ဖႜဳံဆုိဒ္ေဖါဟ္အု္ေလင္ၟ

ေကာ၀္ၾကင္ဖုိင္ဟု္မႝီဟ္အု္ဆုိဒ္ေဖါဟ္လု္္ဖး အု္သီးေ၀့ အု္ေလင္ၟ အွ္ဍးေ၀့ ဆုက္ဆုက္ကုိ၀္ ဆုိဒ္ေဍေဆ၀္ၟလွ္။ ဆု္လု္အု္ဆုိဒ္ေဖါဟ္အု္ေလင္ၟသီးဍ၀္ မြာဲေ၀့ အု္္ဆုိဒ္ေဖါဟ္ အု္ဏါင္းဖါ ေဍာဟ္လု္မိင္္အု္ေခါဟ္က်ံင္ ဆာမြာဲဍး အု္ဆုိဒ္ေဖါဟ္ အု္ေလင္ၟအွ္ ဟု္မႝီၟေကာ၀္ၾကင္ဖုိင္ အု္ဆုိဒ္ေဖါဟ္လု္ဖး အု္သီးေ၀့ အု္ဆုိဒ္ေဖါဟ္အု္ေလင္ၟဏွ္အုိ၀္ ပါေဍာဟ္ယုဂ္ယာန္းေ၀ ့စြး ေဆ၀္ၟလွ္။ ဂမႜဳိင္ၟဃွာၟဃွံင္ အု္ဆုိဒ္ေဖါဟ္လု္ဖးဏွ္သီး ေအဍး႓းအု္ဆုိဒ္ေဖါဟ္ အု္ ေလင္ၟစာ္႓ုိ၀္ အု္သီးေ၀့ဍးသီး ပါေဍာဟ္ယုဂ္ယာန္းပ်းေ၀့ ၿပာၿပာကုိ၀္ဟွာေဍေဆ၀္ၟလွ္။

ဂမႜဳိင္ၟေကာ၀္ၾကင္ဖုိင္ ေ႓့အု္သီးေ၀့ အု္ဆုိဒ္ေဖါဟ္အု္ေလင္ၟအွ္၀ယ္ ဆုက္ဆုက္သုိ၀္ ပု္ေ၀့ဍးပု္ဖႜဳံဆုိဒ္ေဖါဟ္ လ္ုဖး သီး လု္အု္္ထႜဳိင့္ခြိက္ ခု္ေလံဏိင္းသာထာ္ ၁၉၃၈-ဏိင္းခါ့ဍးအုိ၀္ ဖႜဳံဆုိဒ္ေဖါဟ္အု္ေခါဟ္ေဍာဟ္ဏါလာဲလု္ဖး အင္းတာင္ထင္း ေ၀့ ဖႜဳံဆုိဒ္ေဖါဟ္အု္ေလင္ၟ ဏွ္ ေဆ၀္ၟလွ္။ တႜာပညာ အု္ဆုိဒ္ဆု္ေသွ္္ဆု္႓းဆာၟ ေက၀္လင္အင္း တာင္ဖႜဳံဆုိဒ္ေဖါဟ္အု္ေလင္ၟ သုိင့္ဆီ့႓ႜဲဖုိင္ဏွ္တာၟရုဲၟစဲထင္းေဏ၀္ၟေ၀့ ဖႜဳံဆုိဒ္ေဖါဟ္အု္ေလင္ၟလု္႓ိင္း အု္လ်ာၟ လာ့-အြာ-၀၀္အွ္ေ၀့ဏီ့ဟွံင္ သုိင့္ထ၀္ဟွံင္ လု္အု္ေစွ္ခ၀့္ အု္ထုိ၀္ႏုံးဖုိင္ဏွ္ဍ၀္ မူၟေမံထင္းသင့္လု္ထာင္ ေဍအု္လ်ာၟ ထာင္ေဆ၀္ဖါေဍာဟ္ထင္းသာခုံၟထာင္ဏွ္လွ္။

မူၟေမံလ်ာၟထာင္ကႜာ အု္သာကႜာဏွ္ ပါဃွဳက္ေ၀့ ေဍေကႜာဟ္ဟွင္လု္ဖႜဳံးဏွ္လွ္။ ဖႜဳံဆုိဒ္ေဖါဟ္ေခါဟ္ေဍာဟ္ဏါၟလာဲ လု္ဖး သာလင္ဖႜါလုက္ခႜာ ႓သာကုိ၀္ဟွာ ပါကဲေ၀့ အု္ဆုိဒ္ေဖါဟ္အု္ေလင္ၟ ယုဂ္ယာန္းပါေဍာဟ္ဆုိင္ အွ္လင္ေထံ ေဏ၀္ၟမိင္ေ၀့ ခံင္ၟ႓ုိ၀္ဏါင္း ယုိ၀္ဏွ္လွ္။ ဖႜဳံဆုိဒ္ေဖါဟ္အု္ေလင္ၟဏွ္ဍ၀္ အ္ုဖင့္လ လု္္ထ၀္ မြာဲအု္လာ့၊ အု္သာကႜာ လု္္ထ၀္ မြာဲအု္အြာ၊ အု္ဖင့္ေခါဟ္လု္ထ၀္ မြာဲအု္၀၀္စွ္ဏွ္လွ္။

အု္ခ၀့္ပု္ယ၀့္ လု္ဖး
(က) အု္ေလင္ၟအု္လာ့ဏွ္ဍ၀္ အု္ခ၀့္ပု္ယ၀့္မြာဲေ၀့ဍး ဖႜဳံဆုိဒ္ေဖါဟ္လ္ုဖး သုင္းသာဟွဳင္ၟဖါန္၊ သုင္းသာခုိင့္ဏံင္၊ သုင္းဃွဳဲးသာယ၀့္ ဃွဴ႕ဃွင္သၞ၀့္ဏွ္လွ္။
(ခ) အု္ေလင္ၟအု္အြာဏွ္ဍ၀္ မြာဲေ၀့ဍး ဖႜဳံဆုိဒ္ေဖါဟ္လု္္ဖး သုင္းတ၀္သာလံင္ အွ္ေဍသီလ ေဍသစၥာ သုင္းေဟွ၀္ သာအြာ အု္ခ၀့္ပု္ယ၀့္ဏွ္လွ္။
(ဂ) အု္ေလင္ၟ အု္၀၀္လု္မိင္ဏွ္ဍ၀္ မြာဲေ၀့ဍး ဖႜဳံဆုိဒ္ေဖါဟ္လုက္ဆိင့္လု္ဖး သုုင္းဆံင္းသာ ဆံင္း သုင္းဍဴ သာဍဴ သုဲး၀၀္စွ္ ဆု္သာမဲလ္ုအွ္ ကုက္ဆုိင္ဆ္ု ဃွဴ႕ဃွင္သၞ၀့္ဏွ္လွ္။
(ဃ) မူၟေမံထင္းသင့္ အု္ခ၀့္ပု္ယ၀့္ဏွ္ဍ၀္ ဆု္လု္မူၟေမံသီးယုိ၀္ ေအဖႜဟ္ထင္းဏွ္ဍ၀္ ဍဳံလုက္ ေကာ၀္ၾကင္ဖုိင္ အု္လ်ာၟဖါန္ေဆ၀္ၟယွ၀္ၟ ဍးဆု္ကုိ၀္မိင္ ဟွယ္ဆု္ဖၚဆု္မာကဲေ၀့လွ္။
မူၟေမံဏွ္ မြာဲေ၀့ မူၟေမံထင္းသင့္ဏွ္လွ္။ မြာဲမူၟေမံ မု္လင္ႏုက္မြာဲေအး အ္ုေခါဟ္က်ံင္ ဖႜဳံဆုိ္ဒ္ေဖါဟ္သီးယုိ၀္ ေ႓့မူၟေမံ ထင္းသင့္သုိ၀္ဍိင္ယိက္ဍိင္ၟမု္ေဍာဟ္ယွာၟထင္းထ၀့္ မု္ထု္ ယ၀္ၟၿပာထာ့ ဆု္ေသွ္ယာ့ မု္အးထင္းေ၀့ဏွ္လွ္။
(င) မူၟေမံထင္းသင့္ေဆ၀္ယွ၀္ၟလ်ာၟထာင္ ခုဲၟထာင္ဏွ္ဍ၀္ ဖႜဳံဆုိ္ဒ္ေဖါဟ္ေမာ၀္ၟထာ္လီၟခ၀့္ ဖါၟထာင္လီၟစာင္ ထံင္လုက္ဆိင့္ ဖႜဳံဆုိဒ္ေဖါဟ္ ဃွဳိ၀္းမိင္လုက္္ဆိင့္ဟွယ့္လင္္အွ္ေ၀့ ထီ့ ေခႜာဟ္ ဟွယ့္လင္ခင့္ေထံ႓းေ၀့ ထီ့ေခႜာဟ္ခုဲၟ႓ံင္ပါလၜလင္ေ၀့လွ္။

ထီ့ေခႜာဟ္ခုဲၟ႓ံင္ အု္ခ၀့္ပု္ယ၀့္ဏွ္ဍ၀္
၁။ မံင္ဂုိ၀္းလီးယား-ခါန္ၟဖုိင္၊ ေစံက်ဳိင္ေခႜာတ္၊ (စစ္က်န္ၿမစ္)
၂။ တု္ရုဂ္ခါန္ၟဖုိင္၊ ဃွဳိ၀္၀င္ဃွဳိ၀္ေခႜာတ္၊ (ထီ့႓င္ေခႜာတ္)
၃။ တု္ရုဂ္ခါန္ၟဖုိင္၊ ယုိင္စီက်ဳိင္ေခႜာတ္၊
၄။ တု္ရုဂ္ခါန္ၟဖုိင္၊ ကုိင္တုံေခႜာတ္၊
၅။ လာအုိ၀္းခါန္ၟဖိုင္၊ မဲခင္ေခႜာတ္(ေမေခါ၀္ၟေခႜာတ္)၊
၆။ သာင့္ ယုိ၀္းဒယား ခါန္ၟဖိုင္၊ မဲႏုိင္ေခႜာတ္၊
၇။ ပု္ယာန္ခါန္ၟဖုိင္၊ ကၞံင့္ေယွာတ္ေခႜာတ္(သံလြင္ၿမစ္)
၈။ ပု္ယာန္ခါန္ၟဖုိင္၊ ဒီေပေခႜာတ္၊ (စစ္ေတာင္းၿမစ္)၊
၉။ ပု္ယာန္ခါန္ၟဖုိင္၊ ေပႜဟ္ေခႜာတ္၊ (ဧရာ၀တီၿမစ္)။

ဖႜဳံဆုိဒ္ေဖါဟ္ ဟွယ့္လင္သုဂ္လင္သာ လု္ထ၀္႓းလု္ထ၀္ ဟွယ့္လင္အွ္ေ၀့ ဍဳံဌာန္႔လု္ဖးဏ္ွဍ၀္-
၁။ သာင့္ယုိ၀္းဒယားခါန္ၟဖုိင္၊ ဍဳံဒြါရ၀တီ၊
၂။ ခါန္ၟပု္ယာန္ဖုိင္၊ အမရ၀တီ (ၿမ၀တီ)
၃။ ခါန္ၟပု္ယာန္ဖုိင္၊ ေမာရ၀တီ (ေမာ္လၿမဳိင္)
၄။ ခါန္ၟပု္ယာန္ဖုိင္၊ သုဓမ၀တီ (သထုံၿမဳိ႕)
၅။ ခါန္ၟပု္ယာန္ဖုိင္၊ ဟံသာ၀တီ (ပဲခူးၿမဳိ႕)
၆။ ခါန္ၟ ပု္ယာန္ဖုိင္၊ ေကတုမတီ( ေတာင္ငူၿမဳိ႕x)
၇။ ခါန္ၟပု္ယာန္ဖုိင္၊ သာယာ၀တီ( သာယာ၀တီၿမဳိ႕)
၈။ ခါန္ၟ ပု္ယာန္ဖုိင္၊ ဧရာ၀တီ (ၿမစ္၀ကွြၽန္းေပၚ)
၉။ ခါန္ၟပု္ယာန္ဖုိင္၊ ဓည၀တီ( ရခုိင္သံတြဲၿမဳိ႕)

မူၟေမံလ်ာၟဖုိင္ အု္ထာင္ခဲုၟထာင္အု္ကႜာ မူၟေမံဖင့္ေခါဟ္ ေကႜာဟ္ဟွင္အွ္ေ၀့ဍးဏွ္ဍ၀္ ဆု္လု္ေကႜာဟ္သီးယုိ၀္ မြာဲေ၀့ဍး ဖႜဳံဆုိဒ္ေဖါဟ္သီး ပါေဍာဟ္ေၿပယွံင္ အု္ေဟွ၀္ထုက္ ဆု္ေဖါတ္ဆု္အူး၊ လ၀့္ေဏ၀္ၟေဍထံင္ၟ၀၀္၊ ထံင္႓င္သယ္ လင္ေအာဟ္ဟွာဟွံင္လု္ေသွ္ အ္ွခုိင့္ယိက္ ထံင္က၀္တူကဲ ႃႃဖံင္ဖါေဍာဟ္႗႗လု္မိင္ဏွ္လွ္။ ေအဍး႓းေကႜာဟ္ဏွ္စာ႓ို၀္ မြာဲဖႜဳံဆုိဒ္ေဖါဟ္သီး အု္ဆု္ဏါင္း ဆု္ေသွ္ယာ့ကဲေ၀့ ထုိင္ၟေကာ၀္ၾကင္သာ့ကဲ အု္ေခါဟ္က်ံင္ ဖႜဳံဆုိဒ္ေဖါဟ္ အု္ေလင္ၟဏွ္သီး အွ္ေကွ္လင္၀ယ္ေ၀့ ေဍေကႜာဟ္ဟွင္ဏွ္လွ္။
ဖႜဳံဆုိဒ္ေဖါဟ္ အု္ေလင္ၟသီးယုိ၀္ အု္ခ၀့္ပု္ယ၀့္ ဍဳဂ္ပါင္ယုိင္က်း ပါလၜလင္ေ၀့ ဖႜဳံဆုိဒ္ေဖါဟ္ အု္ဏါင္း အးမိင္အးစိင္အွ္ ေ၀့ဏွ္တာၟ ဖႜဳံဆုိဒ္ေဖါဟ္သီးလု္ဖး စူးယာ့ေကခါင့္ ထံင္ၟေကာ၀္ ၾကင္လင္ေ႓ႜ၀္ လင္မုက္က၀္တူမိင္လု္ဆင့္ ပါေဍာဟ္ယုဂ္ယာန္းသီးကႜီဆုိင္လာၟ ဖႜဳံဆိုဒ္ ေဖါဟ္အု္ေလင္ၟဏွ္ ကုိ၀္ဏိင္းကုိ၀္လာေဍ လင္ေဖါဟ္လင္လီ အးဆုိ၀္အးဆင့္ဏွ္္ဆာ္ ကုိ၀္ဟွာေဍဏွ္လွ္။

ဖႜဳံဆုိဒ္ေဖါဟ္အု္ေလင္ၟထာေခါဟ္
ဖႜဳံေဖါဟ္ေဍယွင္ ပါေဍာဟ္ဃွဴ႕ဃွင္
ဖႜဳံဆုိဒ္ေဖါဟ္အု္ေလင္ၟ
မူၟေဆ၀္ၟယွ၀္ၟ လင္ေဍေကႜာဟ္ဓံင့္ဟွင္
၀၀္ အြာ လာ့ သုိင့္ဆင့္
႓ံင္ထင္းမုဂ္ဍင္ ေဖႜဟ္ေဖႜာဟ္၀ါဖႜင္
ထု္ယ၀္ၟေဍေကာ၀္ၾကင္
မြာဲဆုိဒ္အု္ဟွင္ၟ အဲကုဲဃွဴ႕ဃွင္
ထံင္႓းဏိင္းထင္းသင့္
ဖႜဳံဆုိဒ္ေဖါဟ္ေဍယွင္ သုင္းဃွဳဲ႕သာယင္
ယုဂ္ယာန္းဆုိင္ကုိ၀္႓ႜင္။

စ၀္အဲဆုိဒ္ (႓ုံးကု္တိက္)