ်ဆောင်ခြင်းမှ စည်းလုံးခြင်းဆီသို့




မနိုက်အွာ (ဒီဇင်ဘာ ၃၁ရက်)

အခု ဆောင်းရာသီ၊ နှင်းတွေတဖျန်းဖျန်းကျပြီး အေးချမ်းလှတဲ့ ဒီဇင်ဘာလမှာ ကျမတို့ကရင်လူမျိုးတွေ အပျော်ရွှင်ဆုံးအချိန်ဖြစ် တယ်။ အကြောင်းမှာ တနှစ်တာအတွင်း ရာသီသုံးခုအလိုက် တောင်ယာ၊ လယ်ယာနဲ့ ခြံလုပ်ငန်းတွေ လုပ်ကိုင်စားသောက်ကြတဲ့ ကျမတို့ကရင်လူမျိုးတွေက လုပ်ငန်းတွေ ပြီးစီးတဲ့ယခုအချိန်မှာ နှစ်သစ်ကို ကြိုဆိုဖို့အတွက် တောင်ပေါ်၊ မြေပြန့်ဒေသအနှံ့ နေထိုင် ကြတဲ့ ကျမတို့ကရင်တွေက မိမိတို့ သက်ဆိုင်ရာဒေသအလိုက် စုစည်းပြီး ကရင်နှစ်သစ်ကူးပွဲတော်ကို ပျော်ရွှင်စွာနဲ့ ကျင်းပဆင်နွဲ ကြတယ်။

ယခုနှစ် ကျရောက်လာတဲ့ ကရင့်သက္ကရာဇ် ၂၇၄၉ခုနှစ်၊ သလေ(ပြာသို)လဆန်း ၁ရက်နေ့၊ ခရစ်နှစ် ၂၀၀၉ခုနှစ်၊ ဒီဇင်ဘာ ၁၆ရက် နေ့မှာ မြန်မာပြည်တွင်း ပြည်ပရှိ ကရင်အမျိုးသားများ ရောက်ရှိနေထိုင်ကြတဲ့ နေရာအနှံ့မှာ ကရင်နှစ်သစ်ကူးပွဲတော်ကို ကျင်းပပြု လုပ်ခဲ့သလို ကရင်ပြည်နယ်၊ မြဝတီမြို့နဲ့ မနီးမဝေးမှာ တည်ရှိနေတဲ့ မဲ့ကနဲ၊ နို့ဖိုး(အတွင်းကွင်းကလေး)နှင့် ထီးမူးထာ့ (အပြင်ကွင်း ကလေး)ကျေးရွာတို့မှာလည်း ရွာသူရွာသားတွေက ကရင်နှစ်သစ်ကူးပွဲတော်ကို စုပေါင်းကျင်းပကြတယ်။

အဲဒီ မဲ့ကနဲ၊ နို့ဖိုး၊ ထီးမူးထာ့ကျေးရွာတွေဟာ တရွာနဲ့တရွာ အကွာအဝေးက သိပ်မဝေးလှပါ။ ရွာသူရွာသားတွေက အပြန်အလှန် ယိုင်းပင်းကူညီမှု၊ စုပေါင်းလုပ်ဆောင်မှုတွေ အားကောင်းတဲ့အတွက်ကြောင့် ကရင့်နှစ်သစ်ကူးပွဲတော်ကို အလှည့်ကျ လက်ခံကျင်း ပခဲ့တာဖြစ်ပြီး ဒီနှစ်မှာ ကျရောက်လာတဲ့ ကရင်နှစ်သစ်ကူးပွဲတော်ကို နို့ဖိုးကျေးရွာမှာ လာရောက်စုပေါင်း ကျင်းပခဲ့တာဖြစ်တယ်။

“ကရင်တမျိုးသားလုံးရဲ့ ရိုးရာနှစ်သစ်ကူးပွဲတော်ကို တနှစ်တကြိမ် ကျနော်တို့ ရွာသူရွာသားတွေ စုပေါင်းကျင်းပခြင်းဖြင့် ကျနော်တို့ အချင်းချင်း စည်းလုံးညီညွတ်ခြင်းကို ဖော်ဆောင်စေပါတယ်”လို့ မဲ့ကနဲရွာသားတဦးက ပျော်ရွှင်သော အပြုံးနဲ့အတူ ပြောဆိုလာ တယ်။

ကရင်နှစ်သစ်ကူးပွဲတော်ရဲ့ အထိမ်းအမှတ်အနေဖြင့် နှစ်သစ်ကူးကျင်းပတဲ့နေ့ မရောက်ခင် သုံးလေးရက်အလိုမှာ လူကြီး၊ လူငယ်၊ အမျိုးသမီးနဲ့ ကလေးတွေအတွက် ဘောလုံးပြိုင်ပွဲတွေ နို့ဖိုးကျေးရွာရဲ့ စာသင်ကျောင်းကွင်းထဲမှာ ကျင်းပပြုလုပ်ကြတဲ့အပြင် ည ပိုင်းမှာလည်း ကရင့်ရိုးရာဒုံးယိမ်းအက၊ ဝါးညှပ်အကနှင့် ရိုးရာလှပျိုဖြူမောင်မယ် ပြိုင်ပွဲတွေကိုလည်း ကျင်းပခဲ့ကြပြီး လာရောက် ကြည့်ရှုကြတဲ့ ရွာသူရွာသားတွေကလည်း အပြုံးကိုယ်စီနဲ့ ပျော်ရွှင်ကြတာကို တွေ့ရတော့ ကျမလည်း သူတို့နဲ့အတူ ဝမ်းမြောက် ပျော်ရွှင်မိပါတယ်။
Karen new year article (1)
ဒီဇင်ဘာ ၁၆ရက်နေ့၊ ကရင်လ သလေလဆန်း ၁ရက်နေ့ မနက်စောစော ၆နာရီလောက်အချိန်မှာ ရွာပေါင်းသုံးရွာမှ ရွာသူရွာသား တွေက ရောင်စုံကရင်အမျိုးသား ဝတ်စုံတွေကို ဝတ်ဆင်ကာ နှစ်သစ်ကူးပွဲတော်ကျင်းပရာ စာသင်ကျောင်းကွင်းထဲမှာ လာရောက် စုစည်းကြပြီး ကရင့်နှစ်သစ်ကူးပွဲတော် အခမ်းအနားကို ကရင်အမျိုးသားအလံတော်တင်၊ အလေးပြုခြင်းအစီအစဉ်နဲ့ စတင် ဖွင့်လှစ် ခဲ့ပြီး အခမ်းအနားကို တက်ရောက်လာကြတဲ့ ရွာသူရွာသားတွေက ဖားစည်နှင့် ရိုးရာတူရိယာတွေ တီးခတ်၊ ကျွဲချိုတွေ မှုတ်ပြီးတော့ သက်ဆိုင်ရာ ကျေးရွာတာဝန်းရှိသူတွေက ကရင်နှစ်သစ်ကူး ဖြစ်ပေါ်လာပုံအကြောင်း၊ ကရင်အမျိုးသားအလံတော်အကြောင်းနဲ့ ကရင်မျိုးနွယ် ဆင်းသက်လာပုံအကြောင်းတွေကို ရှင်းလင်းဟောပြောခဲ့ကြတယ်။

ဒါ့အပြင် သက်ကြီးရွယ်အို အဘိုးအဘွားတွေကို ပူဇော်ခြင်း၊ အရိုအသေပေးခြင်းတို့ကို ကရင်အမျိုးသားတွေရဲ့ ချစ်စရာကောင်းတဲ့ အစဉ်အလာတရပ်ပါ။ ထိုအခမ်းအနားမှာလည်း ရွာသူရွာသားများက မိမိတို့ကျေးရွာအတွင်းမှာရှိတဲ့ သက်ကြီးရွယ်အို အဘိုးအဘွား တွေကို ရိုသေဂါရဝပြုခြင်း၊ လက်ဆောင်ပစ္စည်းတွေ ပေးအပ်ခြင်း အစီအစဉ်ကိုလည်း ပြုလုပ်ခဲ့ကြပြီး တချိန်တည်းမှာပဲ “ကရင်နှစ် သစ်မှာ လူတွေအားလုံး ဘေးကင်းပါစေ၊ လုပ်ငန်းတွေ ဖြစ်ထွန်းအောင်မြင်ပါစေ”လို့ နှစ်သစ်ဆုမွန်ကောင်းတွေ ချွေကြတယ်။

ညနေပိုင်းမှာ ကရင်တွေရဲ့ ရိုးရာအားကစားတရပ်ဖြစ်တဲ့အတွက် ရိုးရာလက်ဝှေ့ပွဲကိုလည်း အစဉ်အလာမပျက်အောင် ကျင်းပပြု လုပ်ကြပြန်တယ်။ နှစ်သစ်ကူးပွဲတော် စတင်ကျင်းပခြင်းတလျှောက်လုံးမှာ ထူးခြားတာခုက ပွဲတော်ကျင်းပတဲ့ ကွင်းအတွင်း အရက် သေစာ ရောင်းချတာတို့၊ လောင်းကစားလုပ်တာတို့ မတွေ့ရဘူး၊ မရှိအောင်လည်း ပွဲဖြစ်မြောက်ရေး ကော်မတီအဖွဲ့က စည်းကမ်း ထုတ်ထားကြောင်းကိုလည်း သိရတယ်။ ဒါဟာလည်း ရိုးရာယဉ်ကျေးမှုတွေကို လုပ်ရိုးလုပ်စဉ်အတိုင်း အစဉ်အလာမပျက် ထိန်း သိမ်းတဲ့ လုပ်ရပ်ကောင်းတခုဖြစ်တယ်လို့ ကျမ ထင်တယ်။

ကရင်အမျိုးသားတွေ၊ သွေးချင်းညီအကိုမောင်နှမတွေက အမျိုးသားအလံတော်အောက်မှာ စုစည်းပြီး ကရင်နှစ်သစ်ကူးပွဲတော်ကို ပျော်ရွှင်စွာ ဆင်နွဲကြတာကို တွေ့ရလို့ အထူးဝမ်းမြောက်မိကြောင်း ပြောဆိုလာတဲ့ နို့ဖိုးရွာသူ နော်တောနော့ဖောကတော့ “ဒီနှစ် နှစ်သစ်ကူးမှာ ကျမအထူးပဲ ဝမ်းသာမိပါတယ်။ ဘာကြောင့်လဲဆိုတော့ ကျမတို့ တရွာထဲပဲ ကျင်းပမယ်ဆိုရင် အခုလို လူတွေအ များကြီးတွေ့ရမှာမဟုတ်ဘူး။ အခုလို စုပေါင်းကျင်းပခြင်းအားဖြင့် အဝေးမှာနေတဲ့ ကျမတို့ ညီအကိုမောင်နှမတွေ ကျမတို့နဲ့အတူ ကရင်နှစ်သစ်ကူးပွဲတော်ကို လာရောက်ဆင်နွဲတာတွေ့ရတော့ မပြောတတ်လောက်အောင် ဝမ်းသာတယ်။ ပျော်လည်းပျော်တယ်” လို့ ပြုံးရင်း ပြောဆိုသွားတာဖြစ်တယ်။
Karen new year article (2)

နို့ဖိုးကျေးရွာအတွင်းမှာ ကျင်းပပြုလုပ်တဲ့ နှစ်သစ်ကူးပွဲတော်ဟာ ကြီးကျယ်ခမ်းနားတဲ့ပွဲတော်တခု မဟုတ်သော်လည်း ကရင်အမျိုး သားတွေရဲ့ အစဉ်အလာ၊ ချစ်စရာကောင်းတဲ့ ယဉ်ကျေးမှုအမွေအနှစ်တွေကို ဖော်ထုတ်ပြီး စည်းလုံးခြင်းကို ဖော်ဆောင်တဲ့ပွဲတခု ပါလို့ အခမ်းအနားကို တက်ရောက်လာ မဲ့ကနဲရွာသား စောဃီထူးက ယခုလို ဆိုသတဲ့။

သူက “ဒါတွေဟာ ကျနော်တို့ ရိုးရာ ယဉ်ကျေးမှုတွေ မပျောက်အောင် ဖော်ထုတ်တာဖြစ်သလို ကျနော်တို့ တရွာနဲ့တရွာ ချစ်ခင် ရင်းနီးမှု၊ စည်းလုံးမှုတွေကို ဖော်ဆောင်တာလည်းဖြစ်တယ်။ နှစ်သစ်ကူးပွဲတော်ကို အခုလိုမျိုး စုပေါင်းမကျင်းပဖြစ်ရင် ကျနော်တို့ ဒီ လိုမျိုး ဆုံဆည်းဖြစ်မှာမဟုတ်ဘူး”တဲ့။

လူမျိုးတမျိုးဟာ ဘာသာစကား၊ စာပေ၊ အနုပညာ၊ ယာဉ်ကျေးမှုဓလေ့ စတဲ့ အင်္ဂါရပ်တွေ ပြည့်စုံရမယ်ဆိုတဲ့အတိုင်း အဲဒီအင်္ဂါရပ် တွေနဲ့ ပြည့်စုံနေတဲ့ ကရင်လူမျိုးတွေ ပပျောက်မသွားဖို့နဲ့ အနာဂတ်မျိုးဆက်သစ်တွေလည်း ကရင်အမျိုးသားတွေရဲ့ ယဉ်ကျေးမှု ဓလေ့တွေကို သိရှိထိန်းသိမ်းတတ်အောင် ရည်ရွယ်ပြီးတော့ သက်ဆိုင်ရာ ကျေးရွာတာဝန်ရှိသူများက ကရင်နှစ်သစ်ကူးကျင်းပ ရေး ကော်မတီတရပ်ဖွဲ့စည်းကာ ကရင့်နှစ်သစ်ကူးပွဲတော်ကို စုပေါင်းကျင်းပကြခြင်းဖြစ်တယ်လို့ ကော်မတီ ဥက္ကဌဖြစ်သူ စောကြီး တဲနဲက ပြောဆိုသွားခဲ့တယ်။

သူက “ကျနော်တို့ကို အရင်က ဆရာသမားတွေ လုပ်ပြပေးတဲ့အတိုင်း ကျနော်တို့တွေဟာ ကရင်လူမျိုးတွေ ဖြစ်တယ်ဆိုတာ လူ တွေ သိဖို့ရယ်၊ ကရင်တွေရဲ့ ယဉ်ကျေးမှုတွေ မပျောက်ဖို့ရယ်၊ အနာဂတ်ကလေးသူငယ်တွေ ကျနော်တို့ရဲ့ ယဉ်ကျေးမှုဓလေ့တွေ ကို သိရှိနားလည်ပြီး နောက်နောင် လုပ်တတ်ကိုင်တတ်ဖို့အတွက် ရည်ရွယ်ကျင်းပတာဖြစ်တယ်”တဲ့။

အဆိုပါ နို့ဖိုး၊ ထီးမူးထာ့နှင့် မဲ့ကနဲကျေးရွာတို့ဟာ မြဝတီမြို့နယ်၊ သင်္ဃန်းညီနောင်၏ အနောက်ဘက်ခြမ်းမှာ တည်ရှိပြီး ကရင်နှစ်သစ်ကူးပွဲတော်ကို ပြီးခဲ့တဲ့ ၁၉၇၈ခုနှစ်က စပြီးတော့ ကျေးရွာအတွင်း စတင်ကျင်းပခွင့်ရခဲ့တာဖြစ်ပြီး ယခုကျင်းပ တဲ့အကြိမ်မှာ (၃၁)ကြိမ်မြောက် ကရင်နှစ်သစ်ကူးပွဲတော်ဖြစ်တယ်။

ရွာသူရွာသားတွေရဲ့ပြောဆိုချက်အရ အရင်က ကရင်နှစ်သစ်ကူးပွဲတော်ကို ကျေးရွာအတွင်း ကျင်းပခွင့်မရဘဲ သင်္ဃန်းညီနောင်မှာ နိုင်ငံကို အုပ်ချုပ်တဲ့ အာဏာပိုင်တွေ စီစဉ်ကျင်းပပေးတဲ့အတိုင်း ရွာသူရွာသားတွေက သွားရောက်ဆင်နွဲကြရတယ်။ အခုလို ကျေး ရွာအတွင်း ကရင်နှစ်သစ်ကူးပွဲတော်ကို ကျင်းပခွင့်ရတာကလည်း ရွာသူရွာသားများတွေရဲ့ စည်းလုံးညီညွတ်ခြင်းကြောင့်ပါလို့ ဆိုတယ်။

စုပေါင်းလုပ်ဆောင်ခြင်းဟာ စည်းလုံးခြင်းကို ဖော်ဆောင်သလို အဲဒီမှာရှိတဲ့ ရွာသူရွာသားတွေက အခု ၂၇၄၉ခု၊ နှစ်သစ်မှာ ကရင် အမျိုးသားအားလုံး ဒုက္ခအပေါင်းမှ ကင်းဝေးပြီး အချင်းချင်း သွေးစည်းညီညွတ်သွားစေဖို့ မျှော်လင့်နေကြတယ်။
kicnews.orgမှတဆင့်ကူးယူတင်ထားသည်။
[Read More...]


လူမျိုးစုနဲ့နိုင်ငံမဲ့များအရေး



၂၅.၁၂.၀၉
လမ်းသရဲမလေး(http://www.blogger.com/)
ကမ္ဘာပေါ် လူမျိုးစုတို့ စုပေါင်းနေထိုင်ရာ ကို အစွဲပြုပြီး နိုင်ငံ တစ်နိုင်ငံရယ် လို့ မည့်ခေါ်ကြတဲ့ အတွက် နိုင်ငံပေါင်းများစွာ ဖြစ်ပေါ်တည်ရှိနေပါတယ် ။ ဒါပေမယ့် နိုင်ငံတိုင်း မှာ လူမျိုးတမျိုးဘဲ နေထိုင်တာ မဟုတ်ဘဲ အများအပြားနေထိုင် ကြတာ ရှိတဲ့ အတွက် လူမျိုးများ အနေနှင့် နိုင်ငံ အရေအတွက် ထပ် များပြားနေပါတယ်။

ဒါကိုကြည့်ရင် လူမျိုးတိုင်းဟာ မိမိတို့ ဘိုးစဉ်ဘောင်ဆက် နေထိုင်ရာ ဒေသ(နိုင်ငံ) ရှိကြတာချည်းပဲ လို့ ဆိုရပါမယ် ။ မည်သူတဦးတယောက် ကမှ နိုင်ငံမဲ့ မွေးဖွားလာတာ မဟုတ်ပါဘူး ဆိုတာ ထင်ရှားပါတယ် ။ မိမိတိုပမွေးဖွားရာ ဒေသရှိ ပြီးမှ အကြောင်းကြောင်း ကြောင့် ကမ္ဘာအနှံ့အပြား ရောက်ရျိနေကြပြီး နိုင်ငံ မဲ့ ဖြစ်ရတဲ့ သာဓကတွေ ရှိပါတယ် ။

ဒါပေမယ့် နောက်ဆုံးမှာ မိမိတို့ ဇာတိဒေသ မှာ နိုင်ငံပြန်လည်ထူထောင် နိုင်တဲ့ အတွက် ကြောင့် နိုင်ငံမဲ့ ဘဝက လွတ်မြောက်သည့် သာဓက အဖြစ် အစ္စရေး နိုင်ငံ ကို လက်တွေ့မြင်နိုင်ပါတယ် ။ အလားတူ ပါလက်စတိုင်း လူမျိုးတို့လည်း လတ်တလော နိုင်င့ မဲ့ ဘဝ ရောက်နေပေမယ့် မကြာမှီ ကိုယ်ပိုင် နိုင်ငံ ထူထောင်နိုင်မှာ မလွဲပါဘူး ။


ဒါပေမယ့် ကမ္ဘာအရပ်ရပ်မှာ လူမျိုးတမျိုး ပါလို့ သတ်မှတ် အခေါ်ခံရပြီး နိုင်ငံ ပျောက်နေတဲ့ (သို့မဟုတ်) နိုင်ငံမဲ့ ဘဝရောက်နေတဲ့ လူမျိုးအများအပြားလည်း ရှိနေပါသေးတယ် ။ ကောင်းပါပြီ ဒီလူမျိုးတွေဟာ နိုင်ငံ မရှိ ငြားလည်း ကမ္ဘာပေါ် မှာ နေစရာ အမိုးအကာ ၊ စားစရာ အစားအသောက် ၊ ဝတ်စရာအဝတ်အထည် ရရှိပြီး ၊ အသက်ရှင် နေထိုင်ကြတဲ့ အတွက် နိုင်ငံ မရှိတော့ ဘာအရေးလဲ လို့ သဘောထား တွေးမိသူတွေ ရှိနိုင်ပါတယ် ။ ကောင်းပါပြီ အကယ်၍ ထိုအတွေး ရှိသူ ထိုအတွေး ကို လက်တွေ့ဆန်ဆန် ပြောနေသူ တွေ ဟာ လုံးဝမမှန်နိုင်ပါဘူး ။

အများသိကြတဲ့အတိုင်း ကမ္ဘာကြီးဟာ မြေပြင်သာမက ရေပြင်၊ လေပြင်ကိုပါ ခွဲခြမ်းပြီး နိုင်ငံအသီးသီး ရဲ့ပိုင်နက်နယ်နမိတ် ထဲသတ်မှတ်သွတ်သွင်းပြီး သားဖြစ်နေပါတယ်။ အဲဒီသီးခြားစီ သတ်မှတ်နိုင်ငံ နယ်ပယ်ထဲမှ ထိုနိုင်ငံသားလိုသတ်မှတ် ခံနိုင်တယ်။ အဲဒီနိုင်ငံ သားလို့ သတ်မှတ်ခံရမှသာ အဲဒီနိုင်ငံက ပြဌာန်းသတ်မှတ်ထားတဲ့ အခွင့်အရေးအဖုံဖုံ ကို ရယူခံစားနိုင်ခွင့်ရှိတယ်။ ဒါကြောင့် နိုင်ငံတနိုင်ငံရဲ့ နိုင်ငံသား အဖြစ်မခံရသူ (သို့မဟုတ်) နိုင်ငံမဲ့ ဖြစ်နေသူ လူမျိုးတို့ဟာ မျောက်သစ်ကိုင်းလွတ်သလိုနေ စရာ မဲ့တွေ ဖြစ်နေကြရတယ်။ လူဘဝဆုံးရရှာတယ် လို့တောင် ပြောနိုင်တယ်။ မိမိခိုကပ်နေရတဲ့ နိုင်ငံ နဲ့နိုင်ငံသားတို့ သနားမှသာ အသက်ရှင်နိုင်တဲ့ ဘဝဖြစ်ရရှာတယ်။ ဒါကြောင့် ကမ္ဘာအရပ်ရပ် မှာ အကြောင်းကြောင်း အမျိုးမျိုး နဲ့ နိုင်ငံမဲ့ ဘဝရောက်နေတဲ့ လူမျိုးတို့မှာ သနားစရာ အလွန်ကောင်းပါတယ်။

မျက်မှောက်ကာလ ကမ္ဘာ အဲဒီလို နိုင်ငံမဲ့ လူမျိုးဘဝရောက်ကြရတဲ့ အကြောင်းအရင်းကို ရှာဖွေတဲ့ အခါ အဓိက တွန်းအားပေးတဲ့ အချက်အချို့ကို ရှာတွေ့ကြရတယ်။ ထိုအချက်တို့မှာ ဖြစ်ရိုးဖြစ်စဉ် မဟုတ်ဘဲ အခြေအနေ အလွန်ရှုပ်ထွေး ပြင်းထန်ပြီး ရုတ်တရက် ပေါက်ကွဲ ဖြစ်ပေါ် ပြောင်းလဲ သွားတဲ့ နိုင်ငံရေး အခင်းအကျင်း ပြောင်းလဲမှုကြောင့် လည်း သက်ဆိုင်သလို ဥပမာ ဆိုဗီယက်ဆိုရှယ်လစ်ပြည်ထော င်စု သမ္မတနိုင်ငံ နှင့် ယူဂိုဆလားဗီးယား ဆိုရှယ်လစ်ပြည်ထောင်စု နိုင်ငံ တို့ ပြိုကွဲသွားတဲ့ အဖြစ်မျိုး ။ ဒါ့အပြင် လူမျိုးရေး ကိစ္စ ၊ ဓနဥစ္စာ ပိုင်ဆိုင်မှု ကိစ္စ ၊ ကလေးသူငယ် များ နှင့် အမျိုးသမီးများ အခွင့်အရေး ပြဿနာများ စသည့် တို့အပေါ် အမြင်သဘောထားများ ကွဲပြားခြင်း တို့ကြောင့် တကြောင်း ။ ပြီးတော့ မတူခြားနားတဲ့ လူမျိုးစုများ အကြား အင်အား၊ အာဏာ ၊ ချိန်ခွင်ညှာ ပြိုင်ကြခြင်း ကြောင့် တကြောင်း စတဲ့ အကြောင်းတွေ ကြောင့် နိုင်ငံမဲ့ ဘဝများဖြစ်ပေါ်လာခဲ့ကြရတယ်။

လူမျိုးရေးကိစ္စ နှင့်ပတ်သတ်ရင် ဥပမာ ခရိုင်မီးယား နယ်ဖွား တာတာလူမျိုး TARTARS ၂၅၀§٫၀၀၀ ကျော်တို့ဟာ ၁၉၄၄ခု နှစ်တုန်းက ဆိုဗီယက်နိုင်ငထဲံက ကွန်မြူနစ်ခေါင်းဆောင် ̏စတာလင်̋ မောင်းထုတ်လိုက်တဲ့ အတွက် ပြည်ပနိုင်ငံများမှာ နိုင်ငံမဲ့ ဘဝနဲ့ ဆယ်စုနှစ်များစွာ နေခဲ့ကြရတယ်။ ၎င်းတို့လိုိပဲ ကမ္ဘာအရပ်ရပ် မှာ နိုင်ငံမဲ့ ဘဝနဲ့ ရောက်ရှိနေတဲ့ သူတွေ အများအပြား ရှိနေပါတယ် ။ သူတို့ရောက်နေတဲ့ နိုင်ငံက လည်း ၎င်းတို့ကို နိုင်ငံသား အဖြစ် အသိအမှတ်မပြု ကြပါဘူး ။ ဒါကြောင့် ၎င်းတို့ဟာ နိုင်ငံတကာ က တရားဝင်ပေးထားတဲ့ အခွင့်အရေးတွေ ဖြစ်တဲ့ ကျမ်းမာရေး ခံစားခွင့် ၊ ပညာသင်ကြားခွင့် ၊ နိုင်ငံရေး သက်ဝင်ယုံကြည်ခွင့် ၊ လွပ်လပ်ခွင့် စတာတွေ ကိုအနည်းဆုံး ခံစားရတာက လွဲပြီး အပြည့်အဝ ဘာမှ မရရှိကြဘူး ။

ကိုယ်ရောက်နေတဲ့ နိုင်ငံမှာ ဧည့်သည်ဖြစ်နေတဲ့ အတွက် ပစ္စည်းဥစ္စာ ပိုင်ဆိုင်ခွင့်မရှိကြဘူး ။ မြို့ပေါ်မှာ အလုပ်လုပ်ခွင့်မရှိကြဘူး ။ အနိမ့်ဆုံး လယ်ယာလုပ်သားတေါ အဖြစ်တောင် တရားဝင်လုပ်ခွင့်မရကြဘူး ။ အခန်းကျဉ်လေးထဲမှာ စုပေါင်းနေထိုင်နေကြရတယ် ။ ဆေးဝါးတရားဝင် ကုသခွင့်မရကြဘူး ။ ဆေးမြစ်ရှာ ဆေးဝါးဖော်စပ် သုံးစွဲနေကြရတယ် ။ သေတော့လဲ သိက္ခာရှိရှိ မသေကြရဘူး ။ တရားဝင် စာရွက်စာတမ်း မရှိရင် မြေမြုပ်ခွင့် ရဖို့ သင်္ဂြိုလ်ခွင့်ရဖို့ ခက်ကြရတယ် ။

ဆိုဗီယက်ယူနီယံ ပြိုကွဲ ပြီးနောက် လွပ်လပ်တဲ့ ယူကရိန်းနိုင်ငံ နဲ့ ဥဇဘက်ကစ္စတန်နိုင်ငံ ရယ်လို့ ပေါ်ထွက်လာခဲ့တယ် ။ တာတာတို့ဟာ ထို့အခါကျမှ သူတို့ ဘိုးဘွားဘီဘင် နေထိုင် ခဲ့တဲ့ ဇာတိမြေ ကို ပြန်ခွင့်ရကြတယ် ။ ပထမတသုတ် ၁၇٫၀၀၀ ပြန်လာတဲ့ အထဲ က တချို့ ယူကရိန်း နိုင်ငံသား ခံယူခွင့်ရကြပြီး ။ ကျန်အများစုက ဥဇဘက်ကစ္စတန် နိုင်ငံသား အဖြစ် ခံယူခွင့်ရကြတယ် ။

တာတာ တို့ဟာ ယူကရိန်းနိုင်ငံရဲ့ သမိုင်းစဉ် မျိုးနွယ်စုဖြစ်တာ မှန်ပေမယ့် ခိုင်မာတဲ့ အထောက်အထား အချက်အလက်တွေ ပြသရန် ခက်ခဲနေတဲ့ အတွက် အားလုံးကိုယူကရိန်းနိုင်ငံ သား အဖြစ် လက်ခံ လိုက်ရန် အကြပ်တွေ့ကြရတယ် ။ ပြန်လာနေတဲ့ တာတာတို့ ကိုယ်တိုင်ကလည်း ဦးနှောက်ခြောက်ရပြန်တာ က ယူကရိန်းနိုင်ငံ သားဖြစ်ဖို့ မသေချာမရေရာသေးတဲ့ အခြေအနေမှာ ရရှိထား တဲ့ ဥဇဘက်နိုင်ငံ သားအဖြစ် ကို စွန့်လွှတ်ရန် စဉ်းစားသင့် မသင့် စဉ်းစားစရတဲ့ ပြဿနာ ကြုံရပြန်တယ် ။

၁၉၉၂-၁၉၉၃ ခုနှစ်တုန်းက ချက်ကိုစလိုဗက်ကီင်္းယား လိုနိုင်ငံ နှစ်ခြမ်းကွဲ ခဲ့ ကြတယ် ။ ချက်သမ္မတနိုင်ငံ နဲ့ စလိုဗက်ကီးယား သမ္မတ နိုင်ငံ ဆိုပြီး နှစ်နိုင်င့ တည်ထောင်ခဲ့ ကြတယ် ။ အဲဒီအခြေအနေ အောက်မှာ နိုင်ငံ သား အချို့ ကြားချန်နေခဲ့ ကြတယ် ။ မဲထည့်တဲ့ အချိန်မှာ ချက်နိုင်ငံ မှာ မဲထည့်ခဲ့ကြတယ် ။ ဒါပေမယ့် နောက်ပိုင်းမှာ စလိုဗက်နိုင်ငံသား အဖြစ်သတ်မှတ်ခံလိုက်ရတယ် ။ ဒါကြောင့် ချက်နိုင်ငံသား ဖြစ်ခွင့် ရအောင် စလိုဗက်နိုင်ငံ သား အဖြစ်ခံယူပြီး အဲဒီအဖြစ် ကို ပြန်စွန့်လွှတ်ကာ နိုင်ငံ မဲ့ ဘဝ နဲ့ ယာယီနေရမယ် ။ ပြီးနောက်မှ ချက်နိုင်ငံသား အဖြစ် လျှောက်ယူရမယ် လို့ ဆိုတယ် ။ စလိုဗက်နိုင်ငံ အာဏာပိုင်များက ထောက်ခံပေး မှ လျှောက်နိုင်တယ် ။ ဒါပေမယ့် ရမယ် မသေချာသေးဘူး ။ အငြင်းပယ်ခံရရင် နိုင်ငံမဲ့ ဘဝနဲ့ နေရမယ် ကိန်းဆိုက်နေတယ် ။

အာရှနိုင်ငံတွေမှာ လည်း နိုင်ငံမဲ့ ဘဝ နဲ့ ကြုံတွေ့ နေရသူတွေ ရှိသေးတယ် ။ (BOAT PEOPPLE) ဆိုတဲ့ လှေပေါ် အိုးအိမ်ဖွဲ့နေထိုင်သူတွေ နေရာရွှေ့ပြောင်း ခဲ့ကြတဲ့ ၁၉၇၀-နဲ့ ၁၉၈၀ ခုနှစ်တုန်းက ဖြစ်တယ် ။ လူမျိုးတစုဟာ ဗီယမ်နမ်နိုင်ငံကနေ ဟောင်ကောင် ကျွန်းကို ထွက်ပြေးခိုလှုံခဲ့ကြတယ် ။ ဟောင်ကောင် ကျွန်းဟာ တရုတ်ပြည်မကြီး လက်အောက် ပြန်ရောက်တဲ့ အချိန်မှာ ဗီယမ်နမ်က ပြေးလာတဲ့ တရုတ်တို့ဟာ တရုတ်ပြည်မကြီး ဆီ ပြေးဝင် ခိုလှုံပြန်တယ် ။ ဗိယမ်နမ် ကို ပြန်ပြေးခိုလှုံသူ တွေ လဲ ရှိတယ် ။

ဗီယမ်နမ်က ထိုတရုတ် အမျိုးသားတို့ဟာ သူတို့လူမျိုးမဟုတ်တဲ့ အတွက် နိုင်ငံသား အဖြစ်လက်မခံဘဲ ငြင်းဆိုတယ် ။ တရုတ်ပြည်မကြီး ကလည်း (BOATPEOPPLE) တွေကို တရုတ်နိုင်ငံသား အဖြစ်တောင်းဆိုခွင့် မရှိသူများအဖြစ် တရုတ် အစိုးရက သဘေထား ထားတယ် ။ နိုင်ငံသားဖြစ်ခွင့် ငြင်းဆိုခံရတဲ့ အကြောင်းက ဟောင်ကောင်မှာ ထိုသူတို့အနေဖြင့် ဥပဒေနှင့်အညီ နေထိုင်ခွင့်ရသူတွေ မဟုတ်လို့ ဖြစ်တယ်ဟုပြောသည် ။ ထိုသူတို့ ကိစ္စဟာ အလွန်ရှုပ်ထွေး ခက်ခဲလှတဲ့ ပြဿနာ အဖြစ် ကျန်ရစ်နေဆဲ ဖြစ်တယ် ။

နိုင်ငံ တနိုင်ငံမှာ နိုင်င့သား အဖြစ် ခံစားရရှိဖို့ က သမိုင်းကြောင်း ဇစ်မြစ်ဆိုင်ရာကိစ္စတို့ ဆိုတဲ့ တွေခေါ်မြှော်မြင်ချင်းဆို င်ရာ ကိစ္စတွေ ကို ထည့်သွင်းစဉ်းစားကြတယ် ။ တချို့နိုင်ငံမဲ့ လူမျိုးများအတွက် သူတို့ခမျာ သူတို့ရောက်ရှိနေတဲ့ နိုင်ငံ မှာ မျိုးဆက်အလိုက် ကာလ ရှည်ကြာ စွာ နေထိုင်ခဲ့ ပေမယ့် နိုင်ငံသားဖြစ်ခွင့် မရကြဘူး ။ တချို့ကျတော့ နိုင်ငံသား ခံယူခွင့် ပြုခံရပေမယ့် မတည်မြဲကြပြန်ဘူး ။ ဥပမာ အားဖြင့် ၁၉၇၀ ခုနှစ်̏ယူဂန်ဒါ̋ နိုင်ငံမှာ အီဒီယမ်အာမင် တွေ အာဏာသိမ်းလိုက်တုန်းက နိုင်ငံသား ခံယူခွင့် ပြုထားတဲ့ အာရှသား များ နိုင်ငံထဲက ပြန်မောင်းထုတ်ခံရတာမျိုးေ တွ ၊ ဖမ်းဆီးချုပ်နှောင်ခံရတာမျိုးနဲ့  ပစ္စည်းဥစ္စာ တွေ အသိမ်းခံရတာမျိုးတွေ ကြုံတွေ့ခဲ့ကြရတယ် ။

ဆိုဗီယက်ယူနီယံ အုပ်စုနဲ့ အနောက်ဥရောပ အုပ်စုတို့ရဲ့ စစ်အေးတိုက်ပွဲ ကာလတုန်းက လည်း နိုင်ငံ ကို စွန့်ခွာ သွားပြီး နောက် ဘယ်နိုင်ငံသား အဖြစ် မှ ခံယူခွင့်မရကြတဲ့ ရှုမေးနီးယား လူမျိုးတွေ နဲ့ ဆိုဗီယက်လူမျိုးတွေ လည်းရှိသေးတယ် ။ အလားတူ နိုင်ငံရေးပြဿနာများ ကြောင့် နိုင်ငံမဲ့ ဘဝရောက်မေသူတွေ ကမ္ဘ့အနှံအပြားမှာ ရှိနေပါသေးတယ် ။ စာရင်းအတိအကျ မပြုစုနိုင်သေးလို့သာ အရေ အတွက် မသိနိုင်သော်လည်း အမြောက်အမြား ရှိနေကြသည် ။

ကမ္ဘာ့ကုလသမဂ္ဂ အဖွဲ့ ကြီးက ထိုနိုင်ငံ မဲ့လူသားများ ကိစ္စ ကို ကူညီဖြေရှင်းပေးရန် ၁၉၅၄ ခုနှစ်မှာ နိုင်ငံတကာ သဘောတူညီချက်များကို ပြဌာန်းပေးခဲ့ သည် ။ နောက်တဖန် ၁၉၆၁ ခုနှစ် မှာလည်း နိုင်ငံမဲ့ ဘဝတွေ လျှော့နည်းသွားအောင် နိုင်ငံတကာ က ပူပေါာင်းဆောင်ရွက် ကြဖို့ ပြဌာန်းချက် အသစ် များ ချနှတ်ပေးခဲ့သေးသည် ။ ၁၉၇၄ ခုနှစ်မှာတော့ ကုလသမဂ္ဂ ညီလာခံကြီးက ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) ကနိုင်ငံမဲ့ သမား တို့အား အကန့်အသတ်နဲ့ တရားဝင် အကူအညီ ပေးရန် ညွှန်ကြားခဲ့တယ် ။ ဒုတိယ ကမ္ဘာစစ်ပြီး ပြီးနောက် နိုင်ငံ တချို့က လိုက်နာကြပေမယ့် မျက်မှောက်ကာလ မှာ များမကြာမှီ နှစ်ပနည်းငယ် အတွင်းမှာ နိုင်ငံမဲ့ လူသားဘဝ ပြဿနာများဟာ ပိုမိုအာရုံစိုက်စရာ ပြဿနာ တရပ် အဖြစ် ဖြစ်လာပါ့မယ် ။

ဒါကြောင့် ၁၉၉၆ ခုနှစ်က ကမ္ဘ့ာ ကုလသမဂ္ဂ အထွေထွေညီလာခံကြီးက (UNHCR) ရုံးကို လုပ်ပိုင်ခွင့် အာဏာ ကိုချပေးပြီး ကမ္ဘ့ာ အဝန်းမှာ နိုင်ငံမဲ့ လူသားတို့ ဘဝ ပပျောက်ရေး ကိုအလေးပေး ဆောင်ရွက် စေခဲ့တယ် ။ (UNHCR) ရုံးဟာ ယူကရိန်နိုင်ငံ အစိုးရ အာဏာပိုင် တို့နဲ့ ပူးပေါင်းဆောင်ရွက်နိုင်ခဲ့ခြင်းကြောင့် တာတာ လူမျိုးတို့ ရဲ့နိုင်ငံမဲ့ ဘဝ ပြဿနာ ကို ဖြေရှင်းပေးနိုင်ခဲ့ တယ် ။ ၁၉၉၇-၁၉၉၈ ခုနှစ်အတွင်း ပြန်တော် ပြန်လာတဲ့ တာတာ လူမျိုး ၄၅٫၀၀၀ တို့ ယူကရိန်းနိုင်ငံသား ခံယူခွင့်ရသွားတယ် ။ ချက်သမ္မတနိုင်ငံ အစိုးရက လည်း (UNHCR) ရဲ့ မေတ္တာရပ်ခံ ချက်ကြောင့် ချက်လူမျိုး နိုင်ငံမဲ့ ဘဝ ရောက်နေသူတွေ ကို ပြန်လည်စီစစ်ပြီး ချက် နိုင်ငံသား အဖြစ် ပြန်လက္ခံ ရန် စီစဉ်လျှက်ရှိသည် ။

တကမ္ဘာ လုံးဆိုင်ရာ လူအခွင့်အရေး ဆိုင်ရာ ကြေငြာ စာတမ်းမှာ ̏လူသားတိုင်းနိုင်ငံတနိုင်ငံ ရဲ့ နိုင်ငံသားဖြစ်ခွင့် ရှိစေရမယ် ̋ လိုပဖော်ပြထားတယ် ။ နိုင်ငံတိုင်းမှာ နိုင်ငံသား ဖြစ်ခွင့် ဥပဒေများ ပြဌာန်းချက် ရှိနေပါတယ် ။ အစိုးရတို့မှာ နိုင်ငံသား ဖြစ်ခွင့် ပေးအပ်နိုင်ခွင့် ဆိုတဲ့ အရေးပါတဲ့ အခွင့် အာဏာ ရှိပါတယ် ။ ဒါပေမယ့် ကမ္ဘာပေါ်မှာ လူမျိုးရေး ပြဿနာ များ တင်းမာရှုပ်ထွေးနေချိန်မှာ လူစုလူဝေးနဲ့ နိုင်ငံက ထွက်ပြေးကြတဲ့ ကာလမျိုးမှာ အစိုးရ တို့မှာ လူမျိုးတွေကို ကြိုဆိုလက်ခံ ဖို့ ဝန်လေးနေတတ်ကြပါတယ် ။ ဒါကြောင့် နိုင်ငံမဲ့ လူမျိုးများ လူသားများ ပြဿနာ ဟာ အနာဂါတ် ကာလမှာ ဆက်လက်ဖြစ်ပေါ်လာနိုင်စရာရှိပါတယ် သေးတယ် ဟု သတိပေးရင်း နိဂုံးချုပ်ပါတယ် ။ ။


နောင်နောင်
[Read More...]


သီရိလင်္ကာနိုင်ငံတွင် ကရင်နှစ်သစ်ကူးဆွမ်းကပ်လှူဒါန်း





၂၇၄၉-ခုနှစ်၊ ကျရောက်သော ကရင်နှစ်သစ်ကူးနှစ်ကို အထိမ်းအမှတ်အဖြစ် သီရိလင်္ကာနိုင်ငံတွင် ရောက်ရှိနေသော ကရင်သံဃာတော်များက ဒီနေ့(၂၃-၁၂-၂၀၀၉)နေ့တွင်နေ့ဆွမ်းဆပ်ကပ်လှူဒါန်းခဲ့ပါတယ်။ သီရိလင်္ကာနိုင်ငံရှိ မကုဋာရာမ မြန်မာကျောင်းတိုက်တွင် သံဃာတော် အပါး(၁၀၀)ကျော်ကို ဆက်ကပ်လှူဒါန်းခဲ့ခြင်းဖြစ်ပါတယ်။

ကရင်နှစ်သစ်ကူးကို လွန်ခဲ့တဲ့ (၁၆-၁၂-၂၀၀၉) နေ့မှာ နှစ်ကူးခဲ့ပြီးဖြစ်သော်လည်း သီရိလင်္ကာနိုင်ငံတွင် သံဃာတော်တွေက စာမေးပွဲနဲ့ တိုက်ဆိုင်လို့ အဲဒီနေ့မှာ မကျင်းပနိုင်ဘဲ နောက်ကျမှ သံဃာတော်တွေကို ဆွမ်းကပ်လှူဒါန်းခဲခြင်းဖြစ်ပါတယ်။ သံဃာတော်များ ဆွမ်းဆက်ကပ်လှုးဒါန်းပုံများကို အောက်မှာ ကြည့်ရှူနိုင်ပါတယ်.













[Read More...]


ကောက်သစ်ပေါ်ဦး ကရင်နှစ်သစ်ကူး



နှင်းပန်းအိမ်
21.Dec.2009


ရွှေရောင်လွှမ်းနေတဲ့ ကောက်သစ်စပါးတွေနဲ့ စပါးခင်း တမျှော်တခေါ်ကြီးကို ကျမ လွမ်းမိပါရဲ့။ စပါးခင်းရှိတဲ့ လယ်ကွင်းထဲမှာ မြေပြောင်ပြောင်ကို နောက်ချေး၊ နွားချေးနဲ့ မံ၊ တလင်းလုပ်ပြီး အခုလိုအချိန်ဆို ရိတ်သိမ်းထားတဲ့ ကောက်သစ်စပါးတွေကို အစေ့ချွေပြီး မြောက်လေနဲ့အတူ စပါးလှေ့နေကြရော့မယ်။ စက်မှုနိုင်ငံတော်သစ်ကြီးလို့ စစ်အစိုးရက ဘယ်လောက်ပဲ ကြွေးကြော်နေကြပါစေ။ ကျမတို့ မြန်မာနိုင်ငံရဲ့ လယ်ကွင်းထဲမှာ လူ့ခွန်အားနဲ့ လယ်ထွန်ပျိုးကျဲ၊ ကောက်စိုက် စပါးရိတ် စပါးလှေ့နေရတုန်းပါ။

ဆန်စပါးနဲ့ အသက်မွေးရတဲ့ တောင်သူဦးကြီးတွေက သူတို့ စပါးအထွက်တိုးဖို့ စပါးမပျက်စီးဖို့ သူတို့ယုံကြည်ရာ ဆိုင်ရာပိုင်ရာ ရိုးရာနတ်တွေကို ပူဇော်ပသရတဲ့ ယဉ်ကျေးမှုလည်း အခုထိ ရှိနေတုန်းပါပဲ။ ရိုးသားတဲ့ တောင်သူလယ်သမားများအဖို့ မိုးခေါင်လို့၊ မိုးကြီးလို့ဆိုတာ စပါးအထွက်များတာ၊ စပါးအထွက်နည်းတာ၊ နတ်တွေဖန်ဆင်းတာလို့ သက်ဝင်ယုံကြည်မှု ရှိကြတယ်။ ဒါကြောင့် စပါးအထွက်များအောင်လို့ ဆုတောင်းရတဲ့ နတ်တွေကလည်း လူမျိုးအလိုက် အမျိုးမျိုးရှိခဲ့တယ်။ မန္တလေးတိုင်း အမရပူရဘက်မှာတော့ ပုန်းမကြည်နတ် (အသံထွက်တော့ ပုန်းမဂျီပေါ့)၊ မုံရွာတနယ်လုံးနဲ့ ဂန့်ဂေါတခွင်မှာတော့ အမေကြီး (အမေယဉ်)၊ ကျမဆွေမျိုးများဘက်မှာတော့ လယ်စောင့်အဖိုး၊ အစရှိတဲ့ နတ်တွေကို ပူဇော်ကြတယ်။

ကျေးရွာရှိရင် ရိုးရာရှိတယ်။ ရိုးရာရှိရင် ယဉ်ကျေးမှုရှိတယ်။ ယဉ်ကျေးမှုရှိရင် အဆင့်အတန်းရှိတယ်လို့ ဆိုကြတယ်။ မြန်မာနိုင်ငံအတွင်းက တိုင်းရင်းသား လူမျိုးတိုင်းမှာလည်း ကိုယ့်ရိုးရာ ကိုယ်ပိုင်ယဉ်ကျေးမှု ဓလေ့ထုံးစံတွေ အများကြီး ရှိပါတယ်။ ဒီဓလေ့ထုံးစံတွေက စိတ်ဝင်စားဖို့လည်း ကောင်း၊ ပျော်ရွှင်စရာလည်း ကောင်း၊ ဂုဏ်ယူစရာလည်း ကောင်းလှပါတယ်။ ဒီထဲကမှ ကရင့်နှစ်သစ်ကူးဟာ ပိုလို့ပျော်ရွှင်စရာ ကောင်းခဲ့ပါတယ်။

ပြာသိုလဆန်း ၁ ရက်နေ့ဟာ ကရင်နှစ်သစ်ကူးပွဲတော်ပါ။ ကောက်သစ်စားပွဲတော်လို့လည်း ဆိုကြပါတယ်။ ဒီပွဲတော်မှာ စုပေါင်းဆောင်ရွက်ကြတယ်။ နှစ်သစ်ကူးမှာ လူကြီးမိဘတွေကို ကန်တော့ကြတယ်။ လူကြီးမိဘတွေရဲ့ ဆုံးမသြဝါဒကို ခံယူကြတယ်။ ရပ်ဝေးရပ်နီးမိတ်ဆွေတွေကို ပြန်လည်ဆုံဆည်းစေတယ်။ ရှေ့နှစ်မှာ ဘာတွေလုပ်မယ်ဆိုတာ တိုင်ပင်ကြတယ်။ ဒီလို အနှစ်အရသာရှိတဲ့ ကရင်နှစ်သစ်ကူးပွဲတော်ကို ကျမ ဒုတိယကြိမ်မြောက် ပါဝင်ဆင်နွှဲခဲ့ရပါတယ်။

နှစ်သစ်ကူးပွဲအတွက် ကြိုတင်ဒုံးအကတွေကို တိုက်နေတဲ့အသံကို တလကြိုပြီး ကြားနေရတာပါ။ မနက်စောစောဆို နို့ဖိုးရွာထဲမှာ ဒုံးသံတွေနဲ့ မြိုင်နေတတ်ပါတယ်။ စခန်းရုံးထဲမှာ မြေကျယ်ကျယ်ပြန့်ပြန့်ရှိတဲ့ ကွင်းပြင်မှာ ကျောင်းအားကစားကွင်းမှာ ချွေးတရွှဲရွှဲနဲ့ ဒုံးတိုက်နေတဲ့ သူတွေကို တွေ့ရပါတယ်။ ကရင်လူမျိုးတွေနဲ့ရောပြီး ကျမတို့ပါ နှစ်သစ်ကူးကို မျှော်ခဲ့ရတာ။

နှစ်သစ်ကူးပွဲတော်အတွက် တလကြိုတင်ပြီး ဘောလုံး၊ ဘော်လီဘော၊ ခြင်းလုံးပြိုင်ပွဲတွေ ကျင်းပကြပါတယ်။ ဘောလုံးပွဲကတော့ ပရိသတ်အများဆုံးပါပဲ။ အသင်းတွေဖွဲ့ပြီး အနယ်နယ်အရပ်အရပ်က ဒုက္ခသည်စခန်းထဲကို ရောက်လာတဲ့သူတွေထဲက ပူးပေါင်းပါဝင်ကစားကြတာ။ အနီးအနားရွာတွေက ပါဝင်ရောက်ယှဉ်ပြိုင်ကြပါတယ်။ စည်းကြပ်ဒိုင်၊ ကွင်းလယ်ဒိုင်အတွက် ၃ ရက်သင်တန်း ပေးကြတယ်။ အသင်း ၃0 လောက် ယှဉ်ပြိုင်ကစားတဲ့အခါ ကွင်းထဲမှာ ခြေထောက်နဲ့ ကန်နေတဲ့ ဘောလုံးသမားထက် ပါးစပ်နဲ့ကန်တဲ့ ပွဲကြည့်ပရိသတ်ရဲ့ ဘောလုံးတွေက ပိုပြီး ထိမိပါတယ်။ သူတို့ကြောင့် စည်းကြပ်ဒိုင်တွေ အယောင်ယောင်အမှားမှားဖြစ်၊ အလံကို ညာပြရာကနေ ဘယ်ပြ၊ ဟေးခနဲ ညာသံပေးအော်သံ၊ အိုးစည်ဒိုးပတ်သံက ပျော်စရာရွှင်စရာ၊ ပြုံးစရာ။

နိုးဖိုးတောင်ကြီးဘေး ကျောက်တောင်က၊ ကမူတွေပေါ်မှာ ငုတ်တုပ်ထိုင်အားပေးနေသူတွေက အထူးတန်းပွဲကြည့်စင်ထက် သာပါတယ်။ ဘောလုံးကွင်းကို အပေါ်က ဆီးကြည့်ပြီး ဘောလုံးသမားတွေကို အားမလိုအားမရဖြစ်ပြီး တင်လိုက်ပါလားဆို ဘေးကလူတွေက ''ဆွမ်းတော်ကြီး''၊ မြှောက်လိုက်ပါလားဆို ''ဦးရှင်ကြီး'' လို့ ညာသံပေးကြတယ်။ ဒီကြားထဲက ကစားပုံနည်းမကျရင် ''ဟေ့ကောင် … အိမ်ပြန်အိပ်လိုက်'' လို့ သြဘာပေးနေတတ်သေးတယ်။ ကျမကတော့ ဘောလုံးပွဲထက် ပွဲကြည့်ပရိသတ်ရဲ့ အသံကို ပိုပြီးနားထောင်ချင်တာ။

ကျမတူမ မီးမီးကတော့ ဘောလုံးပွဲကို နည်းပညာရော၊ ဘောလုံးဥပဒေပါ နားလည်သူ။ သူကတော့ ဘောလုံးကွင်းထဲကို ကွင်းလယ်ဒိုင်၊ စည်းကြပ်ဒိုင်ထက် အချိန်မှန်မှန် ရောက်တတ်သူ။ ဒါကြောင့် သူ့ကို “မီးမီး … ဘယ်သူ့ဘယ်အသင်းကို အားပေးလဲ” မေးရင် သူက ပြန်ဖြေတတ်တယ်။ “ဘယ်သူ့မှ အားမပေးဘူး ကိုယ့်ကိုယ်ကို အားပေးဖို့ ဘောလုံးကွင်းထဲသွားတာ၊ ရင်ထဲမှာ မွန်းကြပ်နေတာ ဘောလုံးပွဲရောက်လို့ အော်ဟစ်ပြီးရင် သက်သာသွားတယ်” တဲ့။ ဒါကြောင့် ထင်ပါရဲ့ ဘောလုံးပွဲအားပေးတဲ့ ပရိသတ်အသံက ဟိန်းဟိန်းထွက်လာတာ။

ဒီလိုနဲ့ ကျမတို့အားလုံး မျှော်လင့်နေတဲ့ ကရင့်နှစ်သစ်ကူးပွဲတော် ရောက်ရှိလို့လာခဲ့တယ်။ ပြာသိုလဆန်း ၁ ရက်နေ့ မနက်အရုဏ်က ကြက်တွန်သံနဲ့တင် နိုးရတာမဟုတ်ဘဲ ကျွဲချိုမှုတ်သံ၊ ဖားစည်သံနဲ့ နိုးခဲ့ရပါတယ်။

နို့ဖိုးတောင် ဘောလုံးကွင်းဘေးက စင်မြင့်ပေါ်မှာတော့ ကရင့်အမျိုးသားအလံက လေမှာ တဖျပ်ဖျပ်လွင့်လို့၊ ဘောလုံးကွင်းမှာ ကရင့်အမျိုးသား ဝတ်စုံဝတ် ကရင့်အလံလွှင့်ထူထားတဲ့ ကရင်အမျိုးသားတွေအပြင် တိုင်းရင်းသားဝတ်စုံအပြည့်နဲ့ ဒုက္ခသည်တွေ နေရာယူထားကြတယ်။ စင်မြင့်ပေါ်မှာတော့ ကရင့်အမျိုးသား တော်လှန်ရေးခေါင်းဆောင်တွေနဲ့ တိုင်းရင်းသားကိုယ်စားလှယ်တွေ ထိုင်နေကြပါတယ်။

နို့ဖိုးတောင်ကြီးက ဇွဲကပင်တောင်ကြီးသာ ဖြစ်ခဲ့ရင် ကျမတို့အားလုံး သိပ်ကိုပျော်ကြမှာ။ ဒါပေမဲ့ စိတ်ဆိုတာ ရုပ်ကိုဦးဆောင်တာမို့ နို့ဖိုးတောင်ဟာ ဇွဲကပင်တောင် ဖြစ်သွားရတယ်။ ကရင်ပြည်နယ်ရဲ့ သင်္ကေတ ဇွဲကပင်တောင်ကြီးဘေးမှာ လူထုတွေ။ ကရင့်လူထု ခေါင်းဆောင်တွေ ကရင့်အမျိုးသား လူငယ်တွေ။ တိုင်းရင်းသား ညီအကိုမောင်နှမတွေ စုပေါင်းတက်ရောက်လာတဲ့ ကရင့်နှစ်သစ်ကူးပွဲတော်ကို ဖားစည်သံ၊ ကျွဲချိုသံပေးပြီး ဖွင့်လှစ်လိုက်ပါတယ်။ ကရင့်နိုင်ငံတော် သီချင်းကိုဆိုပြီး ကရင့်အမျိုးသား အလံကို ဦးညွှတ်ကြတယ်။

ဒီနောက်မှာ ကရင့်တော်လှန်ရေး ခေါင်းဆောင်တွေ အဖွင့်အမှာစကား ပြောသလို စခန်းအုပ်ချုပ်သူ လောင်းပလာကလည်း ကရင်လို ပြောပါတယ်။ ကျမရဲ့ မိတ်ဆွေ ကိုစောမြင့်ထွေးတို့ ဇနီးမောင်နှံက ပိုးကရင်တွေ။ သူတို့က မဲသဝေါထိုးစစ်ကြောင့် ဒုက္ခသည်စခန်းထဲ ရောက်လာသူ။ လောင်းပလာက ကရင်လိုပြောတော့ သူတို့က သဘောကျတယ်။ “ကျမတို့ စစ်ပြေးဒုက္ခသည်တွေက ထိုင်းနိုင်ငံရောက်ရင် ထိုင်းကရင် ဖြစ်သွားတယ်။ ထိုင်းနိုင်ငံမှာ ဘဝပေးအခြေအနေကြောင့် နေရပေမယ့် ကိုယ့်ဘာသာစကားကို နှစ်ပေါင်းကြာကြာ ထိန်းသိမ်းနိုင်ကြတယ်” တဲ့။

လောင်းပလာ ပြောတာကတော့ “နှစ်သစ်ကူးမှာ မကောင်းတဲ့ စိတ်ကူးအညစ်အကြေးတွေကို ဆေးကြောလိုက်။ မေ့ပစ်လိုက်။ နှစ်သစ်ကူးမှာ စိတ်ကူးသစ်၊ အတွေးသစ်တွေနဲ့ သွားရမယ်။ နှစ်ဟောင်းကိုပဲ မေ့ခိုင်းတာ။ ဇနီးခင်ပွန်းကို မေ့ခိုင်းတာ မဟုတ်ဘူး” တဲ့။

ကေအန်ယူ ဗဟိုကော်မတီ ပဒိုမန်းငြိမ်းမောင်ကတော့ မြင့်မြတ်မှုနဲ့ ရက်စက်မှု ဘေးချင်းယှဉ်နေတဲ့ ထိုင်းနိုင်ငံနဲ့ မြန်မာနိုင်ငံကို အခုလို ခွဲခြားပြသွားပါတယ်။

“ကရင့်နှစ်သစ်ကူးပွဲတော်ကို ကျင်းပခွင့်ပေးတဲ့ ထိုင်းဘုရင်မင်းမြတ်ကို ဒီနေရာကနေ ကျေးဇူးတင်ကြောင်း ပြောချင်ပါတယ်။ တိုင်းသူပြည်သားတွေကိုလည်း ရင်ဝယ်သားကဲ့သို့ သနားကြင်နာစောင့်ရှောက်ခဲ့တဲ့ ထိုင်းဘုရင်မင်းမြတ် သက်တော်ရာကျော် ရှည်ပါစေလို့ နှုတ်ခွန်းဆက်ပါတယ်။ မြန်မာပြည် အဖိနှိပ်ခံဘဝတူ တိုင်းရင်းသားညီအကိုတွေ ကရင့်နှစ်သစ်ကူးပွဲတော်ကို ကြွရောက်လာကြတဲ့အတွက် ကျေးဇူးတင်ကြောင်း ပြောကြားလိုပါတယ်။”

” ကိုယ့်အမျိုးသားပွဲတော်ကို၊ ကိုယ့်ယဉ်ကျေးမှု ပွဲတော်ကို ကိုယ့်နိုင်ငံမှာ ဘာ့ကြောင့် မကျင်းပနိုင်ရတာလဲ။ ကျနော်တို့ ကရင့်နှစ်သစ်ကူးပွဲတော်ကို အမှန်တကယ် ကျင်းပရမှာက မြန်မာပြည်မှာပါ။ ကိုယ့်လူမျိုးရဲ့ ရိုးရာပွဲကို သူများနိုင်ငံထဲမှာ ဒုက္ခသည်အဖြစ်နဲ့ ကျင်းပရတာ သိပ်ကိုကြေကွဲစရာကောင်းပါတယ်။ မင်းကောင်းမင်းမြတ်သည် မင်းကျင့်တရား ၁ဝ ပါးနဲ့ ပြည့်စုံရပါတယ်။ ဒါန၊ သီလ ရှိရမယ်။ ပေးကမ်းရမယ်။ ဖြောင့်မှန်ရမယ်။ ဒေါသမျက်မာန်မရှရဘူး။ မညှဉ်းဆဲရဘူး။ နူးညံ့ပျော့ပြောင်းရမယ်။ ပြည်သူလူထုရဲ့ အလိုဆန္ဒနဲ့ မဆန့်ကျင်ရဘူး။ ဒီမင်းကျင့်တရားတွေကို စစ်အာဏာရှင်က မျက်ကွယ်ပြုခဲ့တယ်။”

” စစ်အာဏာရှင်ရဲ့ ဖိနှိပ်မှုကြောင့် ထိုင်းနိုင်ငံမှာ ဒုက္ခသည်တွေ ခိုလှုံနေရတယ်။ ဒီဒုက္ခသည်တွေဟာ ထိုင်းဘုရင်မင်းမြတ်ရဲ့ စေတနာကြောင့်သာ ခိုလှုံခွင့် ရခဲ့တာပါ။ ၁၉၉ဝ ပြည့် ရွေးကောက်ပွဲမှာ အမျိုးသား ဒီမိုကရေစီအဖွဲ့ချုပ်က ၈ဝ ရာခိုင်နှုန်းကျော်နဲ့ မဲအပြတ်အသတ်နိုင်ခဲ့တော့ တရားစောင့်တဲ့မင်း ပေါ်လာပြီ။ ဒို့နိုင်ငံ ဒို့ပြန်လို့ရပြီ။ ဒို့ဇာတိ ဒို့ပြန်လို့ရပြီလို့ မျှော်လင့်ခဲ့ပါတယ်။ ဒါပေမဲ့ ကျနော်တို့ မျှော်လင့်သလို ဖြစ်မလာခဲ့ပါဘူး။ စောဘဦးကြီး ပြောတဲ့ စကားကို နှစ်သစ်ကူးလက်ဆောင်အဖြစ် ပေးပါရစေ။”

”ကရင်လူမျိုးတွေဟာ တော်လှန်ရေး တခါမှ မလုပ်ခဲ့ဘူး။ အခုတော်လှန်ရေးက ပထမဦးဆုံးနဲ့ နောက်ဆုံးဖြစ်တယ်။ ကရင်တွေဟာ အုပ်ချုပ်တဲ့ လူတန်းစား တခါမှ မဖြစ်ခဲ့ဘူး။ အဖိနှိပ်ခံလူမျိုးတမျိုးအဖြစ်နဲ့ပဲ နေခဲ့ရတယ်။ ကရင့်တော်လှန်ရေးဟာ မရှုံးဘူး။ ကရင်တွေဟာ ရန်ကုန်သွားပြီး လည်ဆင်းမခံခဲ့ဘူး။ ကျနော်တို့တွေ အခုလို ကရင်နှစ်သစ်ကူးပွဲကို ကျင်းပနေချိန်မှာ ကျနော်တို့ရဲ့ ပြည်သူတွေ၊ ကရင်အမျိုးသားတွေဟာ တောင်ငူ၊ ညောင်လေးပင် ရှေ့တန်းစစ်မျက်နှာပြင်မှာ စစ်အစိုးရရဲ့ ဖိနှိပ်၊ ရက်စက်မှုကြောင့် အသက်ရှင်ရပ်တည်ဖို့အတွက် တိရစ္ဆာန်တွေလို ပြေးလွှားတိမ်းရှောင်၊ ပုန်းအောင်းနေရပါတယ်။ စစ်မှန်တဲ့ တိုင်းရင်းသား စည်းလုံးညီညွှတ်ရေးကို အသိအမှတ်ပြုမှ၊ လူမျိုးတမျိုးရဲ့ ရိုးရာဓလေ့ထုံးစံတွေကို အပြန်အလှန် လေးစားမှု ရှိမှသာ စစ်မှန်တဲ့ ဒီမိုကရေစီ ရရှိမှာ ဖြစ်ပါလိမ့်မယ်''

ပဒိုမန်းငြိမ်းမောင် စကားအဆုံးမှာ လက်ခုပ်သံများ ဆူညံသွားပါတယ်။ ရင်ထဲမှာ ကြေကွဲမှု၊ နာကျင်မှု၊ တက်ကြွမှုတွေက လေထဲမှာ လွင့်နေတဲ့ ကရင်အမျိုးသားအလံလို တဖျတ်ဖျတ်နဲ့။

၇၁ ကြိမ်မြောက် ကရင့်နှစ်သစ်ကူးပွဲကို ကျမတို့တင် ဆင်နွှဲရတာ မဟုတ်ဘဲ ကမ္ဘာ့နိုင်ငံအသီးသီးက နိုင်ငံခြားသားတွေပါ ပါဝင်ဆင်နွှဲကြပါတယ်။ သူတို့လို ဘာသာ၊ ယဉ်ကျေးမှု အရှေ့အနောက် ဖြစ်ရသူတွေတင် စိတ်ဝင်စားရတဲ့ ပွဲမဟုတ်ဘဲ ကျမတို့လို နိုင်ငံတခုထဲမှာ အတူနေခဲ့ရတဲ့သူတွေပါ စိတ်ဝင်စားရတဲ့ပွဲပါ။

အခမ်းအနားပြီးတော့ ဒုံးယိမ်းအဖွဲ့တွေက “ဖိဖိယော်” ဆိုတဲ့ ရိုးရာနတ်ကို ပြန်ပို့ဖို့ နတ်စင်ဘက်မှာ စုရုံးနေကြပါပြီ။ အခမ်းအနား လာသူတွေကို ကောက်သစ်ကောက်ညှင်းနဲ့ လုပ်ထားတဲ့ ကောက်ညှင်းကျည်တောက် ကရင်လို (ဝါ့ပလော) တွေကို လက်ဆောင်ပေးပါတယ်။ ကောက်ညှင်းကျည်တောက်တွေကို နိုင်ငံခြားသားတွေ စားသောက်ကြပြီး ဖိဖိယော်နတ်စင်ဘေးကို စုရုံးသွားကြပါတယ်။

“ဖိဖိယော်” ဆိုတဲ့ နတ်ကို ပွဲတော်မကျင်းပခင် ညနေမှာ တရက်ကြိုပြီး ပင့်ဖိတ်ထားတဲ့ နတ်ကွန်းလေး ရှိပါတယ်။ နတ်ပင့်တဲ့အခါမှာ ဒုံးယိမ်းအဖွဲ့အားလုံး အကနဲ့ ပင့်ကြရပါတယ်။ ပြန်ပို့တဲ့အခါမှာလည်း ဒုံးယိမ်းနဲ့ ပြန်ပို့ရပါတယ်။ စင်မြင့်ဘေးက ဝါးညှပ်ကျဲကျဲကာထားတဲ့ နတ်ကွန်းလေးထဲမှာ ကောက်သစ်စပါးပုံလေး ရှိပါတယ်။ ဝါးညှပ်နဲ့ လုပ်ထားတဲ့ နတ်ကွန်းတိုင်ဒေါင့် ၄ ခုမှာ တောပန်းတောင်ပန်းလေးတွေကို နှီးနဲ့ချည်ပြီး ပူဆော်ထားပါတယ်။ ဝိုင်းထဲမှာ စောင်း၊ ဗုံရှည်၊ မောင်း၊ လကွင်း၊ ကျွဲချိုတီးမှုတ်နေသူ ကရင်အမျိုးသားကြီးတွေ ရှိပါတယ်။ ဒါ့အပြင် ညွှတ်ကိုင်းနေတဲ့ တင်းဝါးရဲ့ ဝါးပင်အတိုင်း ဝါးရွက်အခက်အလက်တွေ မခုတ်ဘဲ ကောက်သစ်စပါးနဲ့ လုပ်ထားတဲ့ ခေါပြင်၊ ပြာရေထုပ်၊ ကောက်ညှင်းမုန့်တွေကို ချိတ်ဆွဲပြီး ပူဆော်ထားပါတယ်။ အုန်းသီး၊ ငှက်ပျောသီးလည်း ပါပါတယ်။

“ဖိဖိယော်” နတ်ပြန်ပို့မဲ့သူတွေ ဒန်အိုးမဲမဲ ၂ လုံးထဲက ထမင်းဟင်းတွေကို ဝါးနဲ့လုပ်ထားတဲ့ ပန်းကန် ၄ ခုထဲကို ထမင်းထည့်ပါတယ်။ ဝါးပန်းကန်တခုထဲကို ဟင်းထည့်ပြီး လူ ၄ ယောက်က ဝါးထမင်းဟင်းခွက်ကို ယောင်းမနဲ့ ခေါက်ပါတယ်။ ထမင်းဟင်းကတော့ ကောက်သစ်စပါးနဲ့ ချက်ထားတဲ့ ထမင်း၊ ကြက်မဒန်း အထီးတကောင်၊ အမတကောင်ပြုတ်ပြီး ဂဏန်း၊ ခရုချက်ထည့်ထားတဲ့ ဟင်းနဲ့ ပူဇော်တာပါ။

“ဖိဖိယော်” နတ်ပြန်ပြီလို့ ယူဆတဲ့အချိန်မှာ နတ်ကွန်းဝန်းထဲမှာ ရှိနေတဲ့ တီးမှုတ်နေသူတွေ နတ်ကို တင်မြှောက်ထားတဲ့ ထမင်းကို အားရပါးရစားကြတော့တယ်။ ဒီအချိန်မှာ ကရင်ဒုံးယိမ်းအဖွဲ့အားလုံး ကကြပါပြီ။ ရပ်ကြည့်နေတဲ့ ကရင်အမျိုးသမီးကြီးတွေက နတ်ကွန်းက ပန်းတွေဖြုတ်ပြီး တယုတရ သိမ်းသွားကြတယ်။ ကလေးငယ်တွေကို နတ်ကွန်းထဲက သူတွေက ခရုတွေ၊ ဂဏန်းတွေ ခွန့်ကြတယ်။ အဲဒီအချိန်က အပျော်ရဆုံးအချိန်ပါပဲ။

ဒုံးယိမ်းရဲ့ အကစည်းချက်နဲ့အတူ နတ်စင်ဘေးက ချောတိုင်တက်ပွဲရဲ့ လကွင်းသံကလည်း ကြည့်နေသူတွေရော၊ ကခုန်နေကြသူတွေကိုပါ ခွန်းအားဖြစ်စေပါတယ်။ ဆီရွှဲပြီး ဖြောင့်တန်းနေတဲ့ ဝါးလုံးထိပ်က အလံကို ယူဆောင်နေသူ ကရင်အမျိုးသားက ပုဆိုး ၃ ထည်ကို အသုံးပြုပြီး ကျွမ်းကျင်စွာ တက်သွားပါတယ်။ အလံကိုယူပြီး အောက်ကိုချလိုက်တဲ့ အချိန်မှာ စောင့်ကြည့်နေတဲ့ ပရိသတ်တွေက ဦးထုပ်မြှောက်၊ ပုဆိုးမြှောက်ပြီး ဂုဏ်ပြုကြတယ်။

ကရင်ဒုံးယိမ်းတဖွဲ့မှာ ယောက်ျား၊ မိန်းမ ၃၆ ယောက်က ကမယ့်သူ။ ယောက်ျား ၅ ယောက်၊ မိန်းမ ၅ ယောက်က သီချင်းဆိုမယ့် တီးမယ့် သူတွေ။ ဒုံးတဖွဲ့ရဲ့ ကရတဲ့ အချိန်က မိနစ် ၃ဝ ကနေ ၄၅ မိနစ်ထိရှိပါတယ်။

ဒုံးမကခင်မှာ မိန်းကလေးတယောက်က ပထမဆုံး သီချင်းဆိုပြီး ဆုတောင်းပါတယ်။ နှစ်သစ်ကူးအတွက် ဆုတောင်းတာပါ။ ”ကြိုင်သရိထောင်ထော့ မှုလက်နာ” “ဆူးခလိတ်လာ” မြန်မာလို အားလုံးချမ်းမြေ့ပါစေ၊ အေးမြခြင်း ဖြစ်ပါစေလို့ အဓိပ္ပာယ်ရပါတယ်။ ကရင်ဒုံးယိမ်းက ကောက်သစ်စားပွဲကို ပြန်လာဖို့ “ဖိဖိယော်” နတ်ကို ဖိတ်လိုက်တယ်။ ဒီနတ်က တောထဲတောင်ထဲမှာ နေတာမို့ သဘာဝအသံပေးပြီး “ဟေး…..ဟေး” လို့ ဖိတ်ခေါ်လိုက်တယ်။ သီချင်းထွက်ဆိုရတဲ့သူက ရွှင်ရွှင်မြူးမြူးလေးလုပ်ပြီး ဖိတ်ခေါ်ရတယ်။

သီချင်းတပုဒ်ဆုံးပြီးမှ ကမယ့် သူတွေ ထွက်လာရပါတယ်။ ဒုံးကကွက်ထဲမှာ ကောက်ရိတ်၊ စူးထိုးတဲ့ ဟန်တွေပါပါတယ်။ သီချင်းတွေ၊ စာသားတွေထဲမှာ ကရင့်တော်လှန်ရေးအကြောင်း၊ ရိုးရာယဉ်ကျေးမှုအကြောင်း၊ ဆန်စပါးတွေအကြောင်း၊ တောင်ယာလုပ်ငန်းတွေအကြောင်း ပါတဲ့ သီချင်း ၁ဝ ပုဒ်လောက်ပြီးအောင် ဒုံးကရတာပါ။

မြောက်လေနဲ့အတူ ပါလာတဲ့ ဆောင်းနှင်းမှုန်တွေကြားမှာ ကြည့်နေသူတွေအေးနေပေမယ့် ဒုံးကနေသူတွေ ချွေးပြိုက်ပြိုက်ကျနေကြပါတယ်။ ကရင့်ရိုးရာအဝတ်အစားတွေနဲ့ ရွှင်မြူးတတ်ကြွနေတဲ့ ဒုံးအကကို ကြည့်လို့ မဝနိုင်ခဲ့ပါဘူး။ ကရင်ဒုံးယိမ်းက ရွှင်မြူးတတ်ကြွသလောက် “ထား” ဆိုတဲ့ မြန်မာလို ကဗျာ၊ လကာင်္လို့ အဓိပ္ပာယ်ရတဲ့ “ထား” ပွဲကတော့ အေးဆေးငြိမ့်ညောင်းလှပါတယ်။ ကျမကတော့ သီချင်း ငြီးနေတယ်လို့ ခံစားရပါတယ်။ “ထား” ပွဲကို ပံ့ပိုးပေးတဲ့ ဂီတကတော့ ကျွဲချိုနဲ့ တနန်း (စောင်းကောက်) ပါပဲ။ ဒုက္ခသည်ဆိုတော့ စောင်းကြိုးဖြစ်ဖို့ သစ်နွယ်ကြိုး၊ ပိုးကြိုး မရှိပါဘူး။ သစ်နဲ့ ထွင်းထားတဲ့ စောင်းပုံသဏ္ဍာန်ကို ကြိုးအဖြစ် ဂီတာနံပါတ်လေးကြိုးကို တပ်ထားရပါတယ်။ ဝါးနဲ့လုပ်ထားတဲ့ ဟွန်းတယောလေးကလည်း သိပ်ကို ချွဲတတ်ပါတယ်။

မီးအလင်းမှိန်မှိန်အောက်မှာ ဝါးဟွန်းတယောလေး၊ စောင်းလေး ညှင်းညှင်းသဲ့သဲ့တီးပြီး အပျို၊ လူပျို ကဗျာရွတ်ကြတယ်။ အပျို၊ လူပျိုဆိုတော့ ချစ်ရေးဆိုကြတာပေါ့။ အချစ်ကို လှပအောင်၊ နူးညံ့အောင်၊ သိမ်မွေ့အောင် ပုံဖော်တတ်ကြတယ်။ အမျိုးသမီးက အဆိုဘက်က။ အမျိုးသားက အချေဘက်က။ ကျမတို့ မြန်မာလိုဆို စကားထာဝှက်ပြီး အပျိုလူပျို ကျီစယ်ကြတာဖြစ်မယ်။ အိမ်ထောင်ကျပြီးသား ယောက်ျား၊ မိန်းမဆို ချစ်ရေးမဆိုကြတော့ပါဘူး။ ဥပမာ ဆေးလိပ်မီးတောင်းတာ၊ အင်္ကျီတောင်းတာ၊ ဘယ်လောက် ဥာဏ်ကောင်းလဲဆိုတာ၊ ဆုံးမစကားပြောတာတို့ကို “ထား” နဲ့ ပြောကြတာလို့ IHE ကျောင်းအုပ်ဆရာကြီး “စောလားလေး” က ရှင်းပြပါတယ်။ ”ထား” ယဉ်ကျေးမှု မပျောက်အောင် ဆရာကြီးက နှစ်သစ်ကူးမှာ “ထား” ပြိုင်ပွဲလုပ်ပေးပါတယ်။ ကိုယ့်ယဉ်ကျေးမှုကို ထိန်းသိမ်းတာ သိပ်ကိုကောင်းတဲ့ စိတ်ကူးပါပဲ။

ကျမတို့ မြန်မာရှေးလူကြီးများလို ယောင်တစောင်းမထုံးဘဲ ထိပ်တည့်တည့်ထုံးထားတဲ့ တလဂုဏ် ကရင်လူမျိုးကိုလည်း တွေ့ခဲ့ရတယ်။ ရှားပါးတဲ့ ဆင်ယဉ်ထုံးဖွဲ့မှုနဲ့ နတ်ပူဇော်တဲ့ ဓလေ့နဲ့ တလဂုဏ် ကရင့်အမျိုးသားတွေ ကျမတို့ မြန်မာနိုင်ငံအတွင်းမှာ မတွေ့ရတော့ပါဘူး။ ထူးခြားတဲ့ ဆင်ယဉ်မှုနဲ့ တလဂုဏ် ကရင်အမျိုးသား၊ အမျိုးသမီးတွေကလည်း “ထား” ဆိုကြတယ်။ ကရင်စောင်နီနီပတ်ပြီး လွတ်လွတ်လပ်လပ် ခံစားချက်ကို ထုတ်ဖော်ကြတယ်။ ဆွဲဆွဲငင်ငင်နဲ့ “ထား” ဆိုနေကြတဲ့ သူတို့တွေမှာလည်း နူးညံ့တဲ့ ခံစားမှုအနုပညာ ရှိပါတယ်။

ကျမတို့မြန်မာတွေ ပတ်ပျိုး၊ တေးထပ်၊ သီချင်းကြီး၊ သီချင်းခန့် သီဆိုသလို ဆိုကြတာပါ။ သံစဉ်၊ စာသား၊ ဓလေ့ထုံးစံ၊ ဝတ်စားဆင်ယဉ်မှုသာ မတူတယ်။ ကြေး၊ကြိုး၊ သားရေ၊ လေ၊ လက်ခုပ် အခြေခံတဲ့ တူရိယာ ၅ မျိုးထဲကတော့ ခွဲမထွက်နိုင်ခဲ့ပါဘူး။

ကောက်သစ်စပါးနံ့သင်းနေတဲ့ ခေါပြင်၊ ကောက်ညှင်းကျည်တောက်၊ ကောက်သစ်စပါးကို အမှုန့်ထောင်းထားတဲ့ ဆန်မှုန့်နဲ့ ကြိမ်ဖူး၊ ခရုရောချက်ထားတဲ့ တာလပေါဟင်းက ကရင်ရိုးရာ အစားအစာတခုပါ။ ဒီအစားအစာတွေနဲ့ အသက်ရှင်ရပ်တည်ပြီး ကရင့်တော်လှန်ရေးကို ဆင်နွှဲနေကြပါတယ်။ ကျမတို့ ဒီနေ့အသက်ရှင် ရပ်တည်နေရတဲ့ အဓိက အစာဖြစ်တဲ့ စပါးရဲ့ တန်ဖိုးကို ရိုးရာဓလေ့ထုံးစံတွေနဲ့ ထုံမွှန်းဂုဏ်ပြုတဲ့ ပွဲပါပဲ။ ကရင်နှစ်သစ်ကူးဟာ ရိုးရာယဉ်ကျေးမှုတွေနဲ့ လှချင်တိုင်းလှနေတော့တာ။

ကောက်သစ်စပါးဖြစ်ဖို့ စိုက်ပျိုးခဲ့တဲ့ စပါးစေ့တွေဟာ ချက်ချင်း ထသီး၊ ချက်ချင်း ကောက်သစ်ပေါ်ရတာ မဟုတ်ပါဘူး။ အဆင့်ဆင့်ဖြတ်သန်း အချိန်ယူစိုက်ပျိုးခဲ့ရပါတယ်။ ကျမတို့ မြန်မာနိုင်ငံမှာ မြေကြီးတွေက သိပ်ကို အရောင်အသွေး စုံပါတယ်။ ဒါ့ကြောင့်လည်း စိုက်ပျိုးရေးနိုင်ငံလို့ ဆိုကြတာပါ။ ဒီမြေကြီးပေါ်မှာ ဒီမိုကရေစီ စပါးမျိုးစေ့တွေ၊ ဘဝ၊ ချွေး၊ သွေး၊ အသက်တွေ အများကြီးနဲ့အတူ သမိုင်းများစွာ၊ မျိုးဆက်များစွာ ကြဲပက်ထားပါတယ်။

ဒီကောက်သစ်ပေါ်ချိန်မှာ ကျမတို့အားလုံး ရိတ်သိမ်းပျော်ရွှင်ရမယ်လို့ နက်နက်ရှိုင်းရှိုင်း ယုံကြည်နေမိပါတော့တယ်။
[Read More...]


အိန္ဒိယနိုင်ငံတွင် ကရင်နှစ်သစ်ကူးဆွမ်းကပ်.



၂၇၄၉-ခုနှစ်မြောက် ကရင်နှစ်သစ်ကူးကို နိုင်ငံအသီးသီးတွင် စည်းကားသိုက်မြိုက်စွာကျင်းပပြုလုပ်ကြသည်။ ၂၀၀၉-ခုနှစ်၊ ဒီဇင်ဘာလ(၁၆)ရက်နေ့သည် ကရင်သက္ကရာဇ် ၂၇၄၉-ခုနှစ်တိုင်ခဲ့ပြီ။ တစ်ချို့နိုင်ငံတွင် (၁၆)ရက်တွင် ကရင်နှစ်သစ်ကူး ကျင်းပလိုသော်လည်း အကြောင်းအမျိုးမျိုးကြောင့် ထိုရက်ထက်စောပြီးကျင်းပကြသလို ရက်နောက်ကျမှ ကျင်းပပြုလုပ်တာလည်း ရှိပါသည်။

ဘာလိုဘဲဖြစ်ဖြစ် ကရင်နှစ်သစ်ကူးနေ့ရက်မြတ်ကို ရောက်လေရာတိုင်းမှာ မိမိတို့ရဲ့ အမျိုးသားရေးဖြစ်တဲ့ နှစ်သစ်မင်္ဂလာကို
ကျင်းပနိုင်ခြင်းဟာ ၀မ်းသာကြည်နူးစရာကောင်းလှပါတယ်။ ဒီဓာတ်ပုံတွေကတော့ ကရင်အမျိုးသားရဟန်းတော်တွေက နှစ်သစ်ကူးအထိန်းအမှတ်အနေနဲ့ အိန္ဒိယနိုင်ငံရောက် P.HD ကရင်ကျောင်းသားများက ဗာရာဏသီမှာ သံဃာတော်များကို ဆွမ်းဆက်ကပ် လှူးဒါန်းခဲ့ပါတယ်။ ကရင်နှစ်သစ်ကူးအတွက် သတင်းဓာတ်ပုံများကို အောက်ဆက်လက်ကြည့်ရန် နှိပ်ပါ..။














[Read More...]


ပထမဆုံးသော ကရင်အမျိုးသားနှစ်သစ်ကူးနေ့  အသံလွှင့်မိန့် ခွန်း



12,12.2009



ယနေ့ ကရင်အမျိုးသားများ ယနေ့ သည် သမိုင်းဝင်နေ့ ဖြစ်ပါသည်။ အစိုးရက တရားဝင်အသိအမှတ်ပြုသော ကရင်အမျိုးသားနေ့  လည်းဖြစ်ပါသည်။ ဤနေ့ ရက်သည် ကရင်တစ်မျိုးသားလုံး၏ မင်္ဂလာအခါနေ့ လည်းဖြစ်ပါသည်။ တစ်သီးတစ်ခြား တစ်ကွဲတစ်ပြားနေထိုင်ခဲ့ကြရာမှ ကျွန်ုပ်တို့ သည် ယနေ့ မှစ၍ တိုင်းရင်းသားအားလုံး၏ အရေးအခင်းနှင့်  နိုင်ငံတော်အရေးအခင်းတွင် ပါဝင်ဆောင်ရွက်ရပါမည်။ လူဦးရေ နှစ်သန်းကျော်မျှရှိသော ကရင်အမျိုးသားများသည် မြန်မာပြည်၏ ကံကြမ္မာကို ဖန်တီးရာ၌ အဓိကမှ ပါဝင်နိုင်မည်ဟု ယုံကြည်ပါသည်။
ကျွန်ုပ်တို့ လူမျိုး ဆိတ်သုဉ်းမသွားဘဲ တည်ရှိနေခဲ့သည်မှာ မည်သည့်အဖွဲ့ အစည်း၊ မည်သည့်အုပ်ချုပ်ရေးစနစ်၊ မည်သူတို့ ၏ ပယောဂကျေးဇူးကြောင့်မှ မဟုတ်ဘဲ ကျွန်ုပ်တို့ ၏ထူးခြားသော ပင်ကိုယ်အရည်အချင်းများကြောင့်သာ ဖြစ်ပေသည်။ ပရိယာယ်မရှိ ရိုးသားကြသည်။ စိတ်ထားဖြောင့်မတ်ကြသည်။ ဂီတကို မြတ်နိုးသည်။ ဘုရားတရားကို လေးစားသည်။ အခြားသော တိုင်းရင်းသားလူမျိုးများနှင့် ဒိုးတးပေါင်းဖက် ဆက်ဆံပေါင်းသင်းသွားခြင်းဖြင့် ကျွန်ုပ်တို့  ၏ အမျိုးသားဂုဏ်သိက္ခာ၊ အရည်အချင်းများကို ခိုင်မာအောင် ထိန်းသိမ်းခြင်း၊ မြှင့်တင်ခြင်းများ ပြုနိုင်မည်ဟု ယုံကြည်ကြသည်။



ကျွန်ုပ်တို့ တစ်တွေ ဆုံြး့ဖတ်ချက်များ ချတ်မှတ်သည့်အချိန်ကျလာခဲ့ပြီး ကျွန်ုပ်တို့ သည် ယခင်ကဲ့သို့ ပင် တစ်သီးတစ်ခြား ရပ်တည်ရေးအတွက် ရပ်တည်ကြမည်လော၊ သို့ တည်းမဟုတ်၊ မြန်မာနိုင်ငံ၏ကြမ္မာကို ဖန်တီးရာ၌ တစ်အပ်တစ်အား လက်တွဲပါဝင်ဆောင်ရွက်မည်လော။
ကျွန်ုပ်တို့ သည် ကရင်တစ်မျိုးသားလုံး၏ စည်းလုံးညီညွတ်မှုကို တည်ဆောက်ရင်း ညီညွတ်သော မြန်မာနိုင်ငံအဖြစ် သို့  ပါဝင်ဆောင်ရွက်ကြိုးပမ်းကြမည်။ ကျွန်ုပ်တို့ ကရင်အမျိုးသားခေါင်းဆောင်များအနေဖြင့် ကိုယ်ကျိုးမဖက် မကြောက်ရွံ့ ဘဲ လူမျိုးရေးနှင့် ဘာသာရေး အာဃာတ အလျဉ်းကင်းစင်သော စိတ်ထားဖြင့် တိုင်းပြည်၊ နိုင်ငံတော်အကျိုးစီးပွားကို ဆောင်ရွက်ကြမည်။
ယနေ့ အချိန်အခါတွင် ကျွန်ုပ်တို့ အမျိုသားအမွေအနှစ်များ ရှေးဟောင်းကဗျာ၊ လင်္ကာပုံပြင်များ၊ ကရင်ပညာရှိများနှင့် ရိုးရာ “ယွာ”ဘုရားသခင်ကို သတိရအောက်မေ့လျက် ယင်းတို့ ၏ ဆုံးမသြ၀ါဒများကို ပြန်လည်ကျင့်သုံးနေကြပါမည်။ ပုဂ္ဂိုလ်တစ်ဦးချင်းအနေဖြင့်လည်ကောင်း၊ တစ်အိမ်တစ်မိသားစုအနေဖြင့်လည်းကောင်း၊ ဘ၀သစ်တစ်ရပ်ကို ပါဝင်ဖန်တီးဆောင်ရွက်သွားနိုင်မည်ဟု ယုံကြည်ပါသည်။
ခေတ်နှင့်လျော်ညီစွာ တွေးခေါ်စ်ိတ်ကူးလျက် အကျိုးဖြစ်ထွန်းမည့်လုပ်ငန်းများ ကြံဆချမှတ်ကာ အခြားသောတိုင်းရင်းသားများနှင့် တစ်စိတ်တစ်ဝမ်းတည်း ကျရာကဏ္ဍမှ စည်းလုံးညီညွတ်သော လူမျိုးပေါင်းဆုံထားသည့် မြန်မာနိုင်ငံအဖြစ် တာဝန်ယူသွားကြမည်။
ထို့ ကြောင့် ကျွန်ုပ်တို့ တစ်တွေလည်း နိုင်ငံတော်ဖွံ့ ဖြိုးတိုးတက်ရေး အကျိုးလုပ်ငန်းများတွင် ဖော်ပြပါယုံကြည်ချက်များအတိုင်း ကိုယ်စွမ်း၊ ဥာဏ်စွမ်းရှိသရွေ့  အားသွန်ခွန်စိုက် ဆောင်ရွက်ကြရန် ယနေ့  ရက်မြတ် ကရင်နှစ်သစ်မင်္ဂလာအချိန်တွင် အဓိဌာန်ပြုကြပါစို့ 
(၁၉၃၈ ခုနှစ်၊ ဒီဇင်လာလ ၂၁ ရက်)

၂၆၇၆ ခုနှစ်၊ သလေး၊ ထိုက်ခေါက်ဖိုး၊ ပြာသိုလဆန်း (၁)ရက် ။ ပုံ - စံစီဖိုး၊ ရွှေဘ၊လှဖေ၊ ဖေသာ၊ ဆစ်ဒနီလူနီ
[Read More...]


ကရင်အမျိုးသားအလံတော်နှင့် အမျိုးသားစည်းလုံးညီညွတ်ရေး



4.12.2009



ကရင်အမျိုးသား အလံတော်ဟာ နက်ရှိင်းသော အဓိပ္ပါယ်ရှိပြီး ကြီးမားသောမျှော်လင့်ချက်နှင့်ရည်မှန်း ချက်များလည်းရှိပါတယ်။ အလံဆိုသည်မှာ အဖွဲ့အ စည်း၏ကိုယ်စား၊ လူမျိုးတမျိုး၏အသက်ကို ကိုယ်စား ပြုခြင်းသင်္ကေတ အမှတ်အသား တစ်ခုလည်းဖြစ်ပါ တယ်။ ကရင်လူမျိုးတို့အတွက် မရှိမဖြစ် အလွန်အရေး ကြီးလှတဲ့အမှတ်အသားတစ်ခု ဖြစ်ပါတယ်။ ကရင် အမျိုးသားအလံတော်ဟာ အခြားလူမျိုးတို့က၊ အသိ အမှတ်ပြုတာကို ကရင်အမျိုးသားတွေက ဂုဏ်ယူစရာဖြစ်ရပါတယ်။

(၁၈၈၁)ခုနှစ်တွင် ဒေါက်တာတီသံပြာဟာ ကရင်အမျိုးသားအဖွဲ့တစ်ဖွဲကို တည်ထောင်ဖွဲ့စည်းခဲ့ပြီး ၄င်းအဖွဲမှာ သူက ကရင်အမျိုးသားအဖွဲ့၏ ပထမဦးဆုံးသော သဘာပတိဖြစ်ပါတယ်။ ဒေါက်တာတီသံပြာ သဘာပတိဖြစ်ပြီးတဲ့နောက် (၁၉၃ဝနှင့် ၄ဝ)ခုနှစ်ကြားမှာ သာယာဝတီမြိုနေဆရာစံဘော်က၊ ကရင်အမျိုးသားအဖွဲ့ သဘာပတိတာဝန်အဖြစ် ထမ်း ဆောင်ခဲ့ပါတယ်။ ဆရာစံဘော်က၊ ကရင်အမျိုးသားအဖွဲ့ သဘာပတိတာဝန် ထမ်းဆောင်တဲ့အချိန်မှာဘဲ လွှတ်တော် အစည်းအဝေးထဲမှာ ကရင်နှစ်သစ်ကူးနေ့၊ ကရင်အလံ၊ ကရင်အမျိုးသားသီချင်း၊ ပေါ်ပေါက်လာဖို့အတွက် ကရင်ခေါင်း ဆောင်ကြီးများနဲ့အတူ လွတ်တော်အစည်းအဝေးမှာ ဤအခွင့်အရေးများ ပေါ်ပေါက်လာရန်အတွက် တညီတညွတ် တည်းတိုက်ပွဲဝင်တောင်း ဆိုခဲ့ကြပါတယ်။ ကရင်အစည်းအရုံး Karen National Association ဖြင့်ခေါ်ဝေါ်ခဲ့ပါတယ်။ ကရင်လူ မျိုးများအားလုံး ဒီအဖွဲ့ထဲမှာ အတူတကွ ချစ်ချစ်ခင်ခင်နေထိုင်ခဲ့ကြပါတယ်။

ခေါင်းဆောင်ကြီးတို့ရဲ့ ရည်ရွယ်ချက်က ကရင်အမျိုးသားများဟာ မိမိတိုအလံတော်ရှိ လာရန်အတွက် လွှတ်တော် အစည်းအဝေးထဲမှာ(၁၉၃၅)ခုနှစ်ကရင်တမျိုးသားလုံးနဲ့ ထိုက်တန်တဲ့ကရင့်အလံတော်ကိစ္စကို တင်သွင်းပြီးမဲခွဲဆုံးဖြတ် ခဲ့ကြပါတယ်။
အစည်းအဝေးပြီးတာနဲ့တပြိုင်တည်း ကရင်အလံပုံစံကို ပြိုင်ပွဲတစ်ရပ်အနေဖြစ် အပြိုင်အဆိုင်ရေးဆွဲကြရန် ကြေညာစာများနှင့် သတင်းစာထဲမှာပါ ထည့်သွင်း ကြေညာခဲ့ပါတယ်။ ဒါ့အပြင် ကရင်အလံပုံစံရေးဆွဲကြရန် တောင်းဆိုဆော်သြပန် ကြားလိုက်တယ်။ ပြိုင်ပွဲဆုကိုလည်း ထိုက်ထိုက်တန်တန်ပေးမယ်လို့ ကြေညာ ချက်ထဲမှာ ထည့်သွင်းဖေါ်ပြထားပါသေးတယ်။
ဤပန်ကြားချက်ဟာ မကြာခင်အတောအတွင်းထဲမှာပဲ ပြည်တွင်းမှာနေထိုင်ကြတဲ့ ကရင်လူမျိုးအများအပြား အလံတော်ပုံစံအခုတစ်ရာကျော် တင်ပို့လာခဲ့ကြပါတယ်။ ထိုအလံတော်ပုံစံအခုတစ်ရာကျော်အနက် အလံပုံစံ(၁၂)ခုကို ရွေးချယ်သတ်မှတ်ပြီး အလံ(၁၂)ခုထဲမှာ (၃)ခုထပ်မံရွေးချယ်လိုက်ပြန်ပါတယ်။ ရွေးချယ်ခံရတဲ့အလံ (၃)ခုမှာ အလံပုံစံရေးဆွဲတဲ့သူ ပထမဆုရရှိတဲ့ (မန်းဘခင်) (ဘီအေ) ကရင်အမျိုး သားအဖွဲ့ကစာရေးဆရာတစ်ဦးလည်းဖြစ်ပါတယ်။
သူတီထွင်တဲ့အလံတော်ဟာ ကရင်လူမျိုးများတိုရဲ့အမြတ်တနိုးထားသော ဖါးစည်တစ်လုံး ပါရှိပါတယ်။ သူကဖားစည်ရဲ့ အဓိပ္ပါယ်ကိုဖေါ်ပြရာမှာ (က)ရှေးခေတ်ကရင်လူမျိုးများရဲ့အိမ်တိုင်းမှာ ဖါးစည်ကိုလက်နက်သဖွယ်ဆောင် ထားကြပါ တယ်။ (ခ)ကရင်လူမျိုး များဟာ ဖါးစည်ကိုအသက်သမျှရိုသေ တန်ဖိုးထားကြပါတယ်။ သက်ရှိသောအရာတစ်ခုအဖြစ် သတ်မှတ်ထားတာ ကြောင့် ဖါးစည်တစ်လုံးလိုမခေါ်ဆိုဘဲ ဖားစည်တစ်ခုအဖြစ် အသိအမှတ်ပြု ခေါ်ဆိုခဲ့ပါတယ်။


ဒုတိယဆုရရှိခဲ့တဲ့ တောင်ငူကဆရာမိုးလိုရဲ့ ရေးဆွဲသောအလံ အဓိပ္ပါယ်ဖေါ်ပြချက်မှာ တက်သစ်စနေဝန်းအမှတ်အသား တစ်ခုဖြစ်တယ်။ သူ၏ဖေါ်ပြချက်မှာ (က)တက်သစ်စနေဝန်းဟာ နေ၏အလင်းရောင်ကို ကမ္ဘာပေါ်ရှိကရင်လူမျိုးများတို့ရဲ့ တိုးတက် ထွန်းလင်းတောက်ပစေရန် ဖြစ်ပါတယ်။ (ခ)နေရောင်ခြည်ဟာ ကြောက်စိတ်ကိုဖယ်ရှားခြင်းဖြစ်တယ်။ ဥပမာ အိမ်ထောင်တစ်ခုအတွင်းမှာ အိမ်သူအိမ်သား တစ်ယောက်ကနေမကောင်းဖျားနာနေလျှင် အခြားသောအိမ်သား တစ်ဦးဦးကလူနာသည်အတွက် စိုးရိမ်ကြောက်ကြနေသည့်အတွက် မိုးမြန်မြန်လင်းစေချင်ပါတယ်။ ညဘက်မှောင် ချိန်ရောက်လျှင် ကြောက်စိတ်တွေ ခံစားနေရသည့်အတွက် နံနက်နေရဲ့အလင်းရောင်ပေါ်လာတဲ့အခါ ကြောက်စိတ် ကို ဖယ်ရှားစေပါ တယ်။ (ဂ)နေရဲ့အလင်းရောင်ဟာ ကမ္ဘာပေါ်မှာရှိတဲ့ သက်ရှိအရာဝတ္ထုများအားလုံး အသက်ရှင်ခြင်းကို ပေးစွမ်းနိူင်တယ်။ ကမ္ဘာပေါ်ရှိ လူသားများအားလုံးလည်း နေရောင်ခြည်အားကို လိုသလိုအသုံးပြုခဲ့ကြပါတယ်။ ဆရာဝန်များကလည်း လူနာကို နေလှမ်းပြီး ကျန်းမာစေသလို နေရောင်ခြည်ရဲ့အကျိုးကျေးဇူးများလည်း ရရှိပါတယ်။

တတိယဆုရရှိတဲ့ ဒေါက်တာဘစောဒွေးရေးဆွဲတဲ့ ကရင်အလံတော်ပုံစံမှာ ဆင်ဖြူတော် အရုပ်အမှတ်အသားပြုခဲ့ ပါတယ်။ ဖားစည်ရဲ့အပေါ်မှာလည်း ဆင်အရုပ်ပါရှိနေပါတယ်သူရဲ့အဓိပ္ပါယ်ဖေါ်ပြချက်မှာ ဆင်ဖြူတော်ဟာတန်ဘိုးရှိပြီး မြင့်မြတ်တဲ့ ရာတနာတစ်ခု ဖြစ်ပါတယ်။

ကရင်အစည်းအရုံးအတွင်းရေးမှူး မန်းဘခင်ဦးဆောင်ပြီးတော့ ကရင်အလံ(၃) ခုပေါင်းကာ တစ်ခုတည်းအတည်ပြုပြီး ကရင်အမျိုးသားအဖွဲ့ထံသို‹တင်သွင်းခဲ့ပါတယ်။ ၄င်းနောက် ကရင်အမျိုးအဖွဲ့က ဤအလံတော်ကို အတည်ပြုခဲ့သည်။ ကရင်အလံတော်မှာ အရောင်(၃)မျိုးရှိပါတယ်။ အနီ၊အဖြူ၊ အပြာ ရောင်နှင့် နေဖြာရောင်ခြည်(၉)ခုလည်းပါဝင် ခဲ့ပါတယ်။ ကရင်အလံတော်(၃) ခုကို ပေါင်းစည်းခဲ့တဲ့ မန်းဘခင်က ကရင်အလံတော်ရဲ့အဓိပ္ပါယ်ဖေါ်ပြရာမှာ
(က) အနီရောင်ဆိုသည်မှာ- ရဲရင့်ပြတ်သားခြင်းသတ္တိရှိခြင်း၊ ဇွဲကောင်းခြင်း။
(ခ) အဖြူရောင်ရဲ့ဓိပ္ပါယ်မှာ - ဖြူစင်ခြင်းနှင့်သန့်ရှင်းစင်ကြယ်ခြင်း။
(ဂ) အပြာရောင်ရဲ့အဓိပ္ပါယ်မှာ - ဖြောင့်မတ်တည်ကြည်ခြင်းနှင့် ငြိမ်းချမ်းသာယာခြင်းတို့ဖြစ်ပါတယ်။
(ဃ) တက်သစ်စနေဝန်း၏နေရောင်ခြည်(၉)ခုမှာ- ကရင်လူမျိုးတို့ရဲ့ နေရပ်ဌာနီကို ဖေါ်ပြခြင်း၊ ဘဝတိုးတက်မှုနှင့် သာယာငြိမ်းချမ်းမူဖြစ်ပါတယ်။
(င) ဖားစည်၏အဓိပ္ပါယ်မှာ – စည်းလုံးညီညွတ်မှုအမှတ်အသားနှင့် ရိုးရာယဉ်ကျေးမူ ၊ တန်ဖိုးရှိ သောပိုင်ဆိုင်မူတို့ဖြစ်ပါ တယ်။

ကရင်နှစ်သစ်ကူးနေ့ ကျင်းပတဲ့နှစ်တနှစ်တည်း မြန်မာသက္ကရာဇ်(၁၂၉၉) ခရစ်သက္ကရာဇ် (၁၉၃၈)ခုနှစ်ကရင်သက္ကရာဇ် (၂၆၇၇)ခုနှစ်မှာ ကရင်နှစ်သစ်ကူးပထမဦးစွာ ကျင်းပခဲ့သည့်နေ့မှာ ကရင်အမျိုးသားအလံတော်ကို ၄င်းနှစ်သစ်ကူးနေ့ မှာပဲ အလံတိုင်ပေါ်သို့ လွှင့်ထူခဲ့ပြီး ကရင်အမျိုးသားများတို့က စည်းလုံးညီညွတ်စွာ ဦးညွတ်၍ အလေးပြုခဲ့ကြပါတယ်။

(၁၉၃၆)ခုနှစ်မှာ ဗြိတိသျှတပ်မှ ကရင်စစ်ဘက်ခေါင်းဆောင်တို့က၊ ကရင်အမျိုးသားအလံပေါ်တွင်ရှိသော ဖားစည်၏ အောက်မှာကဒိုးနှစ်ခုအထိမ်းအမှတ် ထပ်မံဖြည့်စွက်ခဲ့ပါတယ်။ ဤသင်္ကေတ အမှတ်အသားပါသော အလံကို အင်္ဂလိပ် အစိုးရထံတရားဝင် တင်ပြခဲ့ပါတယ်။ ကရင့်အမျိုးသားအလံဟာ (၁၉၄၉)ခုနှစ်ဇန္နဝါရီလ(၃၁)ရက်နေ့မှာ ကရင့်လက်နက် ကိုင်တော်လှန်ရေး ပေါ်ပေါက်လာတဲ့အခါမှာ တောတွင်းကရင့်လက်နက်ကိုင်အလံဟု (ဖဆပလ) အစိုးရအဖွဲ့ထဲမှ အချို့ လူတွေကစွပ်စွဲပြောဆိုကြပြီး ကရင်အမျိုးသားအလံကို အစိုးရက သုံးစွဲခွင့်မပြုတော့ပါ။ သို့သော်လက်နက်ကိုင်တော် လှန်ရေးမလုပ်သော ကရင်အမျိုးသားအဖွဲ့ ခေါင်းဆောင်ဖြစ်ကြသောဆရာသာထို–ဆရာမန်းဂျိမ်းထွန်းအောင် ကရင် လူကြီးစောဘဲလေတို့က၊ ကရင်နှစ်သစ်ကူးကို ရန်ကုန်မြို့မှာ ကျင်းပပြုလုပ်တဲ့အခါမှာ ကရင်အလံတော်ကိုရဲရဲဝံ့ဝံ့ ပြန် လည်၍ လွှင့်ထူခဲ့ပါတယ်။

(၁၉၆၃)ခုနှစ်–မူးဆိုးကော်ကစာ စောဟန်တာသာမွှေးအား ကရင်အလံတော်ကို ဖြန့် ဝေခဲ့ပါတယ်။ (၁၉၇၁)ခုနှစ်မှာ စောစံ ဖိုးသင်လည်းထိုနည်းတူစွာ ကရင်အလံတော် ကိုထုတ်ဝေခဲ့ပြန်ပါတယ်။ ယခုအသုံးပြုနေသောအလံဟာ ရှေးခေတ်က၊ကရင် ခေါင်းဆောင်ကြီးများ၏ အားထုတ်ကြိုးပမ်းဆောင်ရွက်မှုတို့ကြောင့် ဤအလံတော် သည် နက်ရှိုင်းသောအဓိပ္ပါယ်ရှိပြီး ဂုဏ်ကျက်သရေလည်း ပြည့်ဝပါသည်။ ထို့ ကြောင့် ကရင်အမျိုးသားများအားလုံး ဆက်လက်ထိန်းသိမ်းရမှာ ဖြစ်ပါတယ်။ နောင်လာနောင်သား ကရင်အမျိုးသားထု တစ်ရပ်လုံးက မိမိတို့ရရှိထားတဲ့ ဒီအခွင့်အရေးကိုမပပျောက်မဆုံးရှုံးရအောင် ကရင်တိုင်းမှာ ထိမ်းသိမ်းကာကွယ်ရန် တာဝန်ရှိပါတယ်။

ယခုမျက်မှောက်ကာလမှာ တောင်ပေါ်ဒေသမြေပြန့်ဒေသနှင့် ရေမြေရပ်ခြားနေထိုင် ၍ပြန့် ကျဲနေကြသောကရင်လူမျိုးတို့ဟာ ဘာသာအယူအဆ ကွဲပြားခြားနားသော်လည်း ရိုးရာပွဲတော်များဖြစ်သည့် ကရင်နှစ်သစ်ကူး၊ ဝါခေါင်လပြည့် ချည်ဖြူ ဖွဲ့ပွဲ၊ နှစ်ဦးကောက်သစ်စားပွဲ၊ အစည်းအဝေးပွဲ၊ ယဉ်ကျေးမှုပွဲတော် စသဖြင့် ကျင်းပပြုလုပ်သည့်အခါတိုင်း အမျိုးသား အလတော်ကို လွှင့်ထူခဲ့ကြပါတယ်။

အကြောင်းအမျိုးမျိုးကြောင့် ကရင်လူမျိုးတို့၏ယခုမျက်မှောက်ကာလမှာ တစုတရုံးတည်း အတူတကွ နေထိုင်ခွင့်မရခဲ့ပါ သို့သော် ကရင်အမျိုးသားရဲ့အလံတော်အောက်မှာ စိတ်ဝမ်းကွဲပြားမှုမရှိတာကို တွေ့ရပါတယ်။ ရပ်နီးရပ်ဝေး ဘာသာ အယူအဆ ကွဲပြားခြားနားမှုရှိသော်လည်း ဒီဇင်ဘာလ(၁၆)ရက်နေ့မှ ကျရောက်မည့်(၇၂)ကြိမ်မြောက် ကရင်နှစ်သစ် ကူးနေ့မှာ တစ်ခုတည်းသော အမျိုးသားအလံတော်အောက်မှာ စည်းလုံးညီညွတ်ခြင်း ဖွံ့ဖြိုးတိုးတက်ခြင်း ကြွယ်ဝချမ်း သာခြင်း၊ ငြိမ်းချမ်းသာယာသောဘဝကို မျှော်မှန်းကြပါတယ်။

ထို့ကြောင့် ကရင်အမျိုးသားအလံဟာ အရေးကြီးသော အမှတ်အသားတစ်ခု ဖြစ်ခြင်းကြောင့် ကွဲပြားပြန့်ကျဲနေသော အဖွဲ့အစည်းများကို အလံတော်က စုစည်းညီညွတ်စေပြီး အင်အားဖြစ်စေပါတယ်။ ထိုအင်အားမှတစ်ဆင့် ရုန်းကန်မှု အဖြင့်သို့ ရောက်ရှိကာ လွတ်မြောက်သောဘဝသို့ ရောက်ရှိမည်ဖြစ်ပါတယ်။

ဝင်းရော် စောထဲနေ
[Read More...]


 
Return to top of page Copyright © 2010 | Karen Tasmania Converted into Blogger Template by HackTutors