ဟု္႓းတုိဒ္ထင္း လု္ယာ့လု္ယာ့

ဟု္မၞီၟဍဳံလုက္ေကာ၀္ၾကင္ေခါဟ္ဍာယုိ၀္လု္ဟွာေဟွ၀္လု္ဟွာေဟွ၀္မု္ေသွ္႓းဖႜံင့္ဟွ႓းသာမု္ေဍာဟ္ယွာၟစီကႜာ႓းသာ
မု္ထု္ယ၀္ၟျပာထာ့႓းသာကုိ၀္ဟွာေဍဏွ္လွ္။ေသွ္ဖႜံင့္ဟွအု္ထ၀့္ထုက္အၥာေခါဟ္စံင္း(ပါရဂူ)ဏွ္ဆု္ထင္းထံင္ယွာခုိ၀္းလွ္။
ဆု္ေဍာဟ္ယွာၟစီကႜာ အု္ထ၀့္ထုက္(မီလ်ံနာ)ဏွ္ ဆု္ထင္းထံင္ယွာခုိ၀္းလွ္။ ထု္ယ၀္ၟျပာထာ့ အၥာလု္၀ၚ အု္ထ၀့္ထုက္(ေဏ၀္ၟႏုိ၀္႓ယ္လ္လ်းသာ္)ေ႓့ "ရာေစန္နတု္ဂုိဝ္း" သုိဝ္ အွ္ယွာေဝ့လွ္။
ဆု္လု္အု္ထဝ့္ထုက္ဏွ္သု္႐ုက္ထင္းမု္ထံင္မု္ေဏဝ္ၟ႓းဏွ္ကးစြးမာၟလွ္။မု္ထံင္႓းသာအု္ထ၀့္ကုက္ေကႜစုိဒ္ထင္းလာၟဏင့္
သီးမု္မၞီၟလု္လာဏွ္မု္ထံင္ဏင္ၟဟွာသီးကးမာၟလွ္။ ဆု္လု္မိင္ေဟွ၀္ လု္မိင္ေဟွ၀္ ေအေသွ္ဏါင္းထ၀့္ဏါင္း႓းသာ ဆု္ဟွဴ႕ဟွာစာ္႓ုိ၀္ မု္႓းေကႜစုိဒ္ ထင္းတု္ယွာၟေဆ၀္ၟလွ္။ ေကႜစုိဒ္ကုက္တု္ယွာၟအးဏိင္းအးလာယုဂ္သီး ေ႓့သာအွ္သုိ၀္ ေ႓့ဆု္ပု္ေယာဟ္အွ္သုိ၀္ မု္ထံင္ကုိ၀္ဟွာေဍသီး မြာဲေအဟွဟ္။ ႓းဏင္ဏင္ ေကႜစုိဒ္တု္ယွာၟ ထံင္လု္ဖုိ၀္ဖင့္ လု္တု္၀ါ ဍးခံင္ဆု္ကးဆု္ဟွယ္ ဆု္ႏုံ႕ဆု္ဏာ ႓းပု္ထုက္ခြိက္လွ္။ ႓းဏင္ဏင္ဏွ္ ဍးခံင္ဆု္ကးဆု္ဟွယ္ အု္ထ၀္ထ၀္သီး ပါကာေအး၊ အု္တုိင္ေကႜစုိဒ္ဏွ္ ေကႜစုိဒ္တုိဒ္ထင္းတု္ယွာၟလု္႓ႜင္ ေ႓့သာအွ္ ဆု္ပု္ေယာဟ္အွ္သုိ၀္ ထံင္ေ၀့လု္အု္ထ၀့္ထုက္အုိ၀္လွ္။


ေအထံင္ လု္အု္ထ၀့္ထုက္ လု္ဟွာဟွာဏွ္ မၞီၟထုိင္ၟေကာ၀္ၾကင္သာ့ အင္းအုဂ္ထုိင္သာ့ဆုိင္ေ၀့ ျပာျပာေဆ၀္ၟလွ္။ ေကာ၀္ၾကင္ဖုိင္ ႓းဆာင့္ေခါဟ္လံင္လု္ဖးဏွ္ (ဏိဖုိလ္)ခါန္ၟဖုိင္ဟိမ၀ႏၱာ ဧ၀ရက္ေခါဟ္လံင္ဍင္ဍီးဏွ္ ကဲအု္ထ၀့္ထုက္လွ္။ ဆု္ထင္းအု္ဍင္ဍီးထံင္ဏင္ၟဟွာေအးလွ္။ လာၟဏင့္႓ုိ၀္ေကႜစုိဒ္ဆု္စြး ေခါ၀္လာအြာ(ဏု္ယူ႔ဗီလုိင္ေဖါဟ္)ဃွီၟလာရီေဍ(ဏိဖွ္လ္)ခါန္ၟေဖါဟ္ ေတန္ေဆန္းဏီ့ဟွာ ကုက္တု္ယွာၟေလ၀္ထင္းထံင္လု္႓ႜင္ ဂမႜဳိင္ၟ ထုိင္ၟေကာ၀္ၾကင္ဖုိင္လု္ဖး အင္းအုဂ္ ထုိင္သာ့ဆုိင္ ေတၞင့္ဆုိင္သာကုိ၀္ဟွာေဍလွ္။ ဆု္ထင္း လု္ထံင္ဏင္ၟဆုိ၀္ ဆုိထင္း မု္ထံင္သီး ဆု္လု္အွ္သာ႓း လု္လာဖုိင္အုိ၀္ (အု္ေမရိကံ)ခါန္ၟေဖါဟ္ ေအာ္ဍေရန္ သယ္ေလ၀္ထင္းေဍ ကႜဳဂ္ယူ စါင္းလင္ေဍ ကုဲမုဂ္ဖုိ၀္ဖင့္ဏွ္ ထံင္လင္ လု္လာဖုိင္အုိ၀္လု္႓ႜင္ ထုိင္ေကာ၀္ၾကင္ဖုိင္ ဂမႜဳိင္ၟလု္ဖး အင္းအုဂ္ဆုိင္ ေတၞင့္ဆုိင္သာ ကုိ၀္ဟွာေဍေဆ၀္ၟလွ္။
ဟု္ထင္းဆု္ လု္အု္ထ၀့္ထုက္သီးယုိ၀္ ကးတု္ယွာၟလွ္။ လု္ထံင္ဍာ္႓း ဆု္႓ုံဆုိင္ဏွ္ မု္႓းဍးခံင္ဆု္ကးဆု္ဟွယ္ အု္ထ၀္ထ၀္၊ ဆု္ယွင္းႏုံ႔ဏာအု္ေဆာတ္ေဆာတ္ဏွ္လွ္။ ဍးခံင္လာၟဏင့္ ဆု္ကးဆု္ဟွယ္ ဆု္ယွင္းႏုံ႔ဏါသီး သာမဲလု္ေဃွ၀္ တုိဒ္ခြိက္ ဆင္းခြိက္ေအဖႜဲလွ္။ ေကႜစုိဒ္ထင္းယုဂ္သီး ထင္းလု္ေသွ္ လု္႓းလုိင္စာ္႓ုိ၀္ အွ္ပြၚဆံင့္မံင္း ကုံးေယာ၀္ၟဍ၀္လွ္။ ထင္းေယာ၀္ၟအးစံင္းအးစံင္း ယိက္ယိက္ခုိ၀္း မု္ဖႜံင့္ထင္းေ၀့ဏင္ၟစံင္းလွ္။ ေအဖႜံင့္ထင္းခုိ၀္းဏင္ၟထီး ထင္းထာင္လု္အု္ဍင္ဍီး အု္ထ၀့္ထုက္ဏွ္ ထံင္ဖႜဲေ၀့လွ္။ ဆု္ကးဆု္ဟွယ္လု္ဖးဏွ္ ဏု္လု္တုိဒ္ခြိက္႓း ဏု္ထင္းဆု္ဖႜဳိ၀္လုိင္ေအးကု္ထေ၀့လွ္။
ဆု္ကး ဆု္ဟွယ္သီးယုိ၀္ ဟွာေဃွ၀္ဖံင္ေအး၊ မု္႓းဍးခံင္ ထၞာၟလွ္။ ဍးခံင္လာၟဏင့္သီး သာမဲလု္ေဃွ၀္၊ သာေပ၀့္လု္ေဃွ၀္ အွ္ေကွ္သာေအဟွဳင္ၟ ဖုံ(ဖုိင္)ဏွ္ တုိဒ္ဖႜံင့္ထင္းခြိက္လု္ယာ့ ဖႜံင့္ယ၀င္ေ၀့လွ္။ ဆု္ကးဆု္ဟွယ္ ေအဍးခံင္၊ မြာဲဆု္ယွဴး႓ွ္ဏု္မု္ထံင္၊ ယွာၟလ၀္ဆုိ၀္၀ယ္ ဆု္ခႜါင္အွ္ေ၀့လွ္။
ဆု္ကးဆု္ဟွယ္ဏွ္ ပါကာလု္ေဃွ၀္၊ ဆု္ကးဆု္ဟွယ္ေအထံင္ဏွ္ ေ႓့မု္ဖံင္ခြိက္သို၀္ ႓းေကႜစုိဒ္တု္ယွာၟလွ္။ ထႜဳိင့္ခြိက္ ဆု္ကးဆု္ဟွယ္ေအဟွံင္ဏွ္ မု္ထံင္ထာင္ေ၀့ လု္ဆု္ယွဴး႓ွ္ဏွ္လွ္။ ဆု္လု္မိင္ေဟွ၀္ လု္မိင္ေဟွ၀္ လု္တုင္ၟယွင္း၀ီၟသာ႓း မု္ထင္ဆု္ယွဴး႓ွ္မြာဲ ေအးလွ္။ တုင္ၟယွင္းတုင္ၟဆာ့သာယုဂ္ ေအဍးခံင္ဍာ္ ဆု္ကးဆု္ဟွယ္ဏွ္ ေ႓့မု္ဖံင္သုိ၀္ ေကႜစုိဒ္တုိဒ္ခြိက္သာ့လွ္။ တုိဒ္ထင္းခြိက္ ဆု္ကးဆု္ဟွယ္ေအဟွံင္ မု္ထံင္တယ္ လု္အု္ထ၀့္ထုက္ဏွ္လွ္။
ဆု္လု္မိင္ေဟွ၀္ လု္မိင္ေဟွ၀္ ကး႓ုုိ၀္ကးကး ဟု္မႝီၟေအကုံးဏွ္ ထုင္ၟေ၀့ကဲေအး၊ ႓းယ၀့္ထင္းထာင္လွ္၊ (ဟွိင္း႓းအွ္ေဍအု္ထုင္း ဟု္မႝီၟ႓းအွ္ေဍဆု္ကုံး) ယွာၟမာလုက္၀ယ္လွ္၊ (ဟွိင္း႓းအွ္ေဍဃွင့္ မႝီၟ႓းအွ္ေဍဉာဏ္ၟ)သီးလ၀္ေ၀့ေဆ၀္ၟလွ္၊ ဉာဏ္ၟပညာေ႓့မု္အးသုိ၀္ ေကႜစုိဒ္မာေလာဟ္၀ယ္ လိက္ေအအး၊ ဆု္ကုံးေ႓့မု္ဖႜံင္သုိ၀္ ေယာ၀္ၟလိက္ဏွ္ေအစြး၊ ဍးခံင္လာၟဏင့္ ဆု္ကးဆု္ဟွယ္သီး ခိင့္ဖါေဍပညာ တုိဒ္ခြိက္ေဍဆု္ေသွ္ယာ့ ေအေကႜစုိဒ္ တုိဒ္ခြိက္ တု္ယွာယွာၟဏွ္ လု္အု္ထ၀့္ထုက္ လင္ၟဍာဏွ္ မု္ထံင္ေ၀့ဏင္ၟ႓ႜင္လွ္။ စင္ၟ႓ုိ၀္ လု္လင္ၟခါင့္ခ၀့္ ဆူလု္ေဃွ၀္တုိဒ္ထင္းလာၟ လု္ယာ့ခ၀့္ကုိ၀္ဟွာေဍဟွဟ္။ ။ ။

စ၀္အဲဆုိဒ္(႓ုံးကု္တိက္)