သုင္းသာဆံင္းခႜာင့္အု္ဟွင္ၟ

10.01.2010

လုိဒ္ၟကာေခါဟ္ဍာယုိ၀္ ဏင့္ဆာၟဆု္အွ္ဆံင္းအွ္ခႜာင့္အု္ဟွင္ၟဏွ္ မြာဲလာဘ္ဖါ ေဍာဟ္လု္မိင္ေဆ၀္ၟလွ္။ ရုပ္ခႏ (ကံင္ထ်) ဏင့္္ဆာၟကာယာယုိ၀္ ေ႓့မု္ အွ္ ဆံင္း အွ္ခႜာင့္သုိ၀္ ႓းပါလု္၀ီၟလင့္ေ၀့ဏွ္သုိ၀္ သုင္းသာဍ၀္ ေ႓့မ္ုအွ္ဆံင္း အွ္ခႜာင့္ သုိ၀္္ဏွ္ ႓းေကႜစုိဒ္ပါလု္၀ီၟမာေဖွ္ေ၀့ဍးေဆ၀္ၟလွ္။

ေ႓့ဏင့္္္ဆာၟ မု္အွ္ဆံင္းအွ္ခႜာင့္သုိ၀္ အု္အင္းဆု္အ၀္၊ ဆု္ေလ၀္ဆု္ထာင္သယ္ သီးဏွ္ စာင္းလင္ေဏ၀္ၟ၀ီၟလု္အု္ေမံယာ့လု္္္ဆင့္ ေဍပႝံင့္ေဍအု္ဖႜံင္ဟု္မာေဖွ္ကဲ ကုိ၀္မိင္ေဍသီး ေ႓့သာမု္ဆံင္းခႜာင့္သုိ၀္အု္ဟွင္ၟ ေဍပႝံင့္ေဍအု္ဖႜံင္ ဟု္မာေဖွ္သီး ကးေ၀့ဍးေဆ၀္ၟလွ္။ စင္ၟ႓ုိ၀္ ေ႓့သာမု္္္္္္ဆံင္းခႜာင့္သုိ၀္အု္ဟွင္ၟ ေအ႓းလံင္မာ ပ်ဳက္ေဖွ္ ေဍပႝံင့္အု္ဖႜံင္းသီးဏွ္ဍ၀္…….

(က) ဏင့္္ဆာၟေ႓့မု္အွ္ဆံင္းခႜာင့္သုိ၀္ ႓းေကႜစုိဒ္ပါလု္၀ီၟေ၀့ဟွံင္ ဏင့္ဆာၟေအ အွ္္ဆံင္းအွ္္ခႜာင့္ဏွ္ သုင္းသာဍ၀္ အွ္ဆံင္းအွ္္ခႜာင့္ေဆ၀္ၟလွ္၊ ႃရ၀္မ႗ ဆု္ခႜာင္ အု္ဍံင္ဏွ္ အွ္ေ၀့လု္မိင္ေဆ၀္ၟလွ္။

(ခ) သုင္းသာဖုိင္လု္ဟွဳင့္ၟလု္ခုိင့္ ကု္လုဂ္ကု္ယာ့ဏွ္ ေ႓့မု္ဟွဳင္ၟမု္ခုိင့္ ယွဴးလင ္ခြိက္သုိ၀္ ႓းပုိင္ဟွဳင္ၟထေ၀့ေဆ၀္ၟလွ္။ သုင္းသာလု္ဟွဳင္ၟခုိင့္႓းဏွ္ ႓းထာ္ေ၀့ ဟု္သာမြာဲအု္ဖႜံင္လု္မိင္ေဆ၀္ၟလွ္။

(ဂ) ဆု္တ၀္ဆု္လံင္ဏွ္ ေ႓့ဆု္တ၀္ဆု္လံင္သုိ၀္၊ ဆု္အု္မးဏွ္ ေ႓့အု္မးသုိ၀္ ၿဂင္းလင္႓းစွ္ေယာ၀္ၟေအေသွ္လွ္။ ဆု္တ၀္ဏွ္ လ၀္ေဍဆု္မး ဆု္မးဏွ္ မာ ေဏ၀္ၟေဍဆု္တ၀္ ေအအွ္ထင္းေ႓့ဏွ္သုိ၀္ လု္သုင္းသာဖုိင္္ဆု္ဆာ့ ဏွ္အွ္ ထင္းလု္မိင္ယုဂ္ ဟု္လ၀္ေသွ္ေ၀့လွ္၊

(ဃ) ဟွယ့္ကဲထင္း႓းဟု္မႝီဟ္အု္က်းသီးယုိ၀္႓းဆာင့္ေဍ အွ္ဟွင္ၟအင္းဟွင္ၟဏွ္ ႓းအွ္ထင္းအွ္လင္မာေဏ၀္ၟအု္ဍံင္ေ႓့ေသွ္လဲဏွ္.. ႓းအင္တာင္လင္ထ ဆု္သုဂ္ ကႜယ္လွ္၊ ဆု္သုဂ္လု္အွ္႓းဏွ္ သုင္းသာအူတု္ရာ္၀ိင္၀င္သာ ကဲထင္းေ၀့ဟွံင္ ေဏ၀္ၟ႓းထာင္ဆု္ဆာ့သီးေသွ္ေ၀့လွ္။

(င) ေဍဟု္မႝီဟ္သီးကုိ၀္ဟွာ ႓းပါထီပါသုိ၀္ ႓းပါေသွ္ယာ့ေ၀့လွ္။ မု္ပါထီပါသုိ၀္၊ မု္႓းပါေသွ္ယာ့သာေဍဖႜဳံဃွာၟဃွံင္ ေအလု္အွ္႓းဏွ္ သုင္းသာလင္ယွာေ၀့ဍးဟွံင္ ဟွာင္ၟ႓်ာသီးမု္လင္ဖုက္ မု္လင္ယွာ မု္လင္ဆင့္ေ၀့ေဆ၀္ၟလွ္။

(စ) ဆု္ယွင္းဆု္ယးလု္မိင္မိင္ ေအဖႜဟ္ထင္းဏွ္ ေလ၀္လု္ဖႜဳံဃွာၟဃွံင္အွ္ လ၀္ဟွဳိင့္လ၀္ပ်ာလင္ေဖွ္ ႓းအင္းကိင္ေဏ၀္ၟေ၀့ ဆု္ကုံးဆု္္မံင္းဏွ္လွ္၊ ဏု္ေအအင္းမုိ၀္ထဆု္ယွင္းဆု္ယးဏွ္ မြာဲေ၀့မု္ကဲထင္း ဆု္အု္ဏါထုက္လွ္။

(ဆ) လင္ဏီၟလင္ကုိဟ္သာ ေဒၢတ္ဏွ္ ေ႓့မု္ေသွ္သုိ၀္ ႓းေကႜစုိဒ္ေဏ၀္ၟအု္လွ္။ ဆု္လင္ဏီၟ ဆု္လင္္ကုိဟ္သာသီးယုိ၀္ လု္သုင္းသာဖုိင္ ဆု္အွ္ဆံင္းအွ္္ခႜါင့္ အု္ဟွင္ၟ အု္ေဟွ၀္ထုက္သီး ဟွာင္ၟလု္မိင္ေဆ၀္ၟလွ္။

စဝ္ဆုိဒ္ေယာတ္။