ခႜါင္ထာင္ဖႜဳံ-

ပု္ေ၀့ဍးယို္၀္ မြာဲအု္ဖႜဳံေဖါဟဆု္ တုင္ၟပါင္လင္သာေအအွ္ဏွ္စာ္႓ုိ၀္ ပု္ေ၀့ဍးလု္ဖး ႓းခႜါင္ေ၀့ ဍးဖႜဳံဆု္ခႜါင္ဏွ္္လွ္။ ႓းလဲစာ္႓ုိ၀္ ခႜါင္ဖႜဳံဆု္ခႜါင္ လု္႓း႓းဏွ္ မာေလာဟ္လိက္္ဖႜဳံသီး မု္ေသွ္႓း ယ၀့္ဏွ္မြာဲေအး။ စင္႓ုိ၀္ဏွ္ ဆု္ခႜါင္ယုိ၀္ မြာဲအု္ဓိကပဓာနလွ္။ ခႜာင္ဖႜႜဳံဆု္ခႜါင္လု္႓း႓း ဟု္လ္ုဟွာ ဏွ္ ပ၀္ၟဖႜဳံလိက္႓းလာၟဏင့္သီး ဏးေ၀့အု္ခ၀့္ပု္ယ၀့္မု္ေသွ္ဏွ္မြာဲေအး။ ႓းလ၀္ပၞာ့အ္ုဍံင္ စာ္ ႓ုိ၀္ ေယာ၀္(တု္လုိင္)ဆုိဒ္ေဖါဟ္လု္ဟွာဏွ္ ပ၀္ၟလာၟဏင့္ဖႜဳံလိက္႓းသိီး ခႜါင္ဖႜဳံလု္႓း ႓းအ္ု ေခါဟ္က်ံင္ ေ႓့ဏးေ၀့အ္ုခ၀့္ပု္ယ၀့္ လု္ေသွ္ ႓းသုိ၀္ဏွ္ေဆ၀္ၟလွ္။
ခႜါင္ဖႜဳံေအ႓းဏွ္စာ္႓ုိုိ၀္ မာေလာဟ္လိက္ဖႜဳံသီးယ၀့္ေ၀့ေဆ၀္ၟလွ္။ ပု္ေ၀့သီးလ္ုဖး ေအခႜါင္ဖႜဳံဆု္ခႜါင္ အးအးေလံဏွ္စာ္႓ုိ၀္ ပု္သီး ပု္ဖႜဳံဆု္ခႜါင္ယုိ၀္ ဆုိဒ္ေဖါဟ္ဃွာၟဃွံင္သီး မု္႓း ပါေဍာဟ္ေ၀့လွ္။ မု္႓းသီ့ကႜီေ၀့လွ္။ မု္႓း႓ုိဒ္ရုိဒ္ေ၀့လွ္။ မု္႓းအွ္ေကွ္ေ၀့ အု္ေဍာဟ္ အု္မူၟ ဏွ္လွ္။ ပု္သီးေအခႜါင္ထင္းထာင္ ဖႜဳံဆု္ခႜါင္ အးအးေလံခုိတ္လု္ဖိုိင့္ လု္ပု္သီးဖႜဳံဆု္ခႜါင္ ကႝင့္၀ုင္ၟဖုိ္င္ဏွ္ ဆု္ခႜါင္ဖႜဳံးအင္းလယ္သာ (ပရိယာယ္စကားလုံး) မု္အွ္အးထင္းေ၀့လွ္။ ဆု္ခႜါင္ဖႜဳံးအင္း လယ္ သာ ေအအးထင္းဏွ္ ပု္သီးဖႜဳံဆု္ခႜါင္ယုိ၀္ ေဍဆုိဒ္ဃွာၟဃွံင္ဘာၟသာ့ဆု္ခႜါင္ဏွ္မ၀့္မွ္ မု္ဖႜဟ္ ထု္ယ၀္ၟ မု္ေဍာဟ္ယွာၟထင္းထ၀့္စီကႜာေ၀့လွ္။

ပု္ဖႜဳံဆ္ုခႜါင္္ဖႜဳံးအင္းလယ္သာ ေအလ္ုအွ္လုိင့္ဃွဦဳဍာ္႓းစာ္႓ုိ၀္ ပု္ဖႜဳံေဖါဟ္သီးခ၀့္ ႓းပၱံင္အင္းတာင္ အးထင္းေ၀့ဍးလွ္။ မု္ပၱံင္အင္းတာင္အးထင္း ဆု္ခႜါင္္ဖႜဳံး အင္းလယ္သာ ယုိ၀္ဏွ္ ႓းမာဍံင္ေ၀့ဍး ေ႓့ေယာ၀္၊ သာင့္၊ ပု္ယင္သယ္သုိ၀္ဏွ္လွ္။ အု္ခါ့ဍးအုိ၀္ ပု္ယင္ယုိ၀္ ဏွ္ အု္သီးေ၀့ ဆု္ခႜါင္ဖႜဳံးအင္လယ္သာ အွ္အးလယ့္ကုင့္မြာဲေအး။ အု္သီးေ၀့ဍးလံင္ အင္း႓ူး လင္ေဏ၀္ၟ ဖႜဳံဆု္ခႜါင္ဖႜဳံးဟွံင္ ပါကဲထာင္ေ၀့ ေဍအု္သီး ဆု္ခႜါင္္ဖႜဳံးအု္ေခါဟ္က်ံင္ အ္ုသီးေ၀့ ဆု္ခႜါင္ဖႜဳံး လီ့လြာဲသာ အးထင္းေ၀့ဍးတာလွ္။

႓းဍဳဂ္ဏဲလင္အု္ဍံင္စာ္႓ုိ၀္ (က်ဳိက္သုတ္ကႜံင္)-စာ္ဆု္အု္မိင္ယုိ၀္ မြာဲေယာ၀္ဆု္ခႜါင္ ဖႜဳံးလွ္။ ကႜံင္အု္မိင္ယင္ၟဏွ္ ေယာ၀္ေကာ၀္ေ၀့ဍ မြာဲ (က်ာ္ဓာတ္သုဂ္) ေဆ၀္လွ္။ က်ာ္ဓာတ္ သုဂ္ အု္မိင္ဏွ္အုိ၀္ ေ႓့မု္ကဲထင္းထာင္ ပု္ယင္ဆု္ခႜါင္ဖႜဳံးသုိ၀္ဏွ္ ထုဂ္႓ႜဳဂ္ေထာဟ္ လင္႓ၚ ခြိက္ေ၀့ (ဓာတ္) ဆု္ခႜါင္ဖႜဳံးဏွ္ဟွံင္ကုိ၀္ထာင္ေဍ(က်ာ္သုဂ္-က်ဳိက္သုတ္)ဏွ္လွ္။ က်ာ္သုဂ္-က်ဳိက္သုတ္ ဆု္ခႜါင္ဖႜဳံးယုို္၀္ ကာလာယိက္ထင္းခိုိတ္္ အင္းဃွဴ႕ထာင္္ဆု္ခႜါင္ဖႜဳံး အု္မူ႔ထာ္ လု္႓းလုိင္႓းတာၟ ကဲထင္းခြိက္ေ၀့ ပု္ယင္ဆု္က္ုိ၀္ဆု္လ၀္ ဆု္ခႜါင္ဖႜဳံးေဆ၀္ၟလွ္။
ပု္ေ၀့ပု္ဖႜဳံသီး မု္႓းမာဍံင္ ေ႓့အု္သီးေ၀့ဏွ္သုိ၀္ေဆ၀္ၟလွ္။ အု္ဏွ္ ဏွ္စာ္႓ုိ၀္ ပု္ေ၀့ ပု္ဖႜဳံ ဆု္ခႜါင္ဖႜဳံးသီးမု္အးထင္း ဆ္ုခႜါင္ဖႜဳံးခ၀့္အင္းလယ္သာသီး မု္လုိင့္ဃဦွဳထင္းေ၀့လွ္။ ေ႓့ပု္ဖႜဳံဆု္ခႜါင္ ဖႜဳံး ေ၀ါဟာရ မု္အွ္အးထင္းအု္ဟွင္ၟဏွ္ လ္ု္ပါဠိဆ္ုခႜါင္ဖႜဳံးဖုိင္ခ၀့္ မြာဲအ္ုေဟွ၀္၊ လု္ပု္ယင္ဆု္ခႜါင္ ဖႜဳံးဖုိင္ခ၀့္မြာဲအု္ေဟွ၀္၊ လု္ေယာ၀္၊ သာင့္၊ ယွင္ ဆ္ုခႜါင္ဖႜဳံးဖုိင္ခ၀့္မြာဲအု္္ေဟွ၀္၊ လု္ေအန္ဂု္လာ္ ဆု္ခႜါင္ဖႜဳံးဖုိင္ခ၀့္ မြြာဲအု္ေဟွ၀္ ႓းပၱံင္အင္းဖံင္းေဏ၀္ၟေ၀့ဍးလွ္။
လ၀္လင္ထ၀ယ္ဟွံင္ ေယာ၀္၊ ပု္ယင္သယ္ ဆ္ုခႜါင္ဖႜဳံးလု္ဖးဏွ္ ေ႓့မု္ကဲထင္း ဖႜဳံဆု္ခႜါင္ ဖႜဳံးသို၀္ အင္းလယ္ထင္းခြိက္ အ္ုလူၟမြာဲအု္ေဟွ၀္၊ အု္ခင္းထာ္ဖႜဳံး၊ အု္ကႜာဖႜဳံး၊ အု္ခီ့ထုိ၀္ဖႜဳံး ေထာဟ္လင္႓ုိင္ခြိက္မြာဲအ္ု္ေဟွဝ္၊ ေ႓့အု္ခ၀့္ပု္ယ၀့္အွ္ဏွ္ ခႜယ့္ကု္ဍာေဏ၀္ၟတ၀္တ၀္ မြာဲအု္ ေေဟွ၀္၊ ႓းတာင္အးထင္းေ၀့ ပု္ဖႜဳံဆု္ခႜါင္ကို၀္မိင္ကုိ၀္စိင္ဏွ္လွ္။
႓းဍဳဂ္ဏဲအု္ဍံင္ လု္ေပ၀့္လု္ေခ၀္ၟစာ္႓ုိ၀္ (ၿမတ္ေလးပန္း၊ ေတာင္ဇလပ္ပန္း) သယ္စာ္ ေ၀့ဍး ပု္ယင္ ကုိ၀္ဖ၀့္လ္ုဖးဏွ္ လု္ပ္ု္္ဖႜဳံဆု္ခႜါင္ခ၀့္ ေအ လု္အွ္ဍာ္႓းစာ္႓ုိ၀္ ေ႓့မု္အွ္ထင္းမု္ကုိ၀္ ႓းေ၀့သုိ၀္ဏွ္ အင္းဃွဴ႕ေယာ၀္. လု္ုပါဠိဖုိင္ခ၀့္ ပါဠိကို၀္ေ၀့ဍး သုမနစာ္႓ုိဳ၀္-- ပု္ဖႜဳံခ၀့္ဏွ္ အင္းလယ္ထင္းခြိက္ ပါဠိဆု္ဖႜဳံးအု္လူၟဟွံင္ ေအကုိ၀္ထာင္ ေဍသုမ္နံင္ၟဖ၀့္၊ ေတာင္ဇလပ္ပန္း ဏွ္အုိ၀္ ပါဠိကုိ၀္ေ၀့ဍး တဂၢရ-စာ္႓ုိ၀္-- ပု္ဖႜဳံခ၀့္ေအကုိ၀္ထာင္ေဍတုဂ္ၿဂံင္ၟဖ၀့္ဏွ္ ဆိုဒ္ဃွာၟ ဃွံင္ခ၀့္သီး မု္အင္းကွ္ မု္ပါရုင္ၟ(လုင္ၟ)ပု္႓ုင္းဏွ္မြာဲေအး။ ႓းလဲစာ္႓ုိ၀္ သုမ္နံင္ၟဖ၀့္၊ တုဂ္ၿဂံင္ၟဖ၀့္-ဆု္ခႜါင္ဖႜဳံးယုိ၀္ ဟွယ့္လင္ေ၀့အ္္ုထာ္ လု္ပါဠိဆု္ဖႜဳံးခ၀့္အု္ေခါဟ္က်ံင္ဏွ္လွ္။
စင္ၟ႓ုိ၀္ဏွ္ ဆူ႔ေက၀္လိက္္ဆာၟ မု္ဆင္းဃွံင့္႓းသာ ဖႜဳံေဖါဟ္ဂမႜဳိင္ၟလုက္ခႜါဏွ္ဟွး--ေ႓့ဖႜဳံဆု္ခႜါင္ဖႜဳံး မု္အွွ္အးထင္း၊ မု္ခုိင့္ဏံင္ထင္းသုိ၀္ဏွ္အုိ၀္ ေကႜစိုဒ္ပၱံင ္အးထင္း ကဲလာၟ ကုိ၀္ဟွာဟွံင္ ခႜါင္ထင္းထာင္လာၟ ဖႜဳံကုိ၀္ဟွာေဍဆာ္။
၀ါင္သစၥာ