ေခ၀့္အာင္းသီ့၀၀္႓ိင္းသု္ရုံ႕(အု္ဏါင္းဏီ့)

ေလ၀္ထင္းေ၀့ဖုိင္သာဏွ္ဟွး---
အု္ဏါင္း(၁) ဍဳံသု္ထုံ႕(သုဓမ္) ႓င္ဏင္ေခႜာဟ္၊ ကၞံင့္ေယွာဟ္ေခႜာဟ္၊
ခါႜင္ၟေခႜာဟ္၊ ပၚက်ံင္ၟေခႜာဟ္၊ ပါင္ကႜဳံေခႜာဟ္၊ မင့္ေဖါဟ္ခီ့၊ မယ္တ၀္ဖုိင္သာလ္ု႓ံင္ (လု္စံင္း)။
(၂) ဍဳံသု္ထုံ႕၊ ႓င္ဏင္ေခႜာဟ္၊ ကု္ဆင္ၿခဳိင့္၊ စမၸါနဂုိ၊ ၀ါန္ၟရ၀္ေခႜာဟ္၊ ကႜာ္၊ အု္က်ဳင္.၊အုဂ္က်ံင္ၟလု္႓ံင္။
(၃) ဍဳံသု္ထုံ႔၊ ႓င္ဏင္ေခႜာဟ္၊ မုတၱမ၊ က်ာ္မု္ရၜ၊ ခႜဳိင့္၊ ဖါ့ၿပ၊ ယြာၟအု္ဏါင္ၟ၊ ကႜံင္သုိင့္ဖႜဳံး လု္႓ံင္။
(၄) ဍဳံသ္ုထုံ႔၊ ႓င္ဏင္ေခႜာဟ္၊ ကၞံင့္ေယွာဟ္ေခႜာဟ္၊ ခါႜင္ၟေခႜာဟ္၊ ေကာ၀္ၾတာ္၊ ေမ၀္ပၱီ၊ မယ္ဆုက္၊တာ့၊ ဖ႓ါင္ခီ့ လု္႓ံင္ဏွ္ေဆ၀္ၟလွ္။
ဖုိင္သာလီၟ႓ံင္ ဖႜဳံဆုိဒ္ေဖါဟ္႓းစာင္း႓းဟွာခါ့ အု္သီးေ၀့ ႓းစာင္းေဆာတ္ပ် ေဍလိက္ထူ႕လီလု္ဖးဏွ္သီး ဖုိင္သာဖုိင္ မိင္လသံင္းကႜာ၊ ေခါဟ္လံင္ထုိင့္ေလာဟ္ကႜာ လိက္ထူ႔လီ ဟွာဟွံင္ဟွာစခြိက္အးမာ.ေဆ၀္ၟလွ္။ ဖႜဳံဆုိဒ္ေဖါဟ္ဟွထင္းထာင္ လု္ယုိ၀္ဒယာၟ (သာင့္ခါန္ၟ-ယိုးဒယား) ခါန္ၟလု္စံင္းဏွ္ ေလ၀္ထင္းအွ္ေ၀့ဍး ထံင္ၟအု္လင္ၟလု္စံင္းယုိ၀္ေဆ၀္ၟလွ္။

အု္ဏါင္း(၁) မယ္ဆာင္ၿခဳိင့္၊ (၂) ဖု္လဲၿခဳိင့္၊ (၃)ေလန္းေပန္း(လန္းပန္း)ၿခဳိင့္္၊ (၄) ေလန္းဖံင္ၟၿခဳိင့္၊ (၅) မယ္ဟင္ဆင္ၿခဳိင့္၊ (၆) ဆုင္ၟမဲၿခဳိင့္၊ (၇) ယု္ဟာင္ၟၿခဳိင့္၊ (၈) ကင္ဖယ္ေဖံၿခဳိင့္၊ (၉) ဆူကုိ၀္(စုိ၀္) ထာင္ၟၿခဳိင့္၊ (၁၀) အုထာင္ဌာနီၿခဳိင့္၊ (၁၁) ေဆာတ္ဖင္းဘူလီၿခဳိင့္၊ (၁၂) ကင္ဆု္နာ(ကဥၨန)ၿခဳိင့္၊ (၁၃) ရာဇဘူရီၿခိဳင့္၊ (၁၄) ေဖ့ဘူရီၿခဳိင့္၊ (၁၅) ၿပကၽြဂီရိခင္ၿခဳိင့္၊ (၁၆) ေလန္းဖံင္ၿခဳိင့္(လမ္းဖြန္း)။
ဍဳံၿခဳိင့္ထာ္(၁၆) ၿခဳိင့္ ေဍဍဳံကႝင့္ (၆၈) ဏွ္ထံင္အု္ခါ့ယုိ၀္သီး ဖႜဳံ(ယွင္) ေဖါဟ္အွ္ေ၀့ဍာ္ထီ့ထီ့ဆာဆာဍာ္လွ္။ ဆု္လင္ၟကႜယ္ဍဳံၿခိဳင္သယ္လု္ဖးယုိ၀္ ေလ၀္စာင္းကုဦထံင္႓းဃွိင္ဃွိင္ေဆ၀္ၟလွ္။ ¬¬¬¬ဖႜဳံေဖါဟ္အွ္လု္ႃဆုင္ၟမဲ႗လု္ဖးဏွ္ဟွး ခႜါင္ဖႜဳံေ႓့သုိ၀္ ခါန္ပ္ုယာန္ယုိ၀္သုိ၀္လုိင္ေအးလွ္။ အု္လူၟအု္ထာ့သီး ႓းဍံင္လုိင္ေအးလွ္။ အု္သီးေ၀့ ဖႜဳံလိ္က္လာဲသီး မာေ၀့႓းလုိင္ေအးလွ္။ ပ၀္ၟေ၀့ေသွ္လုိင္ေအးလွ္။ လာၟဏင့္ အု္သီးေ၀့ ဆု္ဃွီ႔ဆု္လာကံင္သုိ၀္၊ အွ္ထင္းအွ္လင္ဏွ္ ႓းဍံင္ေ၀့ ဖႜဳံစုိင္စုိင္ဍာ္လွ္။ ဍံဳဆုင္ၟမဲ၊ မ်ထင္း၊ ထႝံင္ၟဍြဲလါင့္ဖါေဍာဟ္အု္ခင္းထာ္၀ွ၀ွဏွ္ ဖႜဳံေဖါဟ္တု္၀ါန္႕ အွ္ေ၀့ဆုက္ဆုက္ဍာ္လွ္။ အု္သီးအု္သုင္းအု္သာသီး လင္ေ၀့ဖႜဳ႔ံဍာ္လွ္။ ဏု္ေအအင္းစာ“ဏု္သီးယုိဝ္မြာဲဖႜဳံဏွ္လဲ” စာ္႓ုိ၀္ဍဴ “ဟု္ေဝ့ယုိဝ္ မြာဲဖႜဳံဟွာဖႜဳိ၀္လွ္“ဏွ္ ကုိ္ဝ္လဝ္လင္ေဝ့ဍးေ႓့ဏ္ွသုိ၀္လွ္။
ဟွဳိင့္႓းဖႜဳံေဖါဟ္လု္စုဂ္ ႓းကုိ၀္လင္သာေ႓့ဏွ္သုိ၀္ဏွ္ သာမုက္႓းဏင္.စယ္ေအးလွ္။ ကု္ယာဲဏွ္သီးကာဍာ္ေအး။ အု္သီးေ၀့႓းအွ္အင္းဏွ္သီး ေ႓့သုိ၀္ ဆုိဒ္ဃွာၟဃွံင္ဟွဴ႕ဟွာသုိ၀္သီးမြာဲေအးလွ္။ မ၀့္မွ္ ဟု္မႝီၟလု္ဆင့္ ဆုိဒ္လု္ဆုိဒ္ဏွ္သုိ၀္လွ္။ဆုင္ၟမဲလု္ထံင္ဍာ္ လိဍဳံဏါင္ ဖ႓ါခုိ၀္း(ဖ႓ါင္ခီ့)ဏ္ွသီး ေလ၀္ထံင္႓း ဍး႓းေဆ၀္ၟလွ္။ ဖႜဳံေဖါဟ္ယွင္ေဖါဟ္ အု္တု္၀ါန္႕အုု္ေခါဟ္က်ံင္ ဍး႓းဏွ္သုင္းမုက္သာလုိင္စြးမာၟလွ္။ မာအင္းဆိက္၊ မာအင္းဃွဳဂ္၊ သုင္းဖႜာဆု္၊ ဏါင့္ေဃွံ၊ဏါင္းကြာ၊ တာင္ဖယ့္ဓံင့္၊ တာင္ဖယ့္ေစ၀္ ေသွ္ အးအးေလံအု္ေခါဟ္က်ံင္အု္သီးေ၀့ စူးလင္ၟဏွ္ ဆု္႓းသာ ဆု္သာကဲု႓းအးစြးမာၟလွ္။ ထုိင္ၟသာင့္ခါန္ၟသာ့ အင္းဆာ့႓းေ၀့ေဆ၀္ၟလွ္။ ဖၚ႓ိင္းကံင္သုိ၀္လု္ဖးဏွ္သီး ထာေဏ၀္ၟ ထုဂ္ထင္းေ၀့ဍးေဆ၀္ၟလွ္။
ေလ၀္ထံင္ထာင္လု္ “ကင္ဆု္နာ(ကဥၨန)ဘူရီၿခဳိင့္”ဏွ္ ဖႜဳံေဖါဟ္သယ္ အွ္ေ၀့ဍးအးအးေလံလွ္။ ဖႜဳံကုိ၀္ေ၀့ ႒ာန္႔၀(႒ာန္႔ဖါၟ)ဏွ္ မြာဲေ၀့ဍး ကင္ဆု္နာဘူရီၿခိဳင့္ယုိ၀္လွ္။ ဖႜဳံေဖါဟ္္အွ္ထံင္ယုိ၀္လု္ဖးယွာၟလု္ဖႜဳံ ခႜဳိ၀္ထ၀္ၟအင္းတာင္ထ၀ယ္ ဖႜဳံလိက္ထူ႔လီ (လု္အု္၀ီၟ) (ဓ၀္ၟထူ႔လု္အု္၀ီၟ) ဏွ္ပ၀္.ေ၀့၊ မာေလာဟ္ေ၀့ ေသွ္ဍးဆု္ ကုိ၀္ဟွာေဍေဆ၀္ၟလွ္။ လိက္လာဲသီးခ၀့္ဍဳဂ္ပါင္၊ ဆု္ဃွီ႔လာသီးခ၀့္ ယုိင္ဃွဦဳအွ္အု္ေခါဟ္က်ံင္ ေ႓့သုိ၀္ဖႜဳံသုိ၀္ အွ္ကုံအွ္ရုံ႕ေ၀့ဍးေဆ၀္ၟလွ္။ ကဲ႓း႓ုံးဃႊာအု္မတ္သယ္သီး အွ္ေဆ၀္ၟလွ္။ ဟု္္ေအအင္းဏင္ခိင့္ဖါထာင္ ဃွယ္ဃွယ္ဏင္ၟထီးစာ္႓ုိ၀္ဍဴ ဖႜဳံေဖါဟ္ယုိ၀္ ႓းလင္ဖါ၊ ႓းလင္ယွး၊ ႓းယါင္ယွး ေ႓့ယုိ၀္ဏွ္ ထၞာ့ႏူၟ(ထု္မ်ာ့ႏူၟ) မြာဲပညာလု္အွ္႓းဏွ္လွ္။ ပညာအွ္ယွာအု္ေခါဟ္က်ံင္ဟွီဟွဴၟ႓းလင္ဖါ လင္ယွး ေ႓့ယုိ၀္သုိ၀္ဏွ္လွ္။ ပု္ဟွဳင္ၟစုိ၀္ေလာဟ္သာ လ္ုအွ္႓းဏွ္သီး ပါေ၀့ေဆ၀္ၟလွ္။
ခံင္ၟ႓ုိ၀္ဏါင္းယုိ၀္ဏွ္ဍ၀္ယာၟ (၁) အွ္ထ၀္ၟဖႜဳံလု္မိင္
(၂) ႓းဟွာဖႜဳံလု္မိင္ (၃) ႓းဒဒုက္ဖႜဳံလု္မိင္- ဖႜဳံအွ္ထင္းသုိင့္မိင္္ယုဂ္ဏွ္ ဖႜဳံေဖါဟ္လု္ဖး မု္႓းသၱာ္လင္သာထီ့ထီ့ဆာဆာယုဂ္ဖ၀္ၟ။
(၁) အင္းအွ္လု္ယုိင္႓း ေလ၀္လု္႓းထာင္လု္႓း အွ္ထ၀္ၟလင္ေထံထါင္ လု္တု္၀ါန္႔ဖႜဳံလု္မိင္။
(၂) သႝာဟွယ့္ထံင္ ႓းကႜီး႓းဟွာ အွ္လု္ေသွ္ အင္းလု္ေသွ္လုိင္႓း ဟွိင္းဃွင့့္ဟွာဟွံင္႓းစာင္းဖႜဳိ၀္ ႓းဟွာဖႜဳံလု္မိင္။
(၃) အွ္လာၟဏင့္ေဍဟွိင္းဃွင့္သီး ဆု္ပု္ဍင္၊ ဆု္မာႏုံ႔မာဏာ၊ ဆု္အင္းမုိင့္ဃွံင္ၟ၊ ႓းထုင္ၟ႓းဆာ့လင္႓းဆု္ဒဒုက္အး ဖႜဳံလု္မိင္သီးလု္ကါ ဖႜဳံေဖါဟ္႓းထုင္ၟ႓းယွင္း ေမင္ၟစိင္ၟဏွ္ ဟု္ဏးသာ့႓းလုိင္ေအးလွ္။
စင္႓ုိ၀္--- “ ေဟး-ဂၞီ႔သင့္ေဖါဟ္ပု္ဖႜဳံ၊
ယု္မု္လ၀္ထာင္ဏဲပု္ယုံ႔၊ ၿပီၿပာဏွ္ ပု္လု္အွ္ပုံ၊
ေခ၀့္အာင္းသီ့၀၀္႓ိင္းသု္ရုံ႕”(သႜာပတ္သုတလကၤာ၊ လိက္အုဂ္-လိက္ေမံ႓ႜာ္ ၇၁၊ အု္၀ၚအု္ယံင္ၟ ၂၃၊)ဖႜဳံအၥာလု္ဝၚ ဖူ႔က်ာ္ပရမ(ဖူ႔က်ာ္နာဲဍီးအြာ) အင္းသံင္းထဝ္ထဆု္ခႜါင္ေဍဍံင္လင္ထ အင္းသံင္းဆ၀့္ပ၀္ ဆု္ခႜါင္ယုိ၀္လ၀့္ ပု္ုုယုံ႔ ဆ၀့္ပ၀္႓းဏ္ုေဆ၀္ၟလွ္ဆာ္။
မာန္နာဲပညာ (ဖႜဳံပညာ့တု္၀ါန္႔)၁၈-၈-၂၀၀၈