ဖႜဳံဆုိဒ္ေဖါဟ္ ေဍဆု္ဏယ္အင္းဏယ္အ၀္လု္ဖး

ဖႜဳံဆုိဒ္ေဖါဟ္ ေမာ၀္ၟထာ္ ဖါၟထာ္လု္ဖး လု္အု္၀ီၟဍးအုိ၀္ ဆု္ဏယ္အင္းအွ္ေ၀့ အိင္ ေဒ၀တၜ သိင္းဆာၟ ေခါဟ္လံင္ ဆာၟသယ္ဏွ္လွ္။ လင္သိင္းခင္းထာ္၊ ပု္က်ာဍဳဂ ္အင္းလု္ ဏိင္းဏီ့႓ႜင္၊ ဆု္ယ၀္ထင္းသင့္ လု္႓ႜင္၊ဆု္ဆုိင္လင္သင့္ လု္႓ႜင္ဏွ္လွ္။ ပု္က်ာဍဳဂ္အင္းအု္ဆး ဏွ္ဍ၀္ ေဍသာ္ေဍေမ၀္ေဍဆု္္ဖၚဆု္ယးသယ္ဏွ္လွ္။

လု္ခါင့္ လု္ခါင့္ယုိ၀္ လင္သိင္းခင္းထာ္ဏွ္ ကါင္ဖါထင္းသာ၀းဖႜင့္လု္မိင္ ေဍပ၀္ၟလု္မိင္ ဏွ္လွ္။ ၀းဖႜင့္လ္ုမိင္ဏွ္ ဍဳဂ္အင္းပု္က်ာသိင္းဆာၟ ေဍေမ၀္၊ ေမ၀္ေသ၀္၊ေမ၀္အာင္၊ ေကာဟ္ ႏြာဲသးသာသယ္ဏွ္ ကုိ၀္ေ၀့၀းဖႜင့္ဏွ္လွ္။ လင္သိင္းခင္းထာ္လု္မိင္ဏွ္ဍ၀္ ႓းလင္ေဍသာ္ေဍ ဆင့္သယ္ဏွ္ ကုိယ္ေ၀့လင္ပ၀္ၟဏွ္လွ္။ ႓းအု္ခါ့တု္၀ါ္န္႔ေဖါဟ္ သယ္ဟွယ့္ေဆာတ္္ဆို္င္ ဆင့္ ေမာ၀္ၟဖါ့ သာ္လု္ကံင္ ကုိ၀္ၟဟွိင္ေဍဏွ္လွ္။ ဆင့္ဏွ္ေထ၀္ခြိက္အ္ုဆံင္းဆိင္းၿပင္ အင္းဃွဳဲၟမိင့္ ၀ယ္ေဍထီ့ခႜင့္ ထီ့လးလု္ပါ့ အု္ရၜ႓ႜါဏွ္လွ္။ ပ၀္ၟေခါဟ္ဆာၟ အင္းမာေဏ၀္ၟအု္သုင္းအု္သာ အ္ုေနာတ္၊ အု္ဍာ္ခီ့၊ခယ္လင္ေဍသာ္၊ ေဆာတ္ဖးဍဳဂ္အင္းသိင္းခင္းထာ္ ေအဟွံင္ ဏွ္တာၟ တု္၀ါ္န္႔ ေေဖါဟ္လု္္ဖး ႏုက္လင္အင္း ဆင့္ယး အ၀္ပ်ေဍသာ္ၿပာၿပာဏွ္လွ္။

ေအဟွယ္ဟွာဟွာ ကုိ၀္႓ေအးယာ႓းေအး ႏုက္လင္အင္းပ်ကဲေ၀့ ကုိ၀္ဟွာေဍ ဏွ္လ္ွ္။ပု္က်ာသိင္းခင္းထာ္ ေဍဆင့္ ယးဏွ္ဍ၀္ ေအထင္း႓ါဏင္ၟသုိင့္ဏိင္း ပု္က်ာေဍဆင့္ ယးေဏ၀္ၟလုိင္ေအး ႓းပု္က်ာဍဳဂ္အင္းထာင္ေဍထုိ၀္ ယးဏွ္ လွ္။ တု္၀ါန္႔ေဖါဟ္သယ္ ထုဂ္ ထင္းဆုိင္ေစ၀္၊အု္ယွာထုက္ လု္ဟွိင္းလု္သိက္၊ ႓းဃွဳဦေဏ၀္ၟထုိ၀္ ႓းဖု္ယာၟသိင္း ခင္း ထာ္ ဏွ္လွ္။ ထုိ၀္ယးဏွ္သီး ႓းအင္းဃွဳဲၟမိင့္ထု္ိင့္ဍဴသာ့ အု္႓ႜာေဆ၀္ၟလွ္။ ဖႜဳံဆုိဒ္ေဖါဟ္သုဂ္လင္သာ လု္ထ၀္႓းလု္ ထ၀္ ထံင္လင္ထာင္ခါန္ၟပု္ယင္ဖုိင္လု္႓ႜင္၊ ဆု္ဏယ္ အင္းဏယ္အ၀္ကါင္ဖါထင္းသာ အွ္အးမိင္ေဆ၀္ၟလွ္။ လင္ပ၀္ၟ၊ လင္သိင္းခင္းထာ္သီး ကါဍာ္ ေအး၊ ဆု္ပၞင့္တြါန္႔ ကု္ဆာၟေဖါဟ္ ကု္ဆာၟဖါေဍာဟ္သီး ဏယ္အင္းပူဇၜဍဳဂ္အင္းပု္က်ာ ေဍဆး အင္းဆအ၀္သီး အွ္လု္ဏင္လွ္။ လု္ဏင္ဏွ္ ဖူု႔ဖါေဍာဟ္ဟု္စာ္အိင္ရုကၡဇုိ၀္းဏွ္သီး ဏယ္အင္း ပူဇၜ ပါေဍာဟ္ယုဂ္ယာန္းေ၀့လွ္။

ဖႜဳံဆုိဒ္ေဖါဟ္လု္္ဖး ဆု္၀ီးဆု္လာအွ္ ဏယ္အင္းဏယ္အ၀္ေ၀့လွ္။ သီ့ဟွံင္႓း ထာင္အွ္ ဏင္ၟက်းဍ၀္သီး ဏယ္အင္း ေ၀့လွ္။ ဆု္ဖုူ႔ဆႝး တု္ရယ့္တု္ခါ ဏါထီ့ဏါေက်ာဟ္ တယ္ဖႜာဲ၊ ဆု္မိုင္ဃွာၟအွ္သီး ဏယ္အင္းေ၀့လွ္။ ယွဳဂ္ေဏ၀္ၟဖ်င္ၟ ေဏ၀္ၟ ၀ီးလာဟွာ႓းေယွာတ္ ထာင္ ၀ီးလာ ႓းခါင္ၟထာင္စူးသီး ဏယ္အင္းေ၀့လွ္။ ဟွိင္းဆာၟေဖါဟ္သယ္ အင္းေမ၀္ အ၀္ထီ့ခါ့ ဟွိင္းဆာၟေအကု္ေဆွ္ဏင္ၟဟွာစာ္႓ုိ၀္ ႓းေလ၀္ဆု္အွ္သီး ေလ၀္လုိင္ေအး ႓းမာဆု္ဖၚဆု္မာ အွ္သ္ီး လု္ဏီဏွ္ေလ၀္လုိင္ေအး မာလုိင္ေအးလွ္။ ေလ၀္္ဆု္ဖုိင္သာ ေခ၀္႓င္ေအဖူ႔ေထံစာ္႓ုိ၀္ ေလ၀္လုိင္ေအး ဟွယ့္ထာင္ကု္ဍာေဆ၀္ၟလွ္။
ဖႜဳံဆုိဒ္ေဖါဟ္သီးယုိ္၀္ ဆု္ဍဴးဆု္ဃွဳဲးအွ္ေ၀့အးမိင္ေဆ၀္ၟလွ္။ ဆု္ဟွယ့္သုဂ္ထင္းဟွိင္း ဖုိင္စာ္႓ုိ၀္ ႓းေဖွ္လင့္ ၀ူ႕ဆး၊ အာင္သာ၊ ယာ့႓င္ ႓းဃွဳဲးထာင္ဟွိင္းဏွ္လွ္။ ဆု္မူးဆု္ခြါ႕ထင္း ယွာၟဟွံင္ လု္တာင္ေဟွ၀္႓းဆု္ဍာ္႓းစာ္႓ုိ၀္ ႓းဟွယ့္ ဃွဳဲဲးဟွ္ိင္း ႓းေဖွ္လင့္ဆ္ုဍဴးေဆ၀္ၟလွ္။ ဃွင့္အွ္ယုဂ္ စာင္းလင္ဃွင့္လံင္ေအး ဖူ႕လင္ဟွိင္းဖုိင္ ေဖံ႓းဟွိင္းထုင္း၊ လာင္းေယွာ၀့္း႓း ဟွိင္းထုင္း သယ္သီး႓းေဖွ္လင့္ဆု္ဍဴး ႓းဃွဳဲးထာင္ဟွိင္း ဏွ္ေဆ၀္ၟလွ္။ ဟွိင္း႓းဏင္ဏင္ ဆု္ဍဴးဆု္ဃွဳဲးအွ္ေအးလွ္။
ဖႜဳံဆုိဒ္ေဖါဟ္ဟွယ့္လင္ထံင္လင္ခါန္ၟပု္ယင္ အွ္မုတၱမ မာ့ဆၞာ္ေအာ၀္ ကရဏၰကခါန္ၟ သုဘိႏၷနဂရဍဳံ သုဓမ္ဖုိင္ခါ့ က်ာ္ေဂါတမ ဟွယ့္ကု္ညာေဒသစာရီ တြ၀့္လင္ဓ၀္ၟဟွဳိ္င့္႓းေ၀့ဏွ္ ဏယ္အင္းက်ာ္ကဲထင္း၀ယ္ ေ၀့ဗုဒၶဘာသာဏွ္ လွ္။ ဃႊာဍဳံယင္လု္စြဲ တုင္ၟဒကာေဍႛဣသိသီ ဟကုမာရသယ္ မဟာဏိ္င္းသာထာ္ ၁၁၁-ဏိင္းဏွ္ တာင္ထင္းကႜံင္ ပႜဳဂ္လင္က်ာ္ေခါဟ္သူ႔ အွ္လာင့္ခါြဲကၶင္(ၿဂိင္)ဍင္ဍီးဏွ္တာၟ ကုိ၀္ေ၀့ကႜံင္ၿဂိင္ၟကၶင္ဏွ္လွ္။ လု္ခါင့္လု္ခါင့္ယုိ၀္ ကႜံင္ၿဂိင္ၟ ကၶင္ဏွ္ ဆု္ကုိ၀္ထာင္ေဍကႜံင္ခြဲါကၶင္ဏွ္လွ္။
ဖႜဳံဆုိဒ္ေဖါဟ္သီးဏယ္အင္းဏယ္အ၀္ က်ာ္လူၟက်ာ္ထာ့ကဲ၀ယ္ဗုဒၶဘာသာဏွ္ အု္ ထာ္႓ံင္အွ္၀ယ္ယိက္ယုဂ္္လွ္။ တႜာပညာဆာၟေက၀္ ေအဍီ ႏုဦ႔ယာဍံင္(ခုႏွစ္ရာစု) ဏိင္းဏွ္ ဖႜဳံဆုိဒ္ေဖါဟ္သယ္ဏယ္အင္းက်ာ္ ဓ၀္ၟ သင့္ ကဲထင္း ဗုဒၶဘာသာသီး လ၀္ေ၀့ေဆ၀္ၟလွ္။ ဖႜဳံဆုိဒ္ေဖါဟ္ကဲထင္း၀ယ္ ဗုဒၶဘာသာဏွ္ ေဍေယာ၀္ဆုိ္ဒ္ေဖါဟ္သယ္ ဖုိင့္ဃွင္ သီး ဟု္လ၀္ ကဲေ၀့လွ္။ လာၟဏင့္႓ုိ၀္ ဖႜဳံဆုိဒ္ေဖါဟ္အွ္မိင္လေခါဟ္လံင္ကႜာလု္ဖးဏွ္ ဏယ္အင္က်ာ္ သယ္အ္ွ္ဍာ္ ေအး ဏယ္အင္းေ၀့ဆု္လင္ပ၀္ၟ ဆု္အင္းဃွယ္သယ္ဏ္ွ္လွ္။
လု္ခါင့္လု္ခါင့္ယုိ၀္ ေကာဇာဏိင္းသာထာ္ ၉၁၆-ဏိင္းဏွ္ အွ္ဍဳံဌာန္႔၀ တု္ပုဦဓူ၀ံဏွ္ ဟွယ္လင္႓ါကႜံင္ ထံင္လင္ကႜံင္ ္ခြဲါကၶင္ဟွံင္ စာင္းလင္ဍဳိ၀္ေမ၀္ တ၀္႓ုံတု္၀ါန္႔ဖုိင္ဏွ္ တြါန္႔ ေဖါဟ္လု္ဖး ႓အု္ထ၀္မု္လင္သိင္းခင္းထာ္ေလ၀္ ေဆာတ္ ကုံသာလု္ကံင္ ဆင့္ေမာ၀္ၟဖါ့ ကုိ၀္ ဟွိင္ေဍဏွ္လွ္။ တု္ပုဦဓူ၀ံဍးဆု္ဏွ္ အင္းစာေယာ၀္ၟေ၀့ ခီ့ထာ္ခင္း႓ံင္ ေသွ္ယာ့႓း အု္ဟွာင္ၟ အု္က်ံင္း အု္ဖႜံင္လုက္္ဆိင့္လု္႓ႜင္ လ၀္ေဖွ္တြါန္႔ေဖါဟ္ဆာၟလု္ဖးဏွ္ ဏု္သီးလင္ပ၀္ၟေဍသာ္ ေဍဆင့္ယုိ၀္ ႓းသီ့ေဍဆု္သုင္းဆု္သာ ဆု္ဍယ္႓ါအးေ၀့လွ္။ ဆု္ဍယ္႓ါေ႓့လု္အွ္႓းသုိ၀္ မု္အင္း တာင္ေဖွ္ဏု္သီး တာင္ထင္းေဍကႜံင္ ပူဇၜကု္လုိ၀္မာ႓ုံးသာ့ ေဍ၀ူ႔ဆးအာင္သာ ဖႜ၀္သးထီ့သယ္ ဏ္ွ လ၀္ေဖွ္ေ၀့ဟွံင္ သိင္းပ၀္ၟဖါေဍာဟ္ဆုဂ္ကႜဳံခင္းထာ္ တု္ပုဦေလ၀္ေဆာဟ္ဖး ပဌာန္းလု္႓ႜင္ ပ၀္ၟကု္ဆာၟဆႝးဖါေဍာဟ္ ဖူ႔လင္စာင္းဟွာေ၀့လွ္။
ေလ၀္လင္အွ္ေ၀့လု္ေကာ၀္မိင္လလု္ေကာ၀္ဏွ္ ဆု္ကုိ၀္ထာင္ေ၀့ ေဍေကာ၀္ဏး ခံင္ၟ႓ုို၀္ဏါင္းယုိ၀္ဍာ္လွ္။ ဆု္ေလ၀္စုဂ္ခြိ္က္ကုံ ဆင့္သုဂ္ေကာ၀္ေဖါဟ္ဏဏွ္ ဆ္ုကုိ၀္ေဏ၀္ၟ ေဍေကာ၀္ဆင့္သုဂ္ အွ္လင္ေထံေဏ၀္ၟမိ္င္ေ၀့ ခံင္ၟ႓ုိ၀္ဏါင္းယုိ၀္လွ္။ ခုက္လင္ခြိက္ သိင္း ဆုဂ္ကႜဳံဟွံင္ တာင္ထင္းကႜံင္ ႓းခ့ါဆု္လင္ပ၀္ၟဏွ္ ဆ္ုေလ၀္ပူဇၜမာ႓ုံးသာ့ ကႜံင္ေဍ၀ူ႔ဆးအာင္ သာဏွ္လွ္။ ဆု္မူးဆု္ခြါ႕ထင္းယွာၟလု္႓ႜင္ ႓းေလ၀္ကု္လုိ၀္ကႜံင္ ေဍ၀ူ႕ဆးအာင္သာဖႜ၀္သးထီ့ ႓း႓ါယွံင္လင္ထုိင့္မာ့၀ါ ဏီ့ဟွာဏွ္လွ္။ ကႜံင္ဏွ္ ကုိ၀္ေ၀့ကႜံင္ဓူ၀ံ့ဏွ္လွ္။ လု္ခါင့္ယုိိ၀္ ဆု္ကုိ၀္ ထာင္သာ့ ကႜံင္ဓူေ၀့ ဏွ္လွ္။
ဆု္ထုဂ္႓ႜဳဂ္ခြိက္ ဆု္လင္သိင္းခင္းထာာ္ ဆု္လင္ပ၀္ၟ ဆု္တာင္ထင္းကႜံင္ ေလ၀္ပူဇၜ ႓းယွံင္ ကႜံင္ဓူေ၀့ ထူရုူ႕ဏွ္ အွ္္ ထ၀္ၟေဏ၀္ၟေ၀့လု္႓ႜင္ လု္ခါင့္ယုိ၀္ လာဲထင္းအးထင္း တာင္ ထင္းကႜံင္ဓူေ၀့အးထင္း ထင္း႓ါမိင္ေ၀့ လ္ုလံင္ၟကါင္ သၞိင့္ဍဳိ၀္တြါန္႔ သယ္အုိ၀္လွ္။ ဓူေ၀့ထုူရူူ႕ ဏွ္ မြာဲေ၀့ထုဂ္႓ႜဳဂ္ခြိက္ဆု္လင္ပ၀္ၟဆု္လင္သိင္းခင္းထာ္ဏွ္လွ္။

လု္ခါင့္ယုိ၀္ ဖႜဳံဆုိဒ္ေဖါဟ္ဖါၟထာ္ အွ္ဌာန္႔၀ဖုိင္ ဣသိခံင္.ေယာတ္ဏွ္ဍ၀္ ပၱံင္အင္း တာင္ထင္းထာင္းေ၀့ တႜာ ဂုဏ္ ဆု္ဏယ့္အင္းမာေဏ၀္ၟ လု္မိင္ဍ၀္လွ္။ ေအဏယ္အင္း တႜာ ဂုဏ္စာ္႓ုိ၀္ ဖႜဳံဆုိဒ္ေဖါဟ္ထူရူ႕ပူဇၜ႓ါ ေမာ၀္ဖါၟ၀ီးလာ ဟု္စာ္ ဆု္အင္းဃွယ္ဏွ္ ႓းမာလုိင္ ေအးလွွ္။ ေအႏုက္လင္တႜာဂုဏ္စာ္႓ုိ၀္ ေလ၀္တႜာဂုဏ္ ဣသိဘာၟ ထံင္တႜာ ဂုဏ္ ဣသိအွ္ ဏွ္ ယု္ယုိ္၀္အင္းဃွယ္ထူရူ႕ဏွ္စုဂ္ခြိက္ယုဂ္ ယ္ုဏယ္အင္းတႜာဂုဏ္ယုဂ္ လ၀္ဟွဳိင့္ဟွံင္ စုဂ္လင္ ခြိက္လုင္ၟကႜယ္ဃွဳဦဟွိင္းေဖါဟ္ဆာၟအွ္ဏွ္ဟွံင္ ကဲထင္းေ၀့တႜာဂုဏ္ဏွ္လွ္။ တႜာဂုဏ္ ဏွ္ မြာဲေ၀့ထုဂ္႓ႜဳဂ္ခြိက္ ဆု္အင္းဃွယ္ထူရူ႕ဏွ္လွ္။
လာဲကယ္ဏွ္ဍ၀္ ၁၂၂၂ -ဏိင္း၊ ခု္ေရံ ဏိင္းသာထာ္ -၁၈၆၁-ဏိင္းဏွ္ ဟွယ့္ကဲ ထင္းေ၀့လွ္။ လာဲကယ္ဏွ္ မူၟသာ္သ၀့္လု္ဏီဏွ္အွ္ပြၚ ေလ၀္ထင္း႓ါကႜံင္ ၀င္၀ုတ္ဏွ္လွ္၊။ ပါလၜစုိ၀္ ႓ါေ၀့က်ာ္အရိယာဏွ္လွ္။ ဖႜဳံဆုိ္ဒ္ေဖါဟ္ ထူရူ႕လင္ပ၀္ၟ အင္းဃွယ္လု္ဖးဏွ္ ထုဂ္႓ႜဳဂ္ ခြိက္ေ၀့ လုက္္ဆိင့္ဏွ္လွ္။ လာဲကယ္ လိက္ဆင့္ေ၀ံဏွ္ ပၱံင္အင္းတာင္ ၀ယ္ေ၀့လွ္။ လာဲကယ္ ထူရူ႕လိက္အွ္ေ၀့ဏီ့ဆီ့ဃွဴ႕ထူ႕ဏွ္လ္ွ။
လု္ပၚစံင္ကႝင့္ လာ့သႝဳိ၀္းတြါန္႕သယ္ခ၀့္ဏွ္ ဆု္ဏယ္အင္းလံင္ပ် ဖါ့အူး႓ႜဲဘာသာ့ အွ္ေ၀့ လု္ဏင္ေဆ၀္ၟလွ္။ ဆု္ဃွာၟဃွံင္အု္ဟွင္ၟ ကႜံင္ေစတီသယ္ ဏယ္အင္းေအး ႓ါပူဇၜဍး ေ၀့အု္သီးေ၀့ ဖါ့အူး႓ႜဲဘာသာ့ဏွ္လွ္။ ဆု္ဏယ္အင္းဖါ့အူး႓ႜဲဏွ္ အွ္ေ၀့ယွာၟခုိ၀္းလွ္။

ဖႜဳံဆုိဒ္ေဖါဟ္ေမာ၀္ၟထာ္၊ ဖါၟထာ္လ္ုဏင္ဏွ္ဍ၀္ ဏယ္အင္းမာေဏ၀္ၟေ၀့ ခု္ေရံဘာၟ သာ့ဏွ္လွ္။ ခု္ေရံဏိ္င္း သာ ထာ္၁၈၂၈-ဏိ္င္း၊ လာေမ ၁၆ သင့္လ္ုဏီဏွ္ ဖႜဳံဆုိဒ္ေဖါဟ္ဖါၟထာ္ မာန္သာဖ်ဴဏွ္ ထု္၀ယ္ဍဳံဖုိင္ဏယ္ အင္းခု္ေရံ ဍဳိ၀္႓ို္င္္၀ီၟသာ လု္ယာ့ထုက္ဏွ္လွ္။ လု္ခါင့္လု္ ခါင့္ယို၀္ ဖႜဳံဆုိ္ဒ္ေဖါဟ္ေမာ၀္ၟထာ္၊ဖါၟထာ္လု္ဖး ဏယ္အင္းထာင္ ခု္ေရံဍဳိ၀္႓ုုိင္လင္သာ ႏုက္ လင္ခု္ေရံဘာၟသာ့ အးထင္းေ၀့လွ္။ ေအဏယ္အင္းခု္ေရံဘာၟသာ့ဏွ္ ဖႜဳံဆု္ိဒ္ေဖါဟ္ ထူရူ႕ အင္းဃွယ္ ခါင္းစူူး လင္ပ၀္ၟ၊ လင္သိင္းခင္းထာ္သယ္လုက္ဆိင့္လု္ဖးဏွ္ မာေ၀့ဏင္ၟမိင္ လုိင္ေအးလွ္။
ဖႜဳံဆုိဒ္ေဖါဟ္ဖါၟထာ္ ဖူ႔ပိက္ဆင့္ အင္းတာင္ပၱံင္လင္၊ စ၀္ေဂ်န္ဆင္ဍီဖုိ၀္းေမန္း တာ္ ေခါဟ္ ၿဗဟၼစုိရ္ဂုိဏ္္း ဘာၟသာ့ ၀ါဒ ဆု္ဏယ္အင္းမာေဏ၀္ၟအ္ွ္လု္ဏင္ဏွ္ေဆ၀္ၟလွ္။ ၿဗဟၼစုိရ္ဘာၟသာ့ဏွ္ ဖႜဳံ႓င္ကႜင္းေဖါဟ္ကုိ၀္ပ်းေ၀့ ေဍသတွ္ ဏွ္လွ္။ အု္ခ၀့္ပု္ယ၀့္ ႓းအွ္ေကွ္ သုင္းသာတ၀္ကုိ၀္ၟဆုိ၀္ေဍဏွ္လွ္။ တံင္အုူကႝင့္ ႓ြယ္ဆုိ္ဒ္ေဖါဟ္ဏယ္အင္းအးေ၀ လွ္။ ဘာၟသာ့အု္ေခါဟ္ကႜဳိင္အွ္ေကွ္ေ၀့ မ၀္႓ီဍဳံ စံၿပတြါန္႔ဖုိင္ဏွ္လွ္။
ဖႜံဳဆုိဒ္ေဖါဟ္ဖါၟထာ္ ယွင္ေခါဟ္လံင္ လု္ဏင္ဍ၀္ ဏယ္အင္းေ၀့ဘာၟသာ့ အွ္ လု္မိင္ ကုိ၀္ေ၀့ေဍ႓ႜင္းဏွ္လွ္။ ဟု္သုင္းဟု္သာဏွ္ ႓းအွ္ေကွ္ေ႓့ခိင့္သုိ၀္ ေဖွ္လင့္လင္၀ါင့္႓း ဏင္ၟခ၀့္ေအး။ ႓းအွ္ေကွ္သုင္းသာ ေအတ၀္လံင္ ကုိ၀္္ဆုိ၀္ေဍေဆ၀္ၟလွ္။ ႓ႜင္းဆု္ဏယ္ အင္း ဏွ္ ေဍသတွ္ ဆု္ဏယ္အင္းဏွ္ ႓းဍံင္ေလာဟ္သာကးေဆ၀္ၟလွ္။ ဖႜဳံဆုိဒ္ေဖါဟ္သီးလု္ဖး အွ္ လင္ဍာဆိင္းၿပာ လု္အီစံင္းအုိ၀္ဖါအု္ေခါဟ္က်ံင္ ဆု္ဏယ္အင္းမာေဏ၀္ၟဘာၟသာ့၀ါဒသီး ကါင္ဖါသာအွ္အးမိင္အးစိင္ေဆ၀္ၟလွ္။ စွ္ဆံင္းမံင္းအင္းဏင္ခိင့္ဖါ ေအထီ့ဆာ လု္ဏယ္ အင္းသာနုိင္လံင္ ပ်ေဏ၀္ၟ ကဲေ၀့ဍးလွ္။

စ၀္အဲဆုိဒ္(႓ုံးကု္တိက္)