ဖႜဳံဆုိဒ္ေဖါဟ္ ဆု္ထုင္းလီထုင္းထာင္

21.September.2008
ဖႜဳံဆုိဒ္ေဖါဟ္အွ္ေခါဟ္လံင္ဆင္ ဆု္ထင္းထ၀့္မိင္လးကႜာဏွ္ ေဖံအင္းဃွီးဃွဳဂ္ ထံင္းထင္း႓ူး ထံင္းအင္းအာင္ သုင္းလင္အင္းဖိင္သုဲ႔သယ္ဏွ္လွ္။ ေအ႓း
ေလ၀္ေဖံဃွဳဂ္အုိ၀္ ေလ၀္ေဖံ႓ုိ၀္ ေဖံဆုိင္ေလာဟ္သာ ေအ႓းထံင္းလင္႓ူးအုိ၀္ေလ၀္ထံင္း႓ုိ၀္ဆုိင္ေလာဟ္သာ ကုိ၀္စံင္းေဍလွ္။ မု္ေလ၀္မာ႓ုိ၀္ မာဆုိင္ေလာဟ္
သာဖ၀္.စာ္႓ုိ၀္ အူးထင္းခုဲိ ကုိ၀္ကုံေလာဟ္သာ ကုိ၀္.ဆုိ၀္ေဍလွ္။ ႓ူးဃွဳဂ္သယ္ဏွ္ဍ၀္ ႓ူးအု္သာဆံင္း ႓ူးေဆာ၀့္ သယ္ဏွ္ လာဏင့့္ဖုိင္ ႓းကုဂ္လာဏင့္ ႓ူးအု္သာ
ဖုက္ အု္ေသာဟ္အု္ယာင္အး ႓ုူးဖႜာ္ဏွ္ဍ၀္ ေဖႜာ၀္ထင္း၀၀္ထင္းလာလိင္ဖုိင္ အု္ေခါဟ္က်ံင္ ႓းကုဂ္ေ၀့လာလိင္ဖုိင္ဏွ္ေဆ၀္လွ္။ကုဂ္႓ူးေအဟွံင္စာ္႓ုိ၀္ ဖုက္လင္ကုံ႓ူး မာ႓ုိ၀္မာဆုိင္ေလာဟ္သာ မူးမူးခြါ႔ခြါ႔ကုိ၀္.ဟွာေဍလွ္။ ဖုက္လင္ကုံ႓ူးဏွ္ဍ၀္ မူးဏင္ေဖါဟ္သးခြါ႔ ဖုက္လင္႓ူးခ၀့္ခ၀့္ ယိုင္ပ်ထာေခါဟ္ခ၀့္ခ၀့္ မူးေဍခြါ႔ ဃွဴ႔ဃွင္သၞ၀့္ဏွ္လွ္။

ဖုက္လင္႓ူး အွ္ပြၚခါ့ ေဖါဟ္သးဖႜာဲလု္ဖးပါမုက္ပါလာ ယိုင္ပ်ထာေခါဟ္ဍယ္ပ်ေဍစူး ခင္းလု္ခ၀့္ ခါ႔ပ်ယာင္ပ် မိင္ေဆ၀္
လွ္။ ခင္းခါ့ေ႓့ မု္သၞ၀့္သုိ၀္ ယာင္ပ်ခင္းေ႓့ မု္႓းဟွ၀္သုိ၀္ဏွ္ ထာ္လင္ထီ့ထုင္းခါင့္ေဍဟွင္းေခါဟ္ထုံထုံဏွ္လွ္။ အု္နဳိ၀္မာထာေခါဟ္ အု္စူးဍယ္ပ်ဳက္ အု္ဏင့္ဆာ.၀ိက္သာ အု္ခင္းယာင္ပ်ဳက္ထီ့ထုင္.သ၀့္ ထုံထုံဏွ္တာ သၞ၀့္ဃွဴ႔ဃွင္သၞ၀့္စြး ဆု္ေယာ၀္.ဖုိင္မုက္ ကုိ၀္.ဟွာေဍဏွ္လွ္။
ခင္းယာင္ပ်ဳက္ထီ့ထုင္. သ၀့္ထုံထုံဏွ္တာ ဆု္ကုိ၀္ပ်ဳက္ေဍယာင္ထီ့ထုင္.ထုံထုံဏွ္လွ္။ လု္ခါင့္ယုိ၀္ ယာင္.ထီ့ထုင္.မႊာဲလုိင္ေအး ကုိ၀္ထာင္ေ၀့ယာင္ထီ့ထုံ
ဏွ္လွ္။ လု္ခါင့္ယုိ၀္ ယာင္.ထုံမြာဲလုိင္းေအး ကုိ၀္ထာင္ေ၀့ေဍယာင္တုံ.ဏွ္လ္ွ။ဖႜဳုံဆုိဒ္ေဖာဟ္သီး သုဂ္လင္သာ လ္ုထ၀္႓းလု္ထ၀္ ထံင္လင္ထာင္ ယူႏုိင္(ဏါင္)
ခါန္.ဖုိင္ဏွ္ ဍးေလာဟ္ေဏ၀္.ထာင္း (ထုိင္း) သယ္ အာင္ေဃွံ အာင္သာင္.၀ိက္သာဏွ္ ယာင္.တုင္.မြာဲလုိင္ေအး ကုိ၀္ထာင္ေ၀့ေဍ `အာင္တု´ ဏွ္ေဆ၀္.လွ္။ဖႜဳံဆုိဒ္ေဖါဟ္ယာင္.တုင္.လု္၀ီ. စူးပါေအး ယာင္ကု္ယာဲခင္းဏွ္ကုိ၀္ေ၀့ယာင္.တုံ.ဏွ္လွ္။

ဍးေလာဟ္ေဏ၀္.သာင့္အာင္ေဃွံ အာင္သာင္.ဏွ္တာ ဖႜဳံဆုိဒ္ေဖါဟ္သီးယာင္.တုံ.လု္႓ႜင္ ထုင္းလီခြၞဲပ်ေဍစူး ေဍခင္းလု္႓ႜင္ ကုိ၀္ထာင္ေ၀့ေဍ`အာင္တုံ´မြာဲ
႓ုိ၀္လွ္။ ဖႜဳံဆုိဒ္ေဖါဟ္သီး သုဂ္လင္သာလု္ထ၀္႓းလု္ထ၀္ ထံင္ထင္ထာင္ဆု္ဍာဖုိင္ခါန္.႓ု္ယာန္ဖုိင္ဏွ္တာ.ဆု္ယာင္တုံ. အာင္တုံ.အွ္ထင္းထာင္ေ၀့ အု္မိင္မိင္ဏွ္လွ္။
ထုင္းလီ.တုံ.ထင္းေဍပုံသင္.ဏာခႜံင္ဏွ္အွ္အးေ၀့လွ္။ ခႜဳက္ေဍဆု္ေခါဟ္ဃွဳဲး တုံ.ဆု္အုဂ္ တုံ.ထု္ရာဲ တုံ.ပႝာ.တုံ.ေခ၀့္သယ္ထင္းေဍပုံထုင္းလီ.သင္.ဏာ.ခႜံင္ဏွ္
လွ္ဍးေလာဟ္ေဏ၀္.႓ု္ယာန္ကုိ၀္ယွာမာထင္း မင္ယို၀္မင္ယုိ၀္ ဏွ္မာဍံင္ေဏ၀္.
ကုိ၀္ပ်ေ၀့ေဍတုံ.မင္ယုိ၀့္ဏွ္ေဆ၀္.လွ္။

႓ုိ၀္ဏါင္းယုိ၀္ထုင္းလီ.တုံ.ဏွ္ မြာဲေ၀့တုံ.ဆ္ုဃွီ႕လာတုံ.၀ိက္ တုံ.ကႜီးသယ္အွ္ထင္းထာင္းေ၀့အု္မိင္မိင္ဏွ္လွ္။ ဖႜဳံဆုိဒ္ေဖါဟ္သီး ဆု္ထုင္းလီ.လု္ကံင္.ဏွ္ဍ၀္
အွ္ထင္းေ၀့ေဍ႓ု္ယာန္ဆိုဒ္ေဖါဟ္သီး လု္ကံင္.မ၀့္မွ္ လု္ကံင္.ထုင္းလီ.ဟွင္းေခါဟ္ေဍ၀္ဏွ္လွ္။ ဖႜဳံဆုိဒ္ေဖါဟ္သီးလု္ကံင္.လု္၀ီဏွ္ဍ၀္အု္မိင္ဖႜဟ္ေ၀့
တာ္ေခါဟ္မူးအု္မိင္ဏွ္လွ္။

လု္ကံင္.ဏင္.သိင္းစယ္၊ လု္ကံင္.ဏင္.ဖ၀့္တု္က၀္၊ လု္ကံင္.ဖ၀့္လးေယ၀့္သယ္ဏွ္လွ္။ လု္ကံင္.လု္ခါင့္လု္ခါင့္ယုိ၀္ဏွ္ အု္မိင္ဖႜဟ္ထာင္ေ၀့ေဍမႝီဟ္ ဆု္
လင္ကုိဟ္သာ အ္ုမိင္ဏွ္ဍ၀္ေဆ၀္.လွ္။ လု္ကံင္.ဖါ့၀၀္၊ လု္ကံင္.ဖါ့သုိင့္၊ လု္ကံင္.ဖါ့ေခႜာဟ္၊လု္ကံင္.ဖါ့ေခ၀့္သယ္ဏွ္လွ္။ လု္ခါင့္သယ္အု္မိင္ဖႜဟ္ထာင္ဏွ္ဍ၀္ေဍအု္ရြာဲဏွ္လွ္။ လု္ကံင္.ပညာ့ရာဲသီ့လု္ကံင္.ေယာတ္ထင္းသင့္၊ လု္ကံင္.သစၥာမိက္တာ၊
လု္ကံင္.သစၥာသုဲး၀၀္၀၀္သယ္ဏွ္လွ္။ ဖႜဳံဆုိဒ္ေဖါဟ္လ္ုကံင္.လု္ခါင့္ယုိ၀္ဆု္ေဖါဟ္ဆု္အူးဍဳဂ္ပါင္ ေမွ္ဆု္ကံင္ဆု္သုိ၀္သယ္ဍဳဂ္ပါင္
အု္ရြာဲသီးအးထင္းေ၀့ေဆ၀္.လွ္။

စ၀္အဲဆုိဒ္ ႓ံုးကု္တိက္